السلام عليكم
يا جماعة انا كنت ناوي اشتري ابيزا من 94 ل 98 في حدود 29000 ممكن حد من اهل الخبرة يقوللي الابيزا كويسة من حيث قطع الغيار و ممكن حد يكتبلي بعض اسعار قطع الغيار عشان دي اول عربية و هتعلم فيها
عرض للطباعة
السلام عليكم
يا جماعة انا كنت ناوي اشتري ابيزا من 94 ل 98 في حدود 29000 ممكن حد من اهل الخبرة يقوللي الابيزا كويسة من حيث قطع الغيار و ممكن حد يكتبلي بعض اسعار قطع الغيار عشان دي اول عربية و هتعلم فيها
أسعارها غالية نسبيا وحط تحت نسبيا 100 خط لأنها مش زى الكورى يعنى قطع غيار عياشه هتجيبها وتنساها ......... كل الألمانى كده
هات العربية بقلب جاااااااااامد
شكرا للرد اي حد ممكن يصلحها و اعطالها كتيرة ولا اييه و ممكن تجطلي بعض اسعار قطع الغيار اللي بتتغير ف اي عربية مستعملة
في البداية احب ارحب بيك في قسم سيات
واتمني ان شاء تكون عضو معانا هنا
الأبيزا عربيات حلوة اوي بجد
بس للأسف طالع عليها سمعة ان قطع غيارها غالية
مش هقول انها رخيصة - هي فعلا اغلي من الكوري
بس لو انت بتشتري عربية عشان تركب - تركب مش بتجيب العربية سنة وتغيرها - لو بتشتري عشان تركبها هتلاقي ان قطع غيارها معمرة ومش خسارة فيها الفلوس
يعني مثلا التيل - اغلي من الكوري بحوالي 4 مرات - بس بيعيش قد الكوري تقريبا ثلاثة اضعاف
طقم الدبرياج - يمكن اغلي الضعف - بس بيعيش بردو الضعف
العفشة - اغلي - بس بتعيش اكتر
وبالتالي هي موفرة علي المدي الطويل - اوفر في قطع الغيار والمصنعيات وكل شوية وقوف عن صنايعية
وكاستهلاك بنزين - بردو اوفر
انصحك بال29 تجيب من اول موديل 97 - ممكن تجيبها فيها باور و 2 زجاج كهرباء
والله المستعان
،
،
ربنا يبارك فيك بس لو دي اول عربية ليا هي مناسبة اكتر ولا كيا برايد هاتش باك و ال29000 يجيبو حاله كويسه و ممكن معلش انا بتقل عليك تقولي اسعار فعلية لقطع الغيار اللي بتتغير ف اي عربية مستعملة و شكرا علي المساعدة
اي عربية مستعملة بيتغير فلاتر وزيوت وسيور
نبدأ بالفلاتر
فلتر زيت - 35
فلتر هواء - الأصلي ب 45 العادي ب25
فلتر بنزين - الأصلي ب 50 العادي ب 25
الزيوت
زيت موتور - حسب الزيت
زيت فتيس - 3 كيلو ب 60 جنيه
زيت فرامل - 16
زيت الباور - 55
السيور
سير الدينمو - بتاعها ب 85 البديل ب 35
سير الكاتينة - 90
بلية الشداد - 350
انا فاكر مرة عملت مقارنة بين الأبيزا والبرايد بس مش فاكر في انهي موضوع
بس علي العموم هو مفيش اي وجه مقارنة نهائي بينهم
لا كتكنولوجيا ولا استهلاك ولا قطع غيار ولا كركوبة ولا كأي حاجة في أي حاجة
الأبيزا تختلف كليا وجزئيا عن البرايد
يكفي اركب قدام دريكسيون دي وشوف الطابلوه والعدادات واركب قدام دريكسيون البرايد وشوف الطابلوه والعدادات هتعرف ان لسة كتير اوي علي الكوري لما يحصل الأوروبي
ومش هقولك الأتنين موديل 99
اركب برايد 99 وابيزا 94 - هتلاقي بردو المقارنة لصالح الأبيزا
ولو قارنت ابيزا 99 ب برايد 99 هتلاقي بجد مفيش اي اوجه مقارنة
الأبيزا 99 انجيكشن
البرايد 99 كربراتير
الأبيزا 99 ب 29 باور وسنتر وزجاج كهرباء ومفتاح بالريموت
البرايد 99 ب 29 سنتر
الأبيزا 99 فيها ايموبلايزر مانع السرقة
البرايد 99 مفتاح عادي مش مشفر
الأبيزا 99 كراسي قطيفة بلون فرش الباب
البرايد 99 كراسي قماش بلون فرش الباب
افتح باب الأبيزا 99 وشوف تخانة الباب وصاجه
وافتح باب البرايد وشوف قدر التوفير وفقر الخامات
مش عارف اقولك ايه تاني بس كتوتال الأبيزا أشيك ومتكلفة اكتر من البرايد
والله المستعان
،
،
شكرا للرد ال29000 يجيبو حاله كويسه ودي اول عربية ليا ولا البرايد هاتش باك
مشكوووووور والله يعطيك الف عافيه
طبعاً هي افضل من الكوري وفيها متور جولف ١٩٩٢ وعلى الطريق وعزل الصوت والفرامل مش هوضحلك المانى المهم الحاله وانت بتشتري