تجربتى مع استهلاك البنزين فى الصنى 2013

**dr_hassan1eg** · 27-08-2012 01:44 PM

تجربتى مع استهلاك البنزين فى الصنى 2013
.
.
.
السلام عليكم
اشتربت الحمد لله نيسان صنى بعد عذاب الحجز والانتظار واستلمتها 1/7/2012
العربية بالنسبة لسعرها كويسة ومش هدخل فى تفاصيل بعيد عن موضوع البنزين
..
بصراحة العربية فيها كمبيوتر اكتر من رائع بيحسب كل صغيرة وكبيرة - رغم استغرابي من غباء المصمم اللى اضاف كل حاجة ونسي يعمل مؤشر للحرار!!!!!!!!!!!!!!!! ومش فاهمها لحد دلوقتى - اكيد مكنتش صعبة
ما علينا احنا برضه فى البنزين
الحقيقة انا حسيت ان استهلاك البنزين عالى جدااااااااا بالنسبة لموتور 1500 والنيوتكنولوجى اللى دوشونا بيه واللى اكدلى ده حاجتين
1- ان الكمبيوتر بيحسب متوسط استهلاك البنزين من يوم ما جبت العربية وهو عندى 13.3 لتر/100كم وده عالى لان الصفيحة هتعمل معاك فى حدود 150-170 كم
2- لان تانك البنزين صغير جداااا (40لتر) !!!!! ودى من اكبر مشاكل العربية خصوصا فى جو ازمة البنزين اللى احنا فيه واللى هيخليك تروح البنزينه كتير
.
.
المهم
.
.
امبارح وانا سايق على طريق شبهن مفتوح فكرت اجرب استهلاك البنزين بنفسي - ودى من مميزات الكمبيوتر برضه انه بيحسب الاستهلاك اللحظى للبنزين
.
.
قفلت التكييف _التلاجة للامانه عمرى ما زودت عن 2 - وفتحت الشباك اللى جنبى وكنا بالليل فالجو مش وحش يعنى
وسرعت لحد 90كم/س وثبت رجلى وبدأت الاحظ استهلاك البنتزين
.
.
وكانت المفاجأة 4.6-6.5 لتر /100 كم !!!!!!!!!!!!!!!!!!!!
.
.
حقيقى ظلمت العربية
وفعلا انا الللى اسلوب سواقتى كان بياكل البنزين
فوجب على انى اقول الحقيقة للامانه
وشكرا

**dadado** · 27-08-2012 02:49 PM

100/100 thanks

**tarekmomo** · 27-08-2012 03:12 PM

تسلك ايدك وفعلا الكنبيوتر بغير الاستهلاك حسب السرعة والقرص والطريق زحمة او مفتووح

**mohamedhagrass** · 27-08-2012 03:27 PM

والله يا جماعه انا حاولت كتير اكاد ان الصني استهلاكها كويس وفشلت اخيرا حد غيري جه واثبت ده

**dr_hassan1eg** · 27-08-2012 03:28 PM

اتمنى ان كل واحد عنده العربية دى يعمل نفس التجربة فى نفس الظروف ويكتبلنا كان الكمبيوتر قارى كام؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟

**the_air_devil** · 27-08-2012 04:49 PM

المشاركة الأصلية كتبت بواسطة dr_hassan1eg

اتمنى ان كل واحد عنده العربية دى يعمل نفس التجربة فى نفس الظروف ويكتبلنا كان الكمبيوتر قارى كام؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟

في الظروف دي بيقرا 5 أو 6 بالكتير ... وبعدين الكومبيوتر بيحسب استهلاكك في الـ 100 كيلومتر لو انت استمريت لمسافة 100 كيلومتر على وضعك الحالي.... يعني لو انت ماشي على مطلع ومشغل التكييف على 4 وطالع على التاني....أكيد هاتلاقيه حاسبلك 22 لتر لكل 100 كيلو !!! أما لو انت راكن خالص هاتفاجأ انه مديك 30 لتر لكل 100 كيلو ... انما لو على طريق سريع ووزن العربية خفيف والموتور مدي سرعة كبيرة وعزم قليل هاتلاقيه مديك 6 أو 7 بالكتير ...وده استهلاك ممتاز جداً ..... عايز اقوللك اني باعمل خلال الأسبوع مايقرب من 500 كيلو وبتفويلة واحدة , ومزيج بين المشي في الزحمة والركنة والتكييف والطرق السريعة .....

ربنا يباركلك فيها

**Youssef.Awad** · 27-08-2012 05:32 PM

تقرير رائع اتفق معاك فيه فى نقطة امبير الحرارة اللى مش موجود او حتى اللمبتين زرقاء وحمراء زى الهيونداى..

لكن حسابات الكومبيوتر لا يُعتد بيها ابدااا لانها بتكون مؤشر للاستهلاك وليس استهلاكا فعليا
انما الاصح انك تفول للاخر (التانك 40 لتر) وتمشى مسافة معينة (100 كم مثلا) وتدخل تفول تانى وتشوف اخدت كام لتر بنزين وتحسب الاستهلاك للصفيحة (20 لتر) غير كده يبقى استهلاك افتراضى !!!

ليا ملحوظة كمان .. فتح زجاج السائق الجانبى وقفل التكييف تقريبا نفس معدل استهلاك تشغيل التكييف على واحد او 2 مثلا وغلق الزجاج .. عشان طبعا مقاومة الهواء ..