تجربتي في تغيير وصيانه عفشة لانسر بومة 2006 1300cc
بسم الله الرحمن الرحيم
هنا سأشرح لكم ما فعلته لصيانه عفشة عربيتي
السيارة عامله 165000 كيلو و العفشة بصراحه كانت مش مظبوطه خاص
بعض الناس قالوا لي ان الدوشمة بتاعت الفرامل هلي السبب ... وهذا خطأ , العفشة لما تكون بايظه الدوشمه بتعمل اصوات نتيجه شده حركتها
1- تم تغيير مساعدين امامي و خلفي بمساعدين kyp (الامامي 850 جنيه و الخلفي 650 جنيه ) من احمد جابر الحرفيين.
2- تم تغيير التيش و بيض الدركسيون واشتريتهم 555 ماركة يباني ب 390 جنيه.
3- تم تغيير جلب المقصات وجبت الاصلي (الاثنين ب 190 جنيه ) و نصيحة لازم الاصلي هنا .
4- تم تغيير مسمارين الميزان و معهم جلب الطعمية وجبت الاصلي (الاثنين ب 160جنيه ) و نصيحة لازم الاصلي هنا .
5- تم تغيير جلب عمود الميزان وبرده اصلي تقريبا الاثنين ب 120 جنيه (مش فاكر ده اوي).
6- تم تغيير تيل الفرامل وطوا عمري بجيب الاصلي بس العفشجي نصحني بنوع تركي واشتريته ب 75 جنيه و اهم شئ القواعد بتاعة التيل (هام ونصيحه تغيرها كل مرتين تيل ) ب 40 جنيه اليباني بس بجد بتفرق كتير .
7- تم خرط التنبورتين الامامي ب 80 جنيه.
8- كان عندي كاوتشه كوبلن مشروخه غيرتها ب 60 جنيه يباني ( لو الكاوتشة عندك مقطوعه لازم تغيرها علي طول حفاظا علي عمر الكوبلن)
المصنعية ب 250 جنيه بس بصراحه العفشجي محترم جداً بس هو في الزقازيق لان انا كنت جربت اكثر من واحد في الحرفيين و مش عاجبوني نهائياً .
ملحوظه او نصيحة العفشجي عملهالي و هي خالاني اشتري جلده مازيكا بتاع بيجو جي ار و هي عبارة عن جلده زي بتاعت الاسكترا المهم ركبها علي المساعد (فوق الصدادة) كحماية من التراب و خلافه .
اتمني ان اكون شرحت بطرقه مفهومه وان يستفيد الجميع