عرض للطباعة
احيانا بآجي أدوّر العربية تأخر كام ثانية كده على غير المعتاد
ايه ضرر الموضوع ده وايه حلُّه؟
يعني تنضيف حاجة معينة؟ مراجعة؟ تغيير؟
اصلي سامع انه كده ممكن يأثر على حاجات تاني
مع العلم ان العربية شاهين 2004 والكهرباء زي ما هي ماتلعبش فيها؟
وهل البنزين ممكن يكون ليه تأثير ؟ بحط 80 من فترة بسيطة وماظبطش كهرباء ولا حاجة :oops:
محدش رد علي يا رجالة
والا كنتو مشغولين في العركة؟ بهزر!
بجد محدش رد علىّ ليه؟
انا معاى دوجان 92 وعملت معايا الحركة دى لما غيرت من 90 الى 80 روحت للميكانيكى ضبط الكهرباء واخرها شوية منعت التسقيف وبقت تدور بسرعة
شكرا يا احمد باشا ع الافادة :)
اطلع علي الحرفيين اللي عند مصنع الثلج ... ادخل جوه لحد ما تسال علي مخرطه الحج سمير هاشم ... و انت واقف قدامها اسال علي خالد عزت الميكانيكي ... روح عند خالد .. كلم خالد نفسه .. قوله بيشوي باعتني اظبط العربيه .. و قوله الاماره موتوره عندك جنب الحيط كنت بتعمرهوله (و شاور علي موتور اللادا الجربان اللي مرمي جنب الحيط) ...
او روح لولاد عم شكري احسن من خالد كمان .. بس انت شكلك قافش معاهم ولا حاجه ..
بيشو ..
لأ يا بيشو مش قافش معاهم ولا حاجة
انا بس محتار اثبت على 80 والا ارجع 90 زي ما كنت ومن غير وجع دماغ ولا لعب في العربية
انا بفكر بعد تفويلة الـ 80 دي ارجع 90 تاني . . . ايه رأيك انت ؟؟
مش عارف .. حسب الcompresion ratio بتاع المكنه ...و لاحظ ان ال 80 مش موجود علي طول عندنا ..