منظف رشاشات عمل مشكله مع فلتر البنزين وكان حايطير حساس الشكمان تجربه للاستفاده والمشو
العربيه سحبها مكانش عاجبنى قومت شارى بوجيهات ngk g power وركبتها مفرقتش فى حاجه السحب هو هو رحت شارى منظف انجكشن stp وغلطتى حطيته والتنك فاضى فى محطة البنزين وقلت افول بقى لقيت المحرك تذبذب والار بى ام يهدى ويعلى وبطلت دورت فولت وخدتها جرى وحرق من اكتوبر للمهندسين الاداء زفت الزفت برجله ورعشه وتبطيل وتاخر فى السحب رحت الميكانيكى لقيته قافل رحت رايح على مركز حورس اللى فى الزمالك وكيل صيانه معتمد من غبور حطو العربيه على الجهاز وفحصوها المهندس قالى فلتر البنزين لازم يتغير وكمان البوجيهات غير مناسبه حط الاصلى المهم غير الفلتر والبوجيهات لان البوجيهات اللى كانو فيها واحد منهم قطع العربيه كانت بتدخن دخنه سودا المهندس قالى حساس الشكمان مش مدى اى اشاره قاطع سالنا على سعره عند غبور 900 بره لقيته ب650 وبعدين ب450 المهم لحسن الحظ الحساس اشتغل تانى وادى اشاره على الكمبيوتر الحمد لله التكلفه 175 فلتر بنزين 60 بوجيهات 30 منظف ايدلر 175 مصنعيات الاجمالى بالضريبه 479 والحمد لله وانا مروح السحب كويس جدا حرقت عليها لقيتها بتدخن دخنه سوده وبعدين الدخنه راحت وانتظام الموتور كويس الاستفاده من هذه القصه حاغير فلتر البنزين على 30000 هى والبوجيهات ومش حاستنى لل60000 زى ما الكتالوج بيقول مش حاحط منظف انجكشن تانى ولا على تانك فاضى ولا مليان مش حاحط نوع بوجيهات الا الاصلى عايز اعرف رايكوا خصوصا ان البوجيهات البلاتين الب100 جندى كمان راحت على الارض اجمالى الخسائر 600 والعاقبة عندكم فى المسرات شكرا
