بلطجـــــــــــــــــــــ ه فوق الحد اليكم ما حدث.......

**eldell** · 28-08-2012 03:58 AM

حسبى الله ونعم الوكيل الناس ديه واخدنها بالدراع واعتقد الموقف ده بيبقى ليه علاقه بالمحافظه علشان ازاى يعنى الحكومه مش هتستفاد من الكلام ده ؟ بس الناس الى زى ديه بتغلى الحاجه بمزاجها وطول مهما شايفين ان احنا تحت رحمتهم هيعملو كده وربنا يااااااخد الاشكال ديه ويتعدل حال البلد ديه

**احمد المصرى** · 28-08-2012 09:01 AM

يعنى انتم كتير كدا ومش عارفين تخدوه علقه محترمه ويتسحب على اى قسم يتعلم الادب

**حماده المصري** · 28-08-2012 09:21 AM

هو الحوار ده حصل معاك شخيصيا

ولا منقول عشان انا شوفته متشير على الفيس في ناس كتير مشيراه

**benmatar** · 28-08-2012 10:59 AM

استنتاج طبيعي جدا لتطورات الوضع في مصر اجتماعيا واقتصاديا وخلقيا، والانهيار المهول للمجتمع برضه مش حدث غريب أو خبر جديد، زي مابيقولو اللي ميشوفش من الغربال يبقى أعمى.. الحل ببساطة لمعالجة أو كبح الصدوع دي هو الرد والتعامل بالمثل وللأسف اضطرارا، إزاااااااااااااااااااااي؟ ؟ زي ما كلنا سمعنا وقرينا عن أهل قرية في دمياط قتلو بلطجي أعاث في الأرض فسادا، ونفس الحدث كان حصل في حلوان من شهور وتخلص المواطنين من 2 من الخارجين عن القانون، ومن يومين في الشرقية نفس القصة، الصعيد معدلات الإجرام فيه والبلطجة مش زي القاهرة عشان الحرامي عارف إنه ممكن ينط في بيت يلاقي آلي بيسلم عليه أو كلاش بيزغزغه، والناس عارفة بعض والشوارع عوائل وبيت واحد، ولو بلطجي غريب دخل قرية أو شارع هيخرج منها على المشرحة دوغري، يعني الناس تتحد وتجابه الخطر بنفسها وتحكم الأمن في محيطها وتتعاون، ومحدش يسكت عن غلط بس مش لوحده وإلا الهلاك للكل، واللي بيقول ماليش دعوة أو أنا في حالي هيهرس في النص، وإلا هندفع إتاوات كل ما نطلع بيوتنا وكل ماننزل منها، وسلم لي على الوزارة والسفارة والخارجية والداخلية والدوريات الباتنجانية وإنسى 122 وحطه في قائمة rejected numbers في تليفونك المحمول، وإنا لله وإنا إليه راجعون

**ali_333** · 28-08-2012 12:21 PM

ده كده المفروض يتقتل سب الدين استغفر الله العظيم

الشعب المفروض ينشف اكتر من كده الناس بقت تخاف تتخانق وتضرب .ده سبب الحياة المرفهة

والتكييفات والراحة الزيادة وعدم ممارسة الرياضة . كنتو اتلميتو عليه مسكتو من رقبته وعصرتوهالو

وموتو ورميتو في اقرب صندوق زبالة

**hossam_elwani** · 28-08-2012 04:14 PM

المشاركة الأصلية كتبت بواسطة حماده المصري

هو الحوار ده حصل معاك شخيصيا

ولا منقول عشان انا شوفته متشير على الفيس في ناس كتير مشيراه

منقول من الفيس

**ahmedsrs** · 28-08-2012 08:36 PM

لا تعليق عشان الضغط ارتفع

**أشرف العدوي** · 28-08-2012 08:57 PM

مش عايز أحبطكوا أكتر و انقلكوا ردود أدمن صفحة وزارة الداخلية لما بعتله رسالة بالموضوع ده
فيما معناه
مالناش فيه

ده الرد

شيروا الصورة دى زى ما كل الناس شيرت الواقعة بتاعتها

"أبــــــو شــــهــــد"

اللى نص صفحات الفيس بتتكلم عنه
وثلث اعضاء الصفحات دى بيبعتلنا الصورة دى واللى هحطلكم القصة اللى مكتوبة عليها فى الصفحات

بس قبل ما احطلكم القصة هحطلكم الرد المنطقى والقانونى :

مين قال ان اجيب صورة واتهم صاحبها باى حاجة وانشرها على الفيس يبقى كده انا خليته مطلوب ضبطه واحضاره ؟؟
الراجل اللى فى الصورة ده سواء القصة دى حقيقية او من عدمه لا أحد الى الان يملك ضده أى شئ
مع احترامى لأى صفحة نشرت الكلام ده على لسانها او ان الموقف حصل معاه شخصيا
مش جايز انت بتحور وانت مخنوق من الراجل ده أو عمل معاك موقف ضايقك ؟؟
يبقى الحل ايه ؟؟؟

الحل : الشخص اللى حصل معاه الموقف ده يروح يعمل محضر فى قسم اكتوبر يتهم الراجل ده بكل اللى حصل ( دا لو كان حصل ) وفى الحالة دى يبقى فى حاجة قانونية عندى كظابط فى القسم انى ابعت للراجل ده واقوله تعالى انت متهم فى كذا وكذا
لأ وهو كمان ليه الحق انه يرفض ييجى . على سبيل المثال يقول "يا عم انا لا عملت حاجة ولا شتمت حد ولا رفعت مطواة على حد ولا هروح القسم"
فى الحالة دى المحضر بيتعمل فيه حاجة اسمها رفض حضور وبيروح النيابة اللى بتبعت للراجل تانى ومن حقه برضه يرفض
وهنا النيابة بتطلب تحريات المباحث حول الواقعة وظروفها وملابساتها
هنا بقى رئيس المباحث بيعمل تحرياته ويسئل مصادره ويعرف اذا كان عمل أو ما عملش التهم الموجهة اليه
لو عملها فعلا يروح رئيس المباحث عامل تحرياته بصحة الواقعة
وهنا يبقى ثبت الكلام على الراجل وتمشى القضية بقى وينزله حكم قضائى

واحد هيسأل طيب ما الظابط بتاع القسم يعمل تحرياته ويقول ان الواقعة حصلت ايه المشكلة فى كدة ؟
ابسط حاجة الراجل هيقوله : يا عم هو حد اشتكالك ؟؟؟؟؟؟

لاااااااااازم محضر

https://www.facebook.com/photo.php?f...levant_count=1