الف تحية للجميع ان شاء الله ناوى اروح حديقة الحيوان بالعربية من السويس فكنت عايز اعرف هل ممكن اركن العربية جنب اى محطة مترو واروح عن طريق المترو اذا كانت هناك محطة مترو قريبة من حديقة الحيوان وشكرا
عرض للطباعة
الف تحية للجميع ان شاء الله ناوى اروح حديقة الحيوان بالعربية من السويس فكنت عايز اعرف هل ممكن اركن العربية جنب اى محطة مترو واروح عن طريق المترو اذا كانت هناك محطة مترو قريبة من حديقة الحيوان وشكرا
طيب ما تروح بيها
عموما محطة فيصل او جامعة القاهرة الأقرب
مفيش محطه قريبه بمعنى انك لازم تركب تاكسى للجنينه بعد المترو
هى مسافه بسيطه بس ما تتمشيش
تنزل محطة الجامعه او محطة الدقى و التاكسى اخره ٤-٥ جنيه
اقرب محطة هى جامعة القاهرة
الف الف شكرا لكل من اهتم ورد
على فكرة الركنة عن الحديقة مش صعبة لان الجامعة لسه مدخلتش هتلاقى ركنة بسهولة
تروحها بالعربيه احسن والايام دي هتلاقي ركنه كتير عشن الجامعه مش مفتوحه لسه - اقرب محطه هي الدقي
كمان بالعربيه اسهل لو خت كوبري اكتوبر من مدينه نصر هتنزل الدقي وتاخد كوبري الدقي هتلاقي حديقه الاورمان قدامك وجنبها حديقه الحيوانات هو ده أسهل طريق وانت جي من السويس انا بعمل كده
الافضل بالعربية شارع الجامعة كبير و تقدر تركن براحتك كمان الحديقة ليها اكتر من بوابة و الركنات جمبهم كتير اقرب محطة مترو على حسب انت جاى منين لو من ناحية شارع التحرير تبقى محطة الدقى لو من ناحية فيصل تبقى محطة جامعة القاهرة بس العربية افضل لان المحطتين مش جنب الحديقة مسافة بردو
الف الف شكر للجميع فعلا انتم خير معين