حسبنا الله ونعم الوكيل
اتمنى تطبيق القانون على الكل بصرامة وبحزم وبدون اى استثناءات لمخالف
بس واضح انها مجرد امنيه واحلام
عرض للطباعة
حسبنا الله ونعم الوكيل
اتمنى تطبيق القانون على الكل بصرامة وبحزم وبدون اى استثناءات لمخالف
بس واضح انها مجرد امنيه واحلام
يا باشا الشرطة دي تخصصات واجهزة وقطاعات
اللجان انواع
فعلا منها لجان مباحث
ومنها لجان انظباط
ومنها لجان مرورية
مش اي بتنجان يعني
ومن ضغط شغلهم بيبقي بالعافية شايف تخصصه وبس
حضرتك بتقول انه بيوقف الملاكي وبس
انت متخيل وقف كام عربية قبلك ؟؟؟؟ ولسة هيوقف كام عربية بعدك ؟؟؟؟
خليه مسك العيال بتوع الموتوسيكل - هيعملهم ايه او هيعمل بيهم ايه ؟؟؟
مش تخصصه ولا مجاله
تعرف حضرتك ان في لجان مخصوصة للعربيات الحكومة والشرطة والقطاع العام غير خالص اللجان بتاعة الملاكي والأجرة ؟؟؟
مش هتعرفها غير لما تركب عربية معلقة لوحات حكومة او شرطة
هتلاقيهم واقفين علي جنب الطريق ويطلعلك فاجأة قدامك يسألك علي الرخصة ومين معاك ولو عربية شرطة يسألك علي الباريه ولو قطاع عام يسألك علي خط سيرك وجوابك وامور اخري كثيرة جداً
ونفس الشئ للعربيات بتاعة الجيش والقوات الجوية وكل عربيات القوات المسلحة - ليهم برضوا شرطة انضباطية خاصة بيهم.
يعني دي شوفتها بعيني في احد شوارع القاهرة
واقف جنبي في الأشارة عربية شرطة نص نقل - جاله هو مخصوص وبيقوله رخصك وبارهيك ورايح فين وجاي منين - ونقاه هو مخصوص من وسط كل العربيات في الأشارة وماكلمش ولا واحد في الملاكي اللي واقف
وانت نفسك بيحصل معاك كدة بس انت مش بتاخد بالك
احياناً لجان تسألك علي رخصك
واحياناً لجان تسألك علي الحزام
واحياناً لجان توقفك عشان فانوس الأشارة مكسور
كل لجنة من دوول بتاعة حاجة غير التانية وبتسأل عن اللي يخصها فقط وحتي لو شايفاك مش لابس حزام او بتتكلم في الموبايل مايكلمكش
يعني ممكن يوقفك عشان السرعة ويسيبك عشان الموبايل رغم ان دي مخالفة ودي مخالفة بس دي لجنة رادار !!!
وكدة ولا كدة هما قايلين في الراديو انهم اليومين دوول شادين جامد علي الرخص والرخص المنتهية سواء القيادة او العربية وبينبهوا جامد انك لازم تطلع رخصتك وتشوف تاريخها لأن مفيش العذر بالنسيان
يعني عارف لو مثلا ضابط مباحث في مكافحة المخدرات
لو شاف خناقة بتحصل قدامه مش هيتدخل - لأنه مش تخصصه - هيمسك المجرم يعمل بيه ايه ؟؟؟؟ ويوديه فين ؟؟؟ ويحقق معاه ازاي ؟؟؟؟؟
كل مجال في مجاله
زي حضرتك لما بتشوف عربية عطلانة - بتوقفلها ؟؟؟
لكن كتير مننا تعطل عربيته ويقف ويلاقي حد بيساعده - وفي الأخر يكشف عن شخصيته انه ميكانيكي - مش صدفة ولا حاجة ولا انت حظك من السما - لكن هو وقفلك عشان تخصصه وانت ماوقفتش عشان مش تخصصك
وعذرا للتشبيه
تقبلوا مروري
واسف للأطالة
الى عرفته من واحد صاحبى انهم دلوقتى بيشددو دلوقتى على الرخص علشان كم العربيات الى مسروقه مش علشان حاجه فبيبقى اهتمامه كله بالعربيات لاكن فى دماغه ان الموتسيكل ده بكام يعنى اخره 10 الاف جنيه لاكن فى عربيات كتيييييييييييير مسروقه ده من وجه نظرهم يعنى وانا شايف ان ديه حاجه كويسه اوى حتى دلوقتى تلاقى ناس معانا هنا فى المنتدى قدرت توصل لعربياتها اها مش كتييييييررر بس ابتدو يشتغلو
لما يوقف عربية من غير نمر صاحبها يقول دي موتوسيكل بأرع عجلات يا باشـــــــــــــــــــــا اااااا، وسلم لي على الدوريات البهلوانية والكماين المهلبية
والله يا جماعة انا واحد من الناس اللى معاها موتوسيكل صينى وبتمنى حد يوقفى ويقولى رخصتك
دا انا من ساعة ما عملت الرخصة من سنتين محدش وقفنى
وبتضايق جدا من الاشكال اللى ميعلم بيها الا ربنا اللى مخليا سمعة الموتوسيكل الصينى فى الارض وكل اللى ركبه يتبصله بصة من حلوة
عارف لو مكان الظابط ااقولك ايه ومن غير زعل يعني
ااقولك ما تنزل تشتغل انت احسن طالما فاهم اكتر مني
معلش تقبل انتقادي ووجهة نظري ان لما يقولك بطريقة فيها احترام فين الرخص
تطلعها له بنفس درجة الاحترام برضه
مينفعش تقوله اشمعنى عديت ده ومسكت ده
بصراحة ربنا يكون في عونهم اي نعم هما ذلوا اللي جايبنا عشان يشوفوا شغلهم
وعمالين يدلعوا علينا وفيهم فساد الدنيا كله
بس ساعات بيبقى عندهم حق من المناظر الزبالة اللي بيقابلوها
كلام حضرتك جميل جدا بس دا فى حد ذاتة مصيبة فعلا مصيبة
سؤال عمرك شوفت فى فيلم اجنبى شرطى بيسال عن الرخصة بس او الحزام بس او الفانوس مكسور لية ؟؟
دى كارثة ازاى يبقى قدامة مخالفة و بحكم تخصصة ميعملش حاجة , بالظبط زى ضابط الشرطة بتاع المرور ميقدرش يفض خناقة
فاضل بتاع الخنقات ميمسكش اللى بيشرببوا مخدرات
اللى انا اعرفة انة بيتخرج ضابط شرطة وبيقسم على انة بيحمى الوطن و بيحافظ على امن المواطن
واللى بيعهملوة دا خيانة للقسم
شكرا لحضرتك على التوضيح
السلام عليكم و رحمة الله و بركاته
هههههههههههههههههههههه
مش عارف ليه, حاسس أن أداء الشرطة فى مصر عامل زى المنحنى بتاع التيار المتردد اللى كنا بندرسه فى الفيزيا بتاع ثانوى !!!!!!!!!!!!!!!
اللي لاحظته انهم بيبقو مركزين على حاجات معينه. لجنه نازله عشان تفتش على الرخص ولجنه نازله عشان تفتش على الحزام ولجنه عشان تقفش الاستيكرات وكده.
على العموم أنا دايما رابط الحزام داخل وخارج المدينه وبتكلم دايما في البلوتوث والرخصه معايا في المحفظه دايما وكله تمام. مادام الواحد مظبط نفسه يبقى في السليم ومش محتاج مجاملات ولا محايلات مع حد ممكن يحرجه.