كماين ٢٠١٢

**hpxp** · 28-08-2012 07:40 PM

الغرض من الكماين دلوقتي القبض علي البلطجيه وكده يعني العربيه الي قدامي وقفه ونزله وفتشه وفتش العربيه لمجرد ان شكله يخوف بجد جه عليا وقفني طلعت الرخص اوتوماتك وقلته انت موقفني اول امبارح قلي اتفضل
وفي كمين في العصلوجي للي يعرفه ه لقيته ماسك فوق العشر متسكلات ولبوكس متروس ناس
وكماين الي في طريق الغشام هوا الي رخم يعني بروح وبرجع وبيقفني وانا رايح وان راجع وهوا اول كمين يشوف رخصتي لاول مرة

**ahmedsrs** · 28-08-2012 08:22 PM

عليه العوض المتسكلات الزفت الصينى مبيركبهاش الا الاشكال الضالة

**Mohab.Nabil** · 28-08-2012 10:42 PM

مش منطقى ابدا كظابط شرطة انى الاقى مخالفة صريحة و معرضة حياة الناس للخطر و متعاملش معاها بحكم عدم التخصص

يعنى انا ابقى واقف عشان اشيل للناس الفاميه و الاستيكرات عشان مخالفة .. و الموتسيكلات الصينى اللى نصها بيبقى راكبها حرامية او بلطجية و بتعرض كل يوم حياة الناس للخطر سواء سرقة او تهديد عشان انا مش مختص بكده

خلاص يبقى كله يتحول انه يمسك المخالفات الجسيمة بقى لحد ما يقللوها و بعد كده يبقوا يعملوا لجنة مخصوص للحاجات اللى تقريبا ملهاش ضرر زى الاستيكرات و التعديل طالما كل واحد مختص بحاجة

**aif** · 28-08-2012 11:05 PM

انا مش بادافع عن الشرطة لكن تخيل انت لو اللجنة دي اللي هي بوكس مرور وظابط وكام امين على عسكري
تخيلا لو ووقفو كل الموتوسيكلات اللي من غير نمر
ح يعملو بيهم ايه ؟؟؟
لول من غير نمر ولا رخص وغالبا من غير بطايق وغالبا اطفال اللي سيقينها
القانون بيقول يتقبض عليهم والموتوسكل يتسحب
طب اللجنة دي ح توديهم فين ؟؟؟
اللي يعمل كدة لازم يبقى معاة عربية نقل
ومعاه قوة مسلحة
وعربيات تكفي الناس اتللي ح يحتجزها لغاية ما يتعرض ع النيابة
يعني لازم يبقى لجنة بمواصفات خاصة
فيها مباحث ومرور وكمان شرطة عسكرية اليومين دول
لسة عاوزين وقت لغاية ما الدنيا تتظبط
المرور والداخلية عموما .... بدأوا يشتغلو بوجود الوزير الجديد وازالة المعوقات اللي كانت موجودة واللي كانت متحامية في المجلس العسكري
علشان نشعر ان شغلهم جاب نتيجة مش اقل من 6 شهور
وبعد سنة ان شاء الله تبدأ الامور تتظبط في الشارع المصري
الاهم من المرور حاليا هو المحليات علشان المخالفات الرهيبة اللي في كل الشوارع
وده ح يبدأ يتحسن بعد حركة المحافظين ورؤساء المدن والاحياء والمحليات
الشعب بقاله 40 سنة بدون رباية ..... وفجأة بقى من غير رباية ومن غير سلطة يخاف منها
يعني قدامه وقت عشان يبقى تحت السيطرة ... ووقت اطول عشان يبدأ يتصرف بحضارية