مشكله فى حساس الزيت

**forza_juventus** · 28-08-2012 01:24 AM

كنت ماشى على الطريق وكلت مطب والحمد لله كارتيرة الزيت اتكسرت وقلى top up oil level بعد كده فكتها ولحمتها بس بعد ماركبت ماعدش بيقول حاجه على الزيت خالص لما بدور العربيه زى زمان level oil correct مش عارف فى فيشه الميكانيكى ماركبهاش ولا ايه ياريت حد يفيدنى

**MohammedAladel** · 28-08-2012 03:09 AM

أكيد فيه حاجة غلط لازم تظهرلك الرسالة ع العموم إنت لازم تقيس مستوى الزيت بنفسك عشان تطمن

**AhMeD MeTwAlY** · 28-08-2012 03:53 AM

طلع المقاس بتاع الزيت بكرا الصبح وشوف الزيت وبص تحت العربيه عشان لو في زيت بينزل ولي حاجه لان الموضوع دا مهم جدا جدا جدا جدا
مقاس الزيت لازم يتشاف والعربيه بارده او بعد لما تقف بعشر دقائق وكل ما زاد الوقت احسن عشان تعرف المستوي الحقيقي للزيت
لو مظبوط شوف الفيشه بتعته راكبه ولي لا لان ممكن يكون الميكانيكي نسي يركبها ونصيحه من اخ في اقرب وقت غير الكرتيره عشان اللحام مش مضمون

**forza_juventus** · 28-08-2012 08:04 PM

انا قست الزيت ولقيته مظبوط وكل حاجه ومفيش زيت بينزل بس الرساله مش بتظهر وكنت عاوز اعرف مكان الفيشه فين بالظيط

**MohammedAladel** · 28-08-2012 10:21 PM

هقولك إيه وديها لميكانيكى أو إنزل فك المصفحة بنفسك لو إنت غاوى وشوف إيه النظام تحت

**forza_juventus** · 28-08-2012 10:59 PM

انا مش عاوز اعرف مكانها علشان اركبها انا هاروح للميكانيكى بس انا من كفرالشيخ وبتبقى صعبه عليهم شويه يعرفو مكانها لوحدهم ماشتغلوش فيها قبل كده علشان كده كنت بسال على مكانها

**MohammedAladel** · 28-08-2012 11:43 PM

دى محتاجة حد يكون عارف مكانها بالظبط فين أصلها ممكن تكون فوق مش شرط تكون تحت

شوف لو هى تحت يبقى ترفع العربية وتفك المصفحة اللى بتحمى الكارتيرة لو كانت موجودة عندك بيبقى ليا مسمارين ورا و3 مسامير قدام بيتفكوا بسهولة جدا