الجديدة سعرها على ما أعتقد معدى النص مليون بس مش بكتير يعنى
عرض للطباعة
الجديدة سعرها على ما أعتقد معدى النص مليون بس مش بكتير يعنى
أيوه دى الـV6 3.8 سواء الـGT أو الـR-Spec
دى اللى فيها الـTorsen (أو limited-slip differential)
وفراملها Brembo
وعفشتها كلها غير الـ4-سلندر تربو خالص؟!!
لكن الـ2.0T دى ريفيوهاتها عادية جدا فـ حتة الهاندلينج والثبات (لا تقارن بالعربيات دى) :17:
(مش دى بتاع دوس بنزين-تامر بشير)؟؟ هههههههههههههههه
وحتى فـ الأداء والسرعة.. لو قارنتها بالفئة السعرية دى -هنا فـ مصر- اللى بتقولوا 400+ ألف أو أكثر؟؟!!!
لا تقارن ولا أجمد ولا أسرع ولا أى حاجة مقارنة بأى عربية ألمانى RWD موتورها 1.8-2.0 تربو
- الـ328i الجديدة مثلا مش هقول 335i (إلا لو بتتكلموا ان الجينيسيس 2.0T دى بـ نصف-مليون بجد)؟؟؟!! :oops2:
Rgds،
شكرا يا باشا على نقل التجربة
الموضوع هنا غير مينفعش تتقارن بالبي ام لان البي ام هنا اسعارها اقل من برة لانها بتتقفل هنا على ما اظن ، بس الجينيسس مستوردة على طول ، لو جبت مثلا mustang اللي ب 22 الف دولار هتلاقيها هنا معدية 500 الف مستريح
عامة هي اتقارنت بملوك الهاندلينج تحت 35 الف دولار ( المياتا وال brz ) وطلعت في المركز التاني
صح هي اقل منهم في الهاندلينج بس كفاية انها اتقارنت بيهم اصلا وده يدل انها مش ميح اوي
خليني ابقى دقيق شوية
جين2 احسن من هيونداي في والهاندلينج
lotus ride and handling المفهوم ده ليه بصمة كبيرة في الجين2
الجين2 ادق في توجيه الدريكسيون
انا مجبتش سيرة واجا في الحوار لان الواجا اقل من الجين2 في الثبات والهاندلنج
وعلى فكرة انا سافرت بالجين2 مسافة كبيرة وعرفت احكم على ثباتها مع انها مش معايا
اما الجينسس كوبيه سوقتها من الحرفيين للتجمع الخامس ( دائري ) والدنيا كانت الى حد ما زحمة وفي الغرز القطم مكانتش قوية زي الجين2 ابدا ابدا
مش عارف الناس مستغربة من ايه ده مجرد رأي وكل واحد ليه حرية الرأي
ومش معنى انها عربية ب نص ارنب تبقى فيها كل مميزات الدنيا يعني
ابسط مثال مش معنى ان السيفيك 92-97 قديمة تبقى وحشة
بالعكس دي احسن كمان من الجين2
حوالي نص ارنب
بس دي كانت جمرك
هههههههههههههههههههههه ربنا يستر الناس هتيجي تقطع الطريق قدام قسم بروتون دلوقتي
هيا الفيلوستر اصلا تعتبر زي الالنترا الجديدة كدة
الرجال اصلا في البرنامج بحس انه بيعمل مجهود خرافي عشان يعدي الاقماع
مش عارف ده عيب سواق ولا هيا العربية مش مساعدة
نداء إلى العضو الموقر AhmedSamir5edr ملكش دعوى بيا ومتردش على أى مشاركة مش كل موضوع أشارك فيه ألاقيك عاملى ديسلايك ع الفاضى وع المليان بعدين أنا هبلغ فيك الإدارة
حضرتك كاتب في العنوان تجربة قيادة
بصراحة مش لاقي اي حاجة تقول أن دي تجربة قيادة و حقيقي الموضوع صعب أوي أنه يخرج من عضو قديم زي حضرتك في المنتدي
يعني المفروض يكون فيه شرح و تفاصيل عن :
- الصالون من الداخل و كرسي السائق هل هو مريح ام متعب ؟
- الرؤية و الرؤية من خلال المرايات
- الأحساس بأبعاد العربية
- صوت الموتور و أستجابته
- درجة التحكم و المناورة
- الفرامل و أدائها
- أداء العربية في الملفات و المنحنيات علي سرعات مختلفة
تقرير القيادة يكون كده مش أني ركبت عربية و جبت بيها 150 في مشوار من نقطة لنقطة و بعدين أحكم عليها و أقول ثابتة أو مش ثابته و العربية الفلانية أحسن منها 100 مرة
ياريت يا جماعة ترحمونا من التقيمات اللي من النوعية دي و اللي يقيم عربية يقيمها هي لوحدها بدون مايدخل عربية تانية في الموضوع لأن دي يبقي أسمها مقارنة و المقارنة برضه لها أصول
دي عينة من موضوعات التقييم و أختبارات القيادة فيها الكلام اللي أنا بأقوله:
(1).. http://www.nilemotors.net/Nile/24914-a-6.html
(2).. http://www.nilemotors.net/Nile/41044-x-trail-4.html
(3).. http://www.nilemotors.net/Nile/3569-128-3.html
و طبعا ساحة تجارب السيارات مليئة بالموضوعات أنصحك بالدخول اليها و قراءة موضوعاتها قبل أن تحاول مرة أخري كتابة موضوع عن تقييم و أختبار قيادة السيارات