كنت بفكر اشتري ماروتي بس قريت ان في شكل جديد نازل ايه رأيكوا أشتري ولا أستنى الجديد

بسم الله الرحمن الرحيم
دي أول حاجة لسه أكتبها هنا في المنتدي الرائع ده بعد ما تصفحته ولقيت بجد مبذول فيه مجهود كبير اوي ماشاء الله
الموضوع زي ماهو باين في العنوان باختصار اني خلاص نويت ان شاء الله اجيب الماروتي
وعشان كده قلبت في النت عشان اعرف مميزاتها وعيوبها فضلت ادور على جوجل لغاية ما ربنا هداني للموقع الجميل ده وقررت اني أكون عضو فيه
ومعلش استحملوني اول مشاركة ليا كانت عبارة عن استفسار
لان وانا بدور قريت خبر ان الماروتي نازل منها شكل جديد وأدي اللينك
حصرياً: شاهد أول صور الجيل الجديد كلياً من سوزوكى ماروتى 2013 | Egy Speed
وكمان قريت ان الماروتي اصلا هيتوقف انتاجها والشكل الجديد ده اسمه التو 800
وأدي لينك الخبر
ماروتى سوزوكى توقف أنتاج ماروتى 800 | Egy Speed

ياريت حد يفيدني عشان بجد الخبرين دول حيروني
أجيب عربية جديدة وبمجرد ان اشتريها كام شهر ويبقا اسمها الشكل القديم
ولا أستنى الشكل الجديد

هو اللي احب ااكدهولك ان الماتي لما اتقال انه هيتوقف انتاجها اتقال من 2009 لحد دلوقتي بتنزل وووبنفس الشكل ومتغيرش فيها حاجه!!

اما عن الألتو فهي حاجه تانيه مختلفه تماما عن الماروتي من الاساس ودي اتغي شكلها كذا مره فعلا واغلى من الماروتي بفارق كبير لدررجة ان الالتو شكلها اختلف من بلد للتانيه كاسم بديل للسيليريو

الخلاصه
الالتو ا السيليريو ممكن يتغيرو انما الماروتي لا يمكن!!


ده رأيي الشخصي فقط...
تحياتي

ولنفترض انه الشكل اتغير تفتكر هتلاقيها ب 40 الف ؟ اكيد سعرها هينط

اقتباس:

---

المشاركة الأصلية كتبت بواسطة HaythaM_B

بسم الله الرحمن الرحيم
دي أول حاجة لسه أكتبها هنا في المنتدي الرائع ده بعد ما تصفحته ولقيت بجد مبذول فيه مجهود كبير اوي ماشاء الله
الموضوع زي ماهو باين في العنوان باختصار اني خلاص نويت ان شاء الله اجيب الماروتي
وعشان كده قلبت في النت عشان اعرف مميزاتها وعيوبها فضلت ادور على جوجل لغاية ما ربنا هداني للموقع الجميل ده وقررت اني أكون عضو فيه
ومعلش استحملوني اول مشاركة ليا كانت عبارة عن استفسار
لان وانا بدور قريت خبر ان الماروتي نازل منها شكل جديد وأدي اللينك
حصرياً: شاهد أول صور الجيل الجديد كلياً من سوزوكى ماروتى 2013 | Egy Speed
وكمان قريت ان الماروتي اصلا هيتوقف انتاجها والشكل الجديد ده اسمه التو 800
وأدي لينك الخبر
ماروتى سوزوكى توقف أنتاج ماروتى 800 | Egy Speed

ياريت حد يفيدني عشان بجد الخبرين دول حيروني
أجيب عربية جديدة وبمجرد ان اشتريها كام شهر ويبقا اسمها الشكل القديم
ولا أستنى الشكل الجديد

---

منور يا بوب المنتدى
:satelite::satelite:والله أنا رأييى تتوكل على الله لأن أكيد السعر هينط ومش هتفرق بقى الموديل القديم ولا الجديد هيا العربيه الصراحه موفرة جدا جدا جدا وقطع غيارها هتلاقيها فى أى حته ورخيصة وأصلا انت مش هتحتاج قطع غيار ف 3 سنين الأولى وربنا يباركلك بلى ف الخيييييييير :satelite::satelite:

موضوع شكل جديد معتقدش لان ال 2013 نزلت خلاص وهيا هيا نفسها بدون اي تغير وحتى لو نزل برضو هيكون لسه كتجربه في السوق والله اعلم هينجح ولا لا فانا راي اتكل على الله وكدا كدا العربيه ما شاء الله سوقها كويس ومعقول واعتقد الشكل الجديد هيبقى في منه تخوفات في الاول ده لو فيه شكل لاني اول مره اسمع والالتو ده عربيه تانيه وسعر تاني خالص خالص وبالتوفيق

اهلا و سهلا بيك يا باشا معانا
بصراحة معنديش علم بالموضوع ده لكن لو افترضنا ان فيه تغيير و تجديد فانسي انك تلاقيه هنا ع الاقل دلوقتي متقارنش هنا ببرة
يعني مثلا الالتو 2008-2009 اتوقف نزولها هنا و اتقال عدد من الاسباب
في حين برة مازالت بتنزل نفس الشكل لحد 2012
السيلاريو اساسا اسمها التو سيلاريو برة هنا تحت اسم سيلاريو بس و بعض الناس في المعارض لو سألت هيقولك لأ ديه حاجة و ديه حاجة هههههه
موضوع الماروتي و وقف انتاجها الكلام ده بيتقال من فترة و مشوفنهاش اتوقفت و الناس جابتها موديل 2013

بجد يا شباب بشكركم على اهتمامكم الكبير ده
وبعد الكلام اللي قريتوا مش فاضل غير اني اصلي استخارة واتوكل على الله واروح اشتريها
وربنا يقدم اللي فيه الخير
بس صحيح سؤال تاني معلش
هي كاربراتير ولا انجكشن ؟

اقتباس:

---

المشاركة الأصلية كتبت بواسطة HaythaM_B

بجد يا شباب بشكركم على اهتمامكم الكبير ده
وبعد الكلام اللي قريتوا مش فاضل غير اني اصلي استخارة واتوكل على الله واروح اشتريها
وربنا يقدم اللي فيه الخير
بس صحيح سؤال تاني معلش
هي كاربراتير ولا انجكشن ؟

---

كاربراتير

كربراتير يا باشا

و لو استخدمت 92 هيحسسك انه انجيشكن و متفكرش في 80 لأنه هيؤدي لوجع دماغ و اللي هتوفره في تمن البنزين هتدفعه في الصيانات من حيث تغيير التالي ع فترات متقاربة اقل من المعتاد فلتر البنزين - بوجيهات - تنظيف الكربراتير و دورة البنزين - تنظيف التانك و ذلك لتجمع الرواسب في القاع مع الوقت

و هننتظر ردك ناوي ع ايه ان شاء الله

معلومة بجد افادتني لاني كنت ناوي احط بنزين 80 في حالة الكاربراتير
بس فعلا الواحد يشتري دماغه احسن ويشتري وقت كمان اللي هيضيعه في طابور ال80 الطويل

ناوي على ايه
نويت ان شاء الله اجيبها خلاص بس كده مش ناقص غير اني الاقي نظام تقسيط اسلامي بجد
كان المفروض هجيبها اول شهر 9 بس حصل ظرف اتضريت اني أأجلها شهر واحد كمان يعني ان شاء الله اول شهر 10 هيكون معايا 20 الف ادفعهم مقدم واقسط الباقي لان دلوقتي معييش غير 10 بس
بس خلاص فعلا نويت ان شاء الله مفيش رجوع

اهلا بيك يبااشاا والف مبروك مقدما باذن الله

اقتباس:

---

المشاركة الأصلية كتبت بواسطة Axel

كربراتير يا باشا

و لو استخدمت 92 هيحسسك انه انجيشكن و متفكرش في 80 لأنه هيؤدي لوجع دماغ و اللي هتوفره في تمن البنزين هتدفعه في الصيانات من حيث تغيير التالي ع فترات متقاربة اقل من المعتاد فلتر البنزين - بوجيهات - تنظيف الكربراتير و دورة البنزين - تنظيف التانك و ذلك لتجمع الرواسب في القاع مع الوقت

و هننتظر ردك ناوي ع ايه ان شاء الله

---

:openflower3:وخد بالك كمااان إنك 800cc فهتلاقى نفسك بتوفر بنزين يعنى لما تحط 92 هتقضى معاك اسبوع وأكتر كمان فبلاش تحط 80 وربنا يباركلك فيها إنشاء الله:openflower3:

بالتوفيق ان شاء الله وربنا يباركلك فيها وان شاء الله تلاقي نظام التقسيط المطلوب وتنضم لينا هنا بسي اوعى تنسانا بقى

الله يبارك فيكوا بجد شباب زي الفل وجو المنتدى بجد كله اخوه وحاجه جميلة اوي
بشكركم تاني على اهتمامكم وعلى روحكم الجميلة وحبكم للنصيحة ده
وبجد بجد اللي خلاني خلاص اخد قرار نهائي اني اجيب الماروتي بعد ما دخلت هنا وحسيت اني هلاقي لكل مشكلة حل عشان الناس الجميلة الخدومة اللي هنا

اقتباس:

---

المشاركة الأصلية كتبت بواسطة mohamedhagrass

بالتوفيق ان شاء الله وربنا يباركلك فيها وان شاء الله تلاقي نظام التقسيط المطلوب وتنضم لينا هنا بسي اوعى تنسانا بقى

---

انسى ؟!
طيب ازاي ده انا حاسس لما اجيبها ان شاء الله طول ما انا في البيت هتابع وارد على اي استفسار بعد ما ابقى من ذوي الخبرة وابقا ماروتاوي اصلي

اقتباس:

---

المشاركة الأصلية كتبت بواسطة HaythaM_B

معلومة بجد افادتني لاني كنت ناوي احط بنزين 80 في حالة الكاربراتير
بس فعلا الواحد يشتري دماغه احسن ويشتري وقت كمان اللي هيضيعه في طابور ال80 الطويل

ناوي على ايه
نويت ان شاء الله اجيبها خلاص بس كده مش ناقص غير اني الاقي نظام تقسيط اسلامي بجد
كان المفروض هجيبها اول شهر 9 بس حصل ظرف اتضريت اني أأجلها شهر واحد كمان يعني ان شاء الله اول شهر 10 هيكون معايا 20 الف ادفعهم مقدم واقسط الباقي لان دلوقتي معييش غير 10 بس
بس خلاص فعلا نويت ان شاء الله مفيش رجوع

---

اسمحلي اقولك حاجة يا أ \ هيثم كل التقسيط واحد بتفرق بس في النسبة اللي بياخدها البنك غير المصروفات الادارية

فيه فكرة تانية دايما بقترحها في حالة ان الشخص عايز يقسط لكن بدون فوايد جامدة او وجع دماغ الاوراق و حظر البيع و خلافه
ياما يستلف المبلغ المتبقي من شخص معرفة و يخلص العربية كاش و بعدين يقسطله كل شهر المبلغ بس اسرع بس هيكون بدون فوايد
ياما يشوف معرض عنده استعداد يقسط 5-10 الاف وهنا فيه ناس مبياخدوش فوايد لو المبلغ في حدود 5 الاف مثلا و يخلص في شهرين تلاتة و فيه بياخدوا فوايد قليلة جداا و فيه بياخد زي البنوك فوايد في حدود 9% لكن بيريحك من وجع دماغ الاجراءات


و اتمني الموضوع ده يفيدك عند استلام العربية

تعالوا نعرف نعمل ايه لما نيجي نستلم عربية جديدة او مستعملة
http://www.nilemotors.net/Nile/244408-a.html


و هننتظر تقرير ان شاء الله عن استلام العربية و انضمامك لنسور السوزوكي :)

اقتباس:

---

المشاركة الأصلية كتبت بواسطة axel

اسمحلي اقولك حاجة يا أ \ هيثم كل التقسيط واحد بتفرق بس في النسبة اللي بياخدها البنك غير المصروفات الادارية

فيه فكرة تانية دايما بقترحها في حالة ان الشخص عايز يقسط لكن بدون فوايد جامدة او وجع دماغ الاوراق و حظر البيع و خلافه
ياما يستلف المبلغ المتبقي من شخص معرفة و يخلص العربية كاش و بعدين يقسطله كل شهر المبلغ بس اسرع بس هيكون بدون فوايد
ياما يشوف معرض عنده استعداد يقسط 5-10 الاف وهنا فيه ناس مبياخدوش فوايد لو المبلغ في حدود 5 الاف مثلا و يخلص في شهرين تلاتة و فيه بياخدوا فوايد قليلة جداا و فيه بياخد زي البنوك فوايد في حدود 9% لكن بيريحك من وجع دماغ الاجراءات


و اتمني الموضوع ده يفيدك عند استلام العربية

تعالوا نعرف نعمل ايه لما نيجي نستلم عربية جديدة او مستعملة
http://www.nilemotors.net/nile/244408-a.html


و هننتظر تقرير ان شاء الله عن استلام العربية و انضمامك لنسور السوزوكي :)

---

نصايح غالية اوي وفكرة بجد هدرسها ان شاء الله
وموضوع لما نيجي نستلم العربية الجديدة ده رائع رائع رائع
شكرا جزيلا

بالنسبه لبنزين ال80
مفيش منه اي مشاكل واجهتني اطلاقا واستخدمته سنه كامله تقريبا وبيمشي نفس عدد الكيولمترات بالظبط وطالما مش هتركب التكييف خليك في ال 80 وادعيلي
انما لو ركبت التكييف متحطش غير ال 92 لان ال80 مع المكيف بيسخن العربيه

موضوع الشوائب والكلام ده قلنا ان ده له علاقه بالخزانات بتاعة المحطه مش نوع البنزين!!
موضوع تغيير القطع المتكرر مفيش غير هيا البوجيهات بدل مهتغيرها كل 20 هتطلعها كل 10 تنضفهم وترجعهم تاني او حتى لو حابب تغيهم الطقم ب 35 جنيه 4 بوجيهات...

موضوع تنظيف الكربياتي كده كده المفروض يتنضف كل 10...


تحياتي

اقتباس:

---

المشاركة الأصلية كتبت بواسطة hm414

بالنسبه لبنزين ال80
مفيش منه اي مشاكل واجهتني اطلاقا واستخدمته سنه كامله تقريبا وبيمشي نفس عدد الكيولمترات بالظبط وطالما مش هتركب التكييف خليك في ال 80 وادعيلي
انما لو ركبت التكييف متحطش غير ال 92 لان ال80 مع المكيف بيسخن العربيه

موضوع الشوائب والكلام ده قلنا ان ده له علاقه بالخزانات بتاعة المحطه مش نوع البنزين!!
موضوع تغيير القطع المتكرر مفيش غير هيا البوجيهات بدل مهتغيرها كل 20 هتطلعها كل 10 تنضفهم وترجعهم تاني او حتى لو حابب تغيهم الطقم ب 35 جنيه 4 بوجيهات...

موضوع تنظيف الكربياتي كده كده المفروض يتنضف كل 10...


تحياتي

---

+111111
البنزين 80 بالنسبة للماروتى شغال و تمام لأنها كاربراتير يعنى مش فارق
لما ساعات بحط 92 بحس بصراحة بفرق فى السحب لكن مش يستاهل انى على طول استمر على 92 طالما احنا فى مصر و طبيعة شوارعها الفاضية و المريحة :)
المهم تحط من بنزينة تكون عارفها علشان الغش
و لما تزنق معاك و متلاقيش 80 خلاص حط 92

أنا ليا سؤال هو بنزين ال 80 اليومين دول مغشووووووش ولا أنا اللى بيتهيألـــى أصى فولت من يومين 80 عملت 250ك معنها ف الاول كانت بتعمل 300ك

اقتباس:

---

المشاركة الأصلية كتبت بواسطة magoda

أنا ليا سؤال هو بنزين ال 80 اليومين دول مغشووووووش ولا أنا اللى بيتهيألـــى أصى فولت من يومين 80 عملت 250ك معنها ف الاول كانت بتعمل 300ك

---

على حسب ممكن ال 300 كان على الطوالى لكن ال 250 علشان مشيت كتير فى الزحمة