يا رجالة يظهر مفيش لجنة لسة جت و اتأجلت
عرض للطباعة
يا رجالة يظهر مفيش لجنة لسة جت و اتأجلت
اللجنة بخخخخخخخخخ
انا زعلان جدا من صاحب الموضوع انه مش بيرد ويفهمنا واحنا مهتمين جداا بالموضوع
عندك حق
؟؟؟؟؟؟؟؟؟؟؟؟؟؟؟؟؟؟؟؟
:shyy:
انا منتظر معاكم يا اخوانا و بالنسبة لتاخر الاخ الفاضل صاحب الموضوع نديله عذره لعل المانع خير
فين اللجنههههه
السلام عليكم يا شباب اولا أنا أسف جداً لعدم الرد عليكم في نفس اليوم نظرا لحدوث بعض المشاكل في العمل و أنا و الله مشفتش شكل النت الا دلوقتي
أنا رحت و حضرت اللجنة مع بعض الأستاذة و الدكاترة المتخصصين في الكشف كان معانا الدكتور محمد عبد العزيز راجل محترم وحيادي جداً و كشف علي السيارة وقام بأختبارها لمدة ٢٠ دقيقة للكشف و التحقيق في الشكوي و حضر أيضاً الاستاذ محمد درويش و هو مالك لنفس نوع السيارة و نفس المشاكل و هي أيضاً ضمان الوكيل
لكن للأسف لم تظهر كل العيوب بالشكل المعتاد و كنت مش عارف اعمل أية كان صوت العفشة موجود لكن خفيف لكن قال أنة سمعة بس أنا كان نفسي يسمعة بنفس العلو اللي أنا بسمعة بس الطريق مكنشف مساعد
لكن العربية التانية فيها نفس المشاكل و أكيد هيسمعها لكن أنا مقدرتش انتظر علشان كان لازم اروح الشغل
المهم قبل ما الدكتور محمد يروح يجرب العربية الثانية سآلتة أية رأي حضرتك قالي لسة مش النهاردة و اتصدمت وقالب النتيجة في خلال أسبوعين وسوف اكتب تقرير لمناقشة القرار مع لجنة السيارات مع حماية المستهلك قلت لة طيب عايز اعرف اي حاجة تطمني قالي مينفعش لازم في وجود اللجنة و أنا دعوت ربنا انه سبحانه وتعالي يقدم ما فية الخير و ان شاء الله خير
بكرر أسفي لحضاراتكم لعدم الرد سريعا و ان شاء الله اول لما يبقي في جديد سوف اقوم بالرد عليكم وادعوا لي يا جماعة لان كان الله في عون العبد مادام العبد في عون اخية
بعد الانتهاء سالت الدكتور
ربنا يسهلك
هي كدة الأصوات خاينة هههههههه بمتجيش لما تعوزها
حصلت معايا كتير يا باشا
السلام عليكم و صباح الخير عليكم يا اجمد منتدى
انا بس حبيت اقول علشان محدش يزعل ويقول انت عملت اية و نسيتنا و كدة
انا لسة فى انتظار مكالمة من حماية المستهلك لمناقشة قرار اللجنة الفنية اللى كشفت على العربية واتمنى من الله ان ينصرنا ويقدم ما فية الخير للجميع وترجع فلوسى ااامييييييييييييييييييين
ما تقولوا امين مش سامع. :shine[1]:
امين يا ريس
مكلمتنيش ليه انا فاضى النهاردة بالليل
مستنى تليفونك لو فاضى النهاردة
اخر تحديث
السلام عليكم يا جماعة وصباح الخير
تم الاتصال بى من حماية المستهلك و تم تحديد ميعاد الاربعاء القادم لمناقشة قرار اللجنة الفنية التى فحصت السيارة
يارب اللهم اجعلة خير ان شئت.
و ان شاء الله هقلوكم النتيجة المناقشة بعد الانتهاء.
يا رب يوفقك يا باشا
ان شاء الله خير
تفائل خيرا تجده ان شاء الله
الحمد لله علي الضراء قبل السراء
امين با رب
ربنا معاك
السلام عليكم وشكرا جزيلا لكم و لاهتمامكم و ربنا ان شاء الله يقدم ما فية الخير
السلام عليكم يا شباب
تم حضور اللجنة حماية المستهلك لمناقشة القرار وجاء بما يلى ان السيارة ليس بها عيوب وذلك لان الدكتور الذى قام بالتجربة كان دائما بيحرق على السيارة فلم يتبين جميع العيوب وطبعا الاصوات العفشة الخاينة لم تظهربوضوح فجاء القرار كام يلى ان السيارة ليس بها العيوب المذكورة من الشاكى ما عدا الحرارة العالية جدا فى اخر السيارة من ناحية الكنبة الخلفية و الشنطة من ناحية اليمين وبناء علية سوف يتم رد المبلغ المدفوع عن طريق الزام شركة كيا بدفع المبلغ 1250 جنية و اصلاح العيوب جميعا سواء فى القرار او الاستهلاك والسحب و العفشة وان لم يتم الاصلاح سوف يقوم حماية المستهلك بعرض السيارة مرة اخرى على لجنة فنية لاتخاذ الاجراء القانونى تجاه الشركة
الحمد لله ان الفلوس هترجع لى عشان بجد كنت هتضايق على الاخر و ان شاء الله هروح تانى ل ابو راوش لاصلاح العربية و مراجعة حماية المستهلك و على فكرة كان معايا الاستاذ محمد درويش مالك لنفس السيارة ريو وسوف يسترد هو الاخر فلوسه ان شاء الله
أولا ألف مبروك لرجوع حقك
بسس أنا حابب أعرف العيوب بالتفصيل علشان أنا من ملاك الريو و عامل حوالى 500 كم و معنديش مشاكل غير أن أحيانا بحس أن فى سخونه فى منتصف العربيه و طبعا أستهلاك البنزين هوا تقريبا 1600
فياريت تقولى على العيوب بالتفاصيل علشان لو طلعت عندى برضه حروح التوكيل و أعمل مشكله برضه
و أخر حاجه أنت كاتب 1250 جنيه ,لأيه المبلغ ده؟
السلام عليكم يا استاذ Tmhami
باختصار شديد العيوب اللى عندى انا وبعض الملاك يمكن تكون خاصة بالدفعات الاولى فى 2012 ولان الموضوع طويل شويه استأذنك تقرأ اللى مكتوب فى الصفحة الاولى و ان شاء الله ميكونش فى اى حاجة فى عربيتك ويسترها معالك ويكفيك شرها بأذن الله.
1250 جنية دى مصاريف فحص السيارة من اللجنة الفنية فى كلية الهندسة.
ألف شكر لرد حضرتك و أنشاء الله حقك يرجعلك كامل
بجد انت عملت حاجه اكتر من ممتازة حتى لو قالوا ان العربية مفيش فيها حاجه بس دى اشارة للتوكيلات ان العميل مش هيسكت على حقه لان احنا هنا الدنيا ماشيه بالمقلوب يعنى التوكيل هو اللى بيتنك على العميل ومش فاهمين ابسط المبادىء ولا فاهمين يعنى ايه customer satisfaction ولا عارفين حاجه ... بجد انت عملت شىء رائع و أحييك عليه ربنا معاك :)
شكرا لحضرتك يا استاذ temo احنا كلنا المفروض نبيقى كدة لان كلنا بنتعب فى فلوسنا واللى متعبش فى فلوسة مش هيتعب نفسة انة يحافظ عليها
اتمنى من كل قلبى اننا فى بلدنا العزيزة اللى انا مش عايز امشى واسيبها اننا نتعامل بما يرضى الله زى ما بقى الدول بتعامل مواطنيها او حتى الاجانب المقيمين فيها على سبيل الضيافة والانسانية و ان شاء الله ربنا دائما مع الحق و اصحابة. :_Alshmokh22[1]:
ايه الفلوس الى هتستردها بتاعه ايه بالظبط معلش مش فاهم وضحلى لوسمحت
يا باشا انت مية مية و راجل محترم و اسمحلنا نتعرف عليك أكتر
أنا معايا ريو و زعلت جداً من تعميم حضرتك لان ممكن تكون المشكلة في سيارتك تحديدا. بس أنا بحييك على إصرارك على حقك و انك مكونتش سلبي، بالتوفيق بإذن الله.
صباح الخير يا فندم انا مش عايز حضرتك تزعل منى بس بواقع التجربة المريرة اللى انا فية ويا رب تخلص علشان انا زهقت لكن مش هشسيبهم حتى لو مصلحوهاش علشان ربنا اكبر من الكل طالما الحمد لله عربيتك مفيهاش حاجة يبقى انسى اللى انا كتبتة واستمتع بيها بأذن الله وتديك خيرها وبس وربنا يوفقنا جميعا.
انا معاك يا باشا متسيبش حقق مهما حصل
السلام عليكم جميعا
الحمد لله رحت فرع ابو رواش و استلمت فلوس فحص اللجنة 1250 جنية الذى تم دفعهم من قبل و تم الكشف على السيارة لمراجعة العيوب مرة اخرى ولكن النتيجة:
تم تركيب قطعة من الكاوتش داخل السيارة ملزوقة فوق الصاج بجانب الاستبن علشان عزل الحرارة ؟؟؟ انا مش فاهم بصراحة العزل بيبقى المفروض يركب قبل ما الحرارة تدخل العربية مش بعد ما تدخل و تستريح معانا بس دة كان ردهم ان اساسا الحرارة طبيعية ان المكان دة داخل السيارة فى الشنطة يبقى سخن من علبة الشكمان
طيب يا جماعة هو اساس طبيعى ان يبقى فى سخونة اسفل الكنبة وتزداد بنسبة كبيرة جدا داخل الشنطة.
تم عمل تزبيط للسوفت وير للمرة الالف و لكن ايضا لا يوجد تحسن فى الاستهلاك او السحب يوجد بة ضعف مش زى اول مرة ما عملوها.
بالنسبة لصوت الخبط اللى فى العفشة لا تغيير اطلاقا لان ردهم ان دة الصوت الطبيعة للمساعد علشان غاز على زيت مع ان المساعد الامامى هو نفسة الخلفى غاز على زيت طيب لية مفيش صوت من الناحية الخلفية؟؟؟ غير مقتنع اطلاقا بهذا الصوت
الفرامل تم تزبيطها عن طريق تفريغ الهواء و رجلشة التيل الخلفى مسكت شوية بس لسة مجربتهاش كويس علشان الزحمة
من المفترض انة سوف يتم تحديد ميعاد جديد مع حماية المستهلك لتحديد لجنة فحص مرة اخرى لاعادة فحص السيارة و التأكد من زوال العيوب او عدم حلها وانا كدة لم تحل العيوب ومن ثم سوف يتم بعدها ان شاء الله ان كان لينا عمر باقى الاجراءات القانونية تجاة شركة كيا يمكن على عمر الاحفاد تكون قربت تنتهى المشكلة (( الروتين السلحفائى )). :icq_offline:
تم الاتصال الان من دقيقة لكى يتم تحديد ميعاد جديد حيث رد الشركة انة قد تم زوال جميع الاسباب و اصلاحة و تم استرداد المبلغ
هو فعلا تم استرداد المبلغ لكن لم تحل جميع العيوب نهائيا اللهم وفقنا.
يا مسهل