الموضوع: الدهانات

الدهان فى الاصل فرن طبعا والاحسن يبقى فرن طبعا

لكن لو عادى وصنايعى نضيييييييييف حيعرف يخليه زى الفرن بس فين الصنايعى النضسف ده بقى
انا رشيت عربيتى فرن والبويه بعد شهر عملت فقاقيع وقشرت عشان الصنايعى عكاك

فالاهم من البويه الصنايعى يكون استاز

وحل مشكله البنين انك متخليش الحمار يدلق البنزين وتقوله عند اول فصله للمسدس يبتدى ينزل واحده واحده
او متملاش بنزين للزور وكفايه عند اول فصله تشيل المسدس

اما لو غاوى بقا يبقى امسك فوطه فى ايدك وانت بتمون واول ما يقع بنزين على البويه امسحها فى ساعتها عشان ميبوظهاش

معلومة جديدة إن البنزين بيأثر على دهان السيارة هو بالفعل لأن تقريبا الجاز والبنزين مشتقاتها مكونة للبوية

بالنسبة للصنايعية مفيش صنايعية نضاف فى البلد دى إنسى أساحبى

عايز صنايعى نضيف أول حاجة مش هيبقى اسمه صنايعى يبقى إسمه مهندس أو فنى كلمة صنايعى دى أساسا بتدل على إن اللى بتتقال ليه ميعرفش حاجة فى الكفتة


عايز فنى صح يبقى لازم يكون راجل متعلم ومتدين ودماغه دى نضيفة وبتفكر كويس

كاوتش جديد بابا إمبارح غيره عند صنايعى كفتة خالص بهدل الدنيا الله ينتقم منه شلفطلى الجنوط من برا عامل لى داير ما يدور خدوش فى الجنط

إسمه أحمد بانجو ؟ يا ريس الكاوتش ليه عدل فيه Inside و Outside يا باشا أنت صدقت الكلام دا أنا بقالى من وأنا عندى 10 سنين فى أم الشغلانة دى هتيجى إنت تعدل عليا ؟؟

طيب عشان خاطرى أعمل زى ما أنا قلتلك قال هريحك

جه يرفع العربية يا ريس ليها أماكن بتترفع منها مش أى حتة فى العتبة ترشق فيها تطبقها

اوووووووووووه ما تسيبنى أشتغل بقى

بابا : أسكت يا محمد

الراجل خلص شغله وهو بيشتغل كان معانا واحد اسمه هشام من البلد الصنايعى بيكلمه

أنا شفت الراجل دا بيعمل العربية عند واحد غيرى وعمره ما عملها عندى غير مرة واحدة
قلتله يا ريس ما أنا باجى عندك حتى إسأل الصبى بتاعك
الصبى : لا عمره ما جه قبل كدا

انفعلت وقلت للصبى يا كداب انت هتستعبط يلا

الصبى رد : أنت هتتكبر عليا أنت بتيجى آه لكن بتزود هواء بس

بس فهمت يعنى هو بيلوم على إن الكاوتش بيتخرم وأنا مش باجى الحم عند معاليه أنا مستهتر بيه بزود بس


الراجل خلص تغيير كاوشت 5 فرد وياباشا 40 جنيه ليه ياعم عملت إيه

طبعا بابا قاله خد يا ريس

طيب يابابا إيه اللى بتعمله دا أمال لو رصص هياخد كام إحنا فى مطاى مش فى القاهرة

يابنى عشمان قلت فى نفسى إنت باين فلوسك حرام

المم أنا قاعد بكتب دلوقتى وزعلان على الجنوط اللى اتشلفطتت جنوط اسبور أصلى

ولسة هتترصص

معلش بقى لما أجيب عربيتى الشخصية ساعتها مش هخلى صنايعى فيكى يا بلد يلمسها بعد اللى شوفته

ولا هخلى بابا حتى يلمسها هههههههههههه بابا عايز ماهيندرا الجرارات الزراعية يا جماعة


فى النهاية عربيتك دى مالك ومتخليش أى حد يلمسها إلا لو واحد فاهم بجد ويعرف ربنا غير كدا

محدش هيكون أحن عليها منك إنت وبس .............................

المشاركة الأصلية كتبت بواسطة عكشا

شكرا طبعا بس الصنايعية النضاف قليليين جدا .. تحس الواد من دوول من كتر ما بيدب ايدة فى الحااجة و بيعملهها غللط اتعود عليها كدة و هيفضل كدة .....

طب هوا فية انواااع دهانات فرن كويسة فى السووق ولا هوا كلوا نوع واحد و خلاص ؟؟؟

و فى مرة كانت العربية مخبوطة و روحت عملتها سمكرة و لما جيت اروشها الراجل بيقولى مين الحماار اللى عملههالك دة البويا اللى راششهها سمكها رفيع جدا و اى خدش فيها هيبان على طووول و برضووا قشرت من البنزيييييين :d :d ......... هوا المفروش طبقة البويا تكون عاملة ازاى ؟؟؟

تخانه البويه دى اللى بيحددها الصنايعى (لو شاطر طبعا )
وهى لو تخينه اوى حتقشر برضه من الشمس وحتبقى زى العجينه لو سيبتها فى الشمس كتير اكيد انت بتشوف عربيات البويه بتاعتها عامله كده زى العجينه ن الشمس وده بسبب تخانه البويه زياده عن اللزوم

هى بتبقى طبقتين او 3 فوق الفيلر بتاع البطانه لو اكتر من 3 اظن مش كويس ولو طبقه واحده مش حتبقى مغطيه كويس
والافضل تجيب انت البويه للصنايعى عشان هو ميستخسرش زى محصل معايا وجاب بويه اقل وخففها عشان تبقى كتير او يجيب بويه اقل ويديها وش واحد بس وخلاص
فلما انت تجيب البويه حتختار نوع كويس وحتجيب الكميه المطلوبه لان انت اللى حتدفع مش الصنايعى
البويه الكويسه الايطالى او الاسكينز بس حتلاقيهم غالين شويه ممكن تجيب المصرى بس الاستثمارى اللى هو انضف حاجه فى المصرى وحتلاقى الكيلو فى حدود 100 جنيه انما الايطالى من 180 وطالع الكيلو
وطبعا لو ميتاليك حيبقى الكيلو اغلى من كده عشان الورنيش انا بتكلم على الدوكو العادى