كتر خيرك علي المساعده وربنا يبارك فيك
عرض للطباعة
حمدا لله ع سلامتك الأول و ربنا يعوضك خير
في حاجه بس الرجاله ما ردوش عليها , اللباد ده لو قصدك على العزل اللي في الكبوت من جوه
ده لو سليم هو راكب في الكبوت بكلبسات فبيتفك عادي و تركبه في اي كبوت بعد كده براحتك
بس انت لو جبت كبوت بتاع لوجان mcv أوتو, أو لوجان سيدان أوتو حتلاقي الكبوت جاي بالعزل بتاعه
بس لو جبت كبوت اللوجان المانيوال مش حيبقى فيه عزل عشان المانيواله مفيهوش عزل
و هو أصلا أهميته في الصوت يعني مش مهم أوي , فسيبه في الأخر خالص لو الكبوت اللي جبته مفيهوش
و كمان العزل ده موجود في التوكيل بس بكام بالظبط مش عارف
قدر الله وما شاء فعل والحمد لله انك خرجت منها على خير وبالنسبة للزجاج ده هتلاقيه فى مصنع د . جريش بالعاشر من رمضان ورقمه 015410003 وان شاء الله تلاقى طلبك عندهم وبأرخص من التوكيل وربنا يسترها معاك
لا اله الا الله. ... قدر الله ومشاء فعل .... وعسى ان تكرهوا شيءً وهو خيراً لكم ... ومش هقولك غير قضى اخف من قضى. .... ياريت تطمنا عليك ياباشا وتقلنا عملت ايه ولقيت الرفرف والمساعدين والكبوت بكام وهتعمل ايه في سقف العربية
ربنا يبارك فيك ويكرمك والحمد لله انا كويس .. دعواتكم
الرفرق والكبوت جوه التوكيل ب 500 ج و 1300 ج
بره التوكيل ب 250ج و 550 ج
فيه شركة اسمها رينو هوم في مصر الجديدة قالتلي ان عندها صاج روماني كبوت ب 900 ج و رفرق ب 350 ج .. مش عارف هل هو روماني فعلا ولا الشركة دي بتقول كده وخلاص ؟؟ فيه ناس نصحوني برده اني اشوف صاج استيراد من الحرفيين ؟؟ ايه رايكوا في الكلام ده ؟؟
بالنسبة للسقف السمكري قالي هيترد " شفط " بصراحهه انا معنديش خبره في موضوع الشفط ده بس كذا واحد قالولي ان دي حاجة كويسه
بالنسبة لشغل العفشة لسه مفيش عفشجي شافها .. انا شاكك في المساعدين او السوست " الياي " بس لسه لما ارفعها وافكها واعرف ايه المشكله بالظبط ؟ كمان الفرده الشمال ممكن يكون المقص بتاعها فيه مشكله لان زوايتها داخلة لجوه شويه ...
كتر خيرك علي المساعده .. وان شاء الله مرحلة الازاز هتيجي بعد السمكرة والعفشة .. مشكله د/جريش انه بعيد قوي لاني من دمياط .. هل فيه حد سمعته كويسه في منطقة الدلتا حد قبل كده عمل عنده ازاز
؟؟ والازاز هل انواع وخامات ولا حاجة واحده ؟ ان شاء الله برده هكلم د/جريش واعرف اي معلومات منه .. كتر خيرك
ربنا يعينك ويقويك قادر يا كريم .... تعمل ايه بس. هيا الناس الي في بلدك كده .... ودايماً بدعي للي اعرفهم يارب يقيهم ويبعدهم ويكفيهم شر الحميرررر علشان سواق متخلف مش رابط السلبة كويس تغرم انت شيء وشويات .... لا والمشكلة تلاقيهم بيناطحوا في الطريق .... وتلاقي طريق زي المحور ممنوع مشي النقل عليه وبرضوا طالعين وماشين عليه وحوادث اجارك الله .... اذا كان على الدايري بيمشوا عكس وهو محمل شيء وشويات .... تقول ايه بس غير قدر قدر. ربنا يحميك ويكفيك شر الطريق قادر ياكريم ويارب تكون اخر الاحزان. وقضى اخف من قضى