a3 موديل 2000 بالاسكندرية ارجو الافادة

سلام عليكم
انا من اسكندرية وقدامى عربية a3 موديل 2000 تانى يد صاحبها رجل محترم وكان نزل من السعودية ودلوقتى راجع تانى على حس رئيسنا المنزل مرسى
المهم العربية سوداء مغيرة موتور "الموتور الجديد زى الفل على كلامه وهو غيره عشان القديم مكنش حالته كويسة فى السفر" العربية عدادها 160 الف كيلومتر
العربية مفيهاش حاجة غير شغل سمكرة ودهان نفترض 2000 جنيه
وهى محتوطة فى كونتكت اسكندرية على فكرة.

دلوقتى اللى انا فاهمه ان سعرها كويس جدا
انا اساسا كنت ماشى فى السوابور وفهمت فيها كويس وقابل اى مشكلة الخ المهم ركوبة كويسة جدا بسعر اقل.
وعارف طبعا ان الاودى حاجاتها هى هى الفولكس والسكودا والجولف وكمان قريبى عنده ال VAG com كومبيوتر العربيات ديه كلها وهو استاذ فى الفولكس والاوكتافيا
فانا عايز استشارتكم العربية ديه فرصة ولا لأ؟؟؟
ايه اللى ممكن افكر فيه غير توافر قطع الغيار "لانها اكيد متوفرة بكتير عن السوبارو"


العربية سعرها 52 الف بس اظن انه ممكن ينزل..... وملحوظة الراجل واضح انه شخص محترم جدا بس انا لسة مشفتش حاجة.
سلام

هي بتعمل فى الاربعينات وطبعاً محدش ينفع يتكلم كلمه واحده فى حقها بس المهم اتأكد ان المتور اللى ركب بتاع نفس الموديل عشان لو فى اختلاف هتلاقى بياخد قرايات غلط من الكنترول والعربيه مبرجله واتأكد ان الabs والتكيف شغالببن بس كده وطبعاً انت واضح انك فاهم العربيه وان المتور متكرر فى فولكس وسكودا يعنى مفيش اى مشكله فى قطع الغيار وتوكل على الله دى بسعر لانوس

شكرا للكلام المشجع ده وان شاء الله اشرفها بكرة ياررررب ميكونش فيها حاجة عشان حاقفل معاه وش.....
وحواديها لابن خالى عنده الكومبيوتر وكنت بشتغل بيه معاه على البولو بتاعت اختى!!

ادعولى!!!

شوف التكييف اخبارو ايه و الفتيس لو اوتوماتيك جربو كويس و العربيه واخدة حرارتها سخنه يعنى و خلصها فى الاربعينات و عيش يا باشا

ياباشا سعرها تحفة
دي لقطة
بس اهم حاجة الكشف والحالة

شكرا لكل الردود وانا حشوفها لوحدى بكرة ان شاء الله بعد الصلاة بفترة وححكيلم ان شاء الله وجايز اخلص.

ازيكم يا جماعة

انا النهاردة رحت شفت العربية وسقناها على الدولى فى اسكندرية عشان نختبرها "انا مش سواق اوتوماتيك فخليت اعز صحابى يسوقها "....... على الدولى"

العربيةواضح جدا ان العفشة والشاسية والموتور والفرامل ال ABS بتوعها ممتازين بحالة ممتازة جرينا بيها 120 لمدة طويلة والحرارة بتاعتها طول الوقت تحت التسعين بكتير

نقلات الفتيس عادية والجيربوكس تقريبا مفهوش اى حاجة (بكرة لسة حكشف عليها عند ميكانيكى فولكس/سكودا كويس جدا والعريبة اساسا 90% منها واااااااحد زى العربيات ديه"
الكومبيوتر بتاعها بيقول مفيش مشاكل لسة بقى بكرة حنوصلها على الكومبيوتر بتاع قريبى اللى عنده الورشة ونشوف قصتها...

المهم العربية بويتها ممتازة نضيفة جدا والعربية من برة كلها جميلة جدا ماعدا حكات وخبطات صغير كتيرة فى الاكصدامين بدون كسور او شروخ كبيرة كله شغل سمكرة ودهان
هو بيقولى انه كان حيكلفها 3 الاف جنيه اكصدامين نضافة ورش العربية تقريبا كاملة جانبين ماعدا الكبوت بس انا غالبا حطنش جزء من الكلام ده وحعمل الاكصدامين بس.....


الفوانيس فابريكة وحالتهم خارجيا ممتازة... بس الفوانيس القدام مصفرين حلقاتهم واضحة وجميلة بس عايز انضفهم ان شاء الله لو حشتريها "فى منظف ليهم ويارتى بيجيب نتيجة؟"

اه بقى اهم حاجة العربية من جوة متوسطة بس عيبها الوحيد ان هو عنده كلب المانى بيحطه ورا او فى الشنطة مبهدل العربية :wink10: فيها فرو كتير واقع فى الارضية ورا وفى الشنطة كل ده مش مهم حنضفها بكرة ان شاء الله داخلى فى سيرفيس سنتر فى ميامى بحوالى 100 جنيه كلها بالتابلوه...
التابلوه والفتيس متخدشين شوية واضح من هزار الكلب ده لكن مش مشكلة العربية فعلا من برة تضليعة الصاج + دواخل الكبوت والشنطة والصاج كلها فابريكة مسطرة مفيش عوجة خبطة او تاريخ خبطات وعيل صغير يلاحظ كدة.....

انا حكشف عليها ميكانيكا بكرة كلها وان شاء الله اناقشه فى سعرها هى انا شايف ممكن تنزل عن الخمسين ومش مشكلة لو منزلتش الصراحة كنت حعيط وانا بشوف انضف جودة المانى فى متناول يد وكمان مفيهاش حاجة ناقصة من فوانيس الخ كلههه نضيف


العيبين الوحيدين صاحبى بيقولى عليهم غير ملحوظين بيقولى راجع على الفتيس تانى "قريبى تخصص فتيسات فولكس فى اسكندرية وبيفكهم ويصلحهم كمان!" العربية بيقولى بتنقل بصعوبة شوية للتانى "هو بيشك" + انها لما بتدور على السلانسية فيها رعشة خفيفية قوىىىىى. بس انا الصراحة فعلا مش شايف انها حاجة مش طبيعية وقالى ممكن تكون ظبطة حاجة بسيطة عند قريبى ... بكرة ان شاء الله حكشف وانقل ملكية لو تمام...

والراجل ماشاء ثقة ومحترم لحد كبير
دعواتكم..... العربية ديه ب 3 بواكى ان شاء الله تحفةةةةةةةةةةةةةةة والله!!



سؤال اخير.. لو حبيت اغير حاجة زى ايد الفتيس والوش بتاعه اللى مكتوب عليه النقلات فيها مشلكة؟؟ منين وبكام؟ وهى زى فتيسات فولكس تانية اوتو؟؟

كشفت على العربيه وشوفتها ياباشا ولا لسا ؟؟ عاوز اسالك واتنقاش معاك فى بعض الحاجات بخصوص العربيه دى

والله الراجل النهاردة كلمنى شخص غريب الاطوار.... انا متفق معاه امبارح الصبح ارفعها عند قريبى ده... ومحددناش معاد فالمفروض كان مستنى منى تليفون...... انا قريبى بيفتح الساعة واحدة .. كنت انا حكلم الراجل يدوب وقتها ونتفق نتقابل فى شارع 45....

لقيته بيتصل بيقولى انحنا مش معادنا 11 قولتله لا انا قولتلك حكلمك عموما!!!!! راح قعد يدخلنى فى حوارات غريبة وقالى انا فى واحد حيشوفها
اول لما قالى كدة بصراحة اتقرفت من الغشمئزاز الكلام ده كله 60 دقيقة قبل انا ما كنت حكلمه وحاخدها على 50 الف لو مفهاش حاجة فى الرفعة!!! عدانى العيب بصراحة وقزح يعنى انا اساسا مفاصلتهوش حتى كنت ممكن استعبط عليه واطنش كام يوم والكلام ده!!!!

انا تقريبا مسافة ما كلمته لساعة مكنت حتصل بيه الحوار كله 16 ساعة يعنى بيع وشراء سريع قوى مش عارف الناس عايزة ايه والامخاخ ديه شغالة ازاى..
المهم اول لما لخبط بقى وقالى فى واحد حيشوفها الساعة واحدة راحت قلبه وقلولته اه لو كدة بقى خلاص مفيش مشاكل .. مش حكلم قريبى وممكن نبقى نشوفها بكرة..... وقفلت معاه

مش عارف انا عملت ايه والله هو اساسا كان حاسس ان حاخد العربية ناس مخها غريب.. وطبعا لا فى زبون تانى ولا نيلة لانه مش معقول يضيع زبون ب 50 الف عشان يأمل انه يجيب زبون تانى حيديله ايه مثلا 51 ؟؟؟ :)

انا فعلا جايب اخرى والله من البلد ديه ومهاجر قريب بس كان نفسى اجيب عربية اسوقها السنة ديه ركوبة كويسة :crying2:

عموما طبعا لو هو متصلش انا استحالة اتصل بيه..... وعندكم الاعلان فى كونتكت اللى عايز ياخدها هى عربية كويسة بس يعيش مع الراجل بقى

هو الموضوع نصيب اولاً او اخراً وعادى كلمو ولو انت عايز عربيه سنه واحده وهتبيعها وتمشى يبقى بلاش اودى ولا المانى اصلاً شوف اي حاجه تانيه تمشيك سنه

بكرة فى اخبار كويسة ان شاء الله :)
بس قولولى حد عارف نمر اللى شغالين فى الاكسسوارات بتاعتها مستخدم فى الحرفيين او غيرها؟؟؟ فى القاهرة او اسكندرية

انا رقمى 01142288764 اللى عايز يقولى حاجة يبقى كتر خيره :) او يسيب اى معلومة هنا واوعدكم ان شاء الله حكتب كل تجاربى كاملة على العربية عشان اشجع اللى مشترهاش يشترى العربية رخيصة موت ياجدعان بالنسبة لاعلى المانى!!! المهم ادعولى ان اشء الله اتفقت مع الراجل تانى وحرفعها بكرة وحنعمل عقد بيع ابتدائى واديله عربون :)

حغرقكم Feed back

@ maby3rafnesh

01142288764 رقمى


وحكشف بكرة بعد الساعة 5 كلمنى اقولك :)


بالمناسبة الراجل البربريز اتكسر عنده!!!! الاصلى راكب بقاله 12 سنة سبحان الله اتكسر بعد ما حكيت لزمايلى فى الشغل على العربية فى واحد منهم ابن....... :))) سبحان الله كلمت الراجل بعدها باتفق معاه على معاد الكشف بكرة "الاثنين" قالى الخبر ده...... مش مشكلة حيركبه جريش بحوالى 550 اتفقنا بعد العربون حيعمله ويتخصم من تمن العربية!

باركوللللللللىىىىىى دفعت العربون وكشفت على العربية


العربية طلع فيها شوية شغل بساط.... احتمال تحتاج مساعدين قريب قدام.. هو قريبى قالى حيبقى فيها شغل فى العفشة وقالى فيها شوية شغل وكمان قالى ال Coupling بتاع الاوتومايتك عايز يتغير وده بيتكلف حوالى 350 جنيه...


اساسا ابن خالى لما فتح الكبوت قالى على طول أوكتافيا 1600 بالضببببطططططططططط كل حاجة :)
اما الاكسسوارات طبعا فهى ديه اللى مش فى اسكندرية .....

العربية فيها شوية غل فى باب السواق منظره تعبان شوية من جوة والقايم اللى بتسند عليه ايدك لما تبقى فاتح الزجاج وحاطط ايدك برة مكسور من تحت القماش ... ان شاء الله حنزل القاهرة نزلة اغير شوية حاجات فى الواجهة بتاعت التكييف واللى حواليها والباب اللى قدام مش عارف يتكلفوا كام استعمال


ياريت حد يدلنى على مين بيشتغل فى المستخدم مين غير الشهاب اللى فى شارع دمشق؟؟؟؟ مين تانى فى الحرفيين ؟؟؟


ان شاء الله ابجيبلكم تفاصيل اكثر بالصور بعد الشراء بكرة :)

صحيح... طبعا انا قلت لقريبى عشان ميلبسش مع الراجل من الاخر العربية ميكانيكا فيها شغل بكام تقريبا جمعناه حوالى 3 الاف "مصاريف مستقبلية مش دلوقتى" المهم فشخت الراجل فصال مكنش راضى ينزل عن 48 ونصف الف...... فى النهاية خدتها على السعر ده باصلاح الزجاج او 48 وانا اصلح الزجاج هو حجزه عند ورشة حيجيبوه من جريش فى القاهرة حيتكلف 550 جنيه...

صحيح قريبى قالى الموتور اللى متسقط فيها مية مية والكومبيوتر طبعا.. والتكييف قشطة .... والجير بوكس حالته فوق ال 80% ماعدا الكوبلن ده ابو 350 جنيه :)))
واساسا صاحبها خلانى احط منديل الموتور فعلا مفهوش اى انبعاثات ...

جبت العربية!!!!! :angelme:

يا جماعة عايز اشارك معاكم حاجات كتير ياريت حد يرد عليا بدل ما انا بكلم نفسى او هل ممكن اخش اعمل موضوع فى منتدى الفولكس؟؟؟؟ العربية كلههههها فوكلس ماعدا الاكسسوارات "مش عارف مين فى الحرفيين بيشتغل فيها عشان عايز اغير كام حاجة!!"

ياريت الناس ترد عشان اتدجعن وارفعلكم تقرير كامل على العربية قبل وبعد وبالصور كمان :))))

مبروك عليك ويبنا يباركلك فيها
طبعا حضرتك عارف قبل أي مشوار، تعمل سيرفيس كامل وسريع زيوت سيور فلاتر بوجيهات مراجعة على دورة التبريد وغسيل كامل وفوري للعربية مع تربيط عفشة حتى لو عارف إنها كويسة عشان أي ملاحظات تبقى عارفها وأخيرا الكشف على الكاوتش عشان تمشي وانت مطمئن أو لغاية ماتغير الكوبلن وتعمل الشغل فيها، تاني نصيحة أنصح حضرتك تروح بورسعيد وهتلاقي فيها بإذن الله كل اللي انت عاوزه والحاجات هناك أحسن من القاهرة، وبتوع لافولكس وسكودا والأودي موجودين هنا عشان بروح للبورا والفيليشيا بلاقي أي مسمار عاوزه وطبعا ممكن تسألهم على حاجة لأودي a3 يقولك مفيش لو هو مش خبير، وإنما هتلاقي نفس الحاجة في موديل مثلا زي الأوكتافيا A4، يعني عندي بورا 2002 بروح أسأله على الحاجة بتاعة الجولف4 وبتكون هي هي،،، وبالتوفيق

انا عملت السرفيس كامل العربية الحمد لله ممتازة السرفيس كامللللللللل "حتى زيت الاوتوماتيك غيرته" + الاكصدامين بدهانهم بعد تنضيقهم من البوية والمعجون كل الموضوع اتكلف فقط 1800 جنيه!!!! يدوب العربية كدة تكلفتها عدت 50 الف بمشتملاتها :) الحمد لله حالتها فوق الممتازة

بس لو الاقى اى اهتمام او حد نفسه حاعمل تقرير كامل .. اظن مش حعمل تقرير افرج نفسى عليه..
وعلى فكرة قطع الغيار بالكامللللللل اللى غيرتها فولكس ومتوفرة موت!!!!

مساعدينها تعبانين شوية قدام تمنهم الاتنين استيراد استعمال بالبطاحات والسوست 600 جنيه بس!!! وعندى اسعار تانية كتيرة لقطع غيراها زى الاوكتافيا نفس العمر بالضبط

الف مبروك على العربية الجديد يا ريس ربنا يباركلك فيها
حاول تدبحلها حاجة لجل العين اصل العربيات النادرة اللي زي دي بيبقى عليها العين جامدة

هبعتلك رقم واحد في الحرفيين قريبي بيشتغل في الفولكس فاجن والاودي اسأله على اللي عايزه وان شاء الله هتلاقي كل حاجة

محتاج مسعده الرجاله فى عربيه a3 موديل 2000 ايه اخبار العربيه دى وقطع غيارها غليا وله عشان انا معروض عليه واحد وعايز اعرف اشتريها وله هوه بيتكلم فى 70 والعربيه فبريكه معادة بره مرشوشه نظافه وعمله ايه فى استهلاك البنزين