الموضوع: موقف حصل مع الألنترا الجديدة النهاردة

المشاركة الأصلية كتبت بواسطة semsem kane

اسف ياباشا بس الكلام دة غير صحيح

شوف ياباشا اى انذار فى الدنيا بينزل بيبقى فيها مواصفات امان لازم , هية الشركة مش عبيطة هتعمل جهاز انذار يقعد يصوت وفلاشر وشكرا لأ طبعا ( النظام بيكون اسمة ( anti - theft system with alarm - مش alarm system فقط , فية فرق كبير اوى

, كل انذار فية خاصية اذا كانت السيارة تم غلقها بالريموت وفتحها بالمفتاح وتدويرها فلن تتدور , لان ببساطة نظام الحماية بتاع الانذار مخدش الامر من الريموت

لكن لو تم فصل هذا الانذار وتوقف عملة عن طريق مثلا قطع وتوصيل الطرفين ببعض فأن السيارة تتدور عادى جدا

بعكس الايموبلايزر الذى يأخد الامر من كنترول السيارة وبشفرة معينة ويجيب مطابقتها بالنقطة الممغنطة الموجودة فى المفتاح وعندما يتأكد من تطابق البصمة فتدور السيارة عادى جدا

طبعا فية فرق كبير جدا مابينهم

على فكرة كل اجهزة الانذار الولف فيها الكلام دة اللى هو ب100 جنية و 70 جنية

بس الكهربائية مش بيعرفوا يركبوا لان كل واحد ولية اسلاك وطريقة تركيب غير الاخرى

ففعلا العربية مافهياش ايموبلايزر

والانذار بتاعها موجود فى كل العربيات تقريبا بس دول وصلوة صح والتانيين ماوصلهوش

ولو دة كان بيقوم مقام الايموبليزر كانت كل الشركات عملتة ووفرت تمن المفتاح وتمن جهاز الفصل

واصبحت كل السيارات قديم / جديد اللى فيها الانذار دة فيها ( immoblaizer )

كلام حضرتك مظبوط مليون فى المية و دا السبب اللى خلانى مفكرش فى الالنترا الجديدة نهائى لانى لو هجيب مش هجيبها فولى لودد و اى فئة تانية من غير ايموبيليزر و لما كلمت التوكيل و قلتله انا شارى عربية النترا فى الضمان و عاوز اركب ايموبيليزر قالى هيطلع لك الضفيرة من الضمان قلتله انا هركبه عندك قالى مش بنركبه اما ينزل جاهز اما مفيش
رحت مكنسل العربية خاص :D

انا جيبت ريموت عربيتي مره من جيب البنطلون من على حبل الغسيل

طبعا اخد غسلة محترمة في الغسالة بس الحمد لله اشتغل و مفيهوش حاجة

المشاركة الأصلية كتبت بواسطة semsem kane

هو دة التكفير المظبوط انا مادفعش فى عربية 130 و 145 الف جنية وفى الاخر مافيهاش immoblaizer ويجى حرامى يروح مدورلى العربية وماشى بمنتهى السهولة ويبقى طاروا ال145 الف جنية ويافرحتى بالبلوتوث والaux والطارة الملتى

طبعا ربنا الحارس بس لازم نأخد بالاسباب , ونسعى للحاجة و وربنا يساعدنا ويحفظلنا عربياتنا بس الواحد مايبقاش قصر فى حاجة

ياسمسم العربية مادارتش الا بالريموت بتاعها أزاي بقى الحرامي هيشغلها ويمشي ؟ هتقولي يشيل الفيشة ويفك هقولك مش يمكن فيها نظام يقطع الكهرباء عن العربية لو تم قطع الفيشة مثلاً ولا أيه رأيك .

بصراحة مع أني كنت متعكنن من الموضوع ده بس كنت فرحان أن العربية مش بتدور الا بالمفتاح بتاعها على الأقل فيها نظام حماية والا كنا سمعنا كل شوية عن سرقة الألنترا الجديدة .