الموضوع: موقف عجيب جدا من ظابط مرور

المشاركة الأصلية كتبت بواسطة land_cruiser

ده احتمال يكون واحد من معدومى الضمير و طبعا كان عايز فلوس من حضرتك و ظريفه اوى حكايه العسكرى اللى شغال شاهد ده. هى محكمه و بيجيبوا فيها شهود ؟ تلاقى لما حضرتك عليت صوتك خاف يتفضح و الناس لما تسمعك. بتزعق ما هتصدق تتلم عليه و ممكن يتضرب او انه مش مسئول عن المنطقه دى اصلا و احتمال تانى انه ما يكونش ضابط اصلا و يكون نصاب و سهل انه يجيب زى ضابط وونش كمان الواحد ما بقاش يستغرب من اى حاجه و خاصه لأنه عمل الحركه الغريبه دى الله اعلم و شكرًا للتنبيه

اصل صعب اوي ضابط بجد يعمل كده هو ممكن يصطادك عادي بس مش هيتبلى عليك للدرجه دي

ممكن يبقى نصاب ومممكن يبقى امين شرطه اترقى وده برضو احتمال كبير

انا مره اديت ضابط 20 جنيه في شارع فيصل وكان منظر زي الزفت ضابط ولسه متخرج شاب ملازم وعمال بيلم قتاوي بس بصراحه كنت ماشي من غير فوانيس ولا اكصدام ولا نمر كنت بصلح عربيتي زمان
بس قالي اسحب رخصه العربيه قولتله ولما انت تسحبها انا امشي بايه مكنش معايا رخصتي كان وصل وخلصان من سنه
قالي يبقى غرامه 20 جنيه وقعد يضحك وانا ضحكت واتدهمله ومشيت

أنا شكيت انه أمين شرطة اترقى تقريبا والله اعلم لأنه كان بنجمتين بس وسنه غير متناسب مع الرتبه