عرض للطباعة
السلام عليكم يا شباب
معلومة جديدة عليا تماما سمعتها من واحد صاحبي دلوقتي
وهي
إن الواحد لو عنده عربية باسمه واشترى عربية جديدة لما بييجي يدفع الضريبة بتاعة الجديدة بيدفع مرة وربع اللي المفروض يدفعه.
انا معايا 128 باسمي بس لما جيت ارخص السيريون دفعت ضريبة عادية زيي زي أي حد
زميلي قاللي اني كان المفروض اتسأل عندي عربية غيرها ولا لأ
ولما أرد بالايجاب يحسبولي الضريبة بالزيادة اللي قلتها
هل المعلومة دي مظبوطة؟
اللى انا اعرفه ان فى حاجة اسمها رسم رفاهية او ضريبة رفاهية دى بتدفع لو فى اكتر من عربية للأسرة يعنى مثلا لو الزوجة عندها عربية والزوج عنده عربية
ولو حد عنده معلومة يفيدنا
اعتقد ان ضريبة الرفاهيه دي بتكون لو في سيارتين باسم مالك واحد,
انما لو واحده باسم الزوج وواحده باسم الزوجه فدي ملهاش ضريبه اعتقد,,,
والله اعلم
ماهه مش لازم تروح تقولهم انك معاك عربيه تاني ...
لو قفشوك بقي معاك عربيه تاني .. بترخص التانيه باسم المدام
ضريبة الرفاهية دي لما بيكون في عربية تانية باسمك انت..
مش هيعرفوا حاجة عن الاسرة دي.. وحتي لو عرفوا مالهمش فيه..
دي أسمها ضريبة إستهبال مش رفاهيه ...
هم مال أهلهم يكش يكون عندي 500 عربية مالهم هو حد دافعلي فيهم حاجه ولا أنا حكون لاقي فلوسهم في الشارع بجد حاجه شلل ..
جزاكم الله خيراً على الإفادة
بس انا أثناء ترخيص العربية الجديدة محدش سالني إن كان عندي عربية تانية ولا لأ
ده غير ان اللي كان ماشي في كل حاجة هو مخلص من التوكيل
فيمكن حد ساله وقال معندهوش
انا دلوقتي مش هاحتفظ بالعربية القديمة وحالياً عارضها للبيع كمان
هل فيه أي مسئولية عليا كدة؟
ضريبة الرفاهية علي إمتلاك أكثر من سيارة للأسرة الواحدة حتي و لو كانت بإسم الزوجه و مدون ذلك علي إستمارة التجديد و لكن مع وجود الحاسب الألي في وحدات المرور يتم إكتشاف الأمر من تكرار العنوان أو بطاقة الرقم القومي وشكرا
شكرا علي المعلومة و الافادة..
يا باشا ما حدش بيسألك ....فيه خانة في نمازج الترخيص مكتوب فيها .... هل تمتلك سيارة اخري ام لا ؟؟؟؟اقتباس:
المشاركة الأصلية كتبت بواسطة alijandroo
وبعدين بيبان عندهم علي الكمبيوتر اذا كان عندك سيارة تانية ولا لأ .... والزوجة بيبقى مكتوب اسم زوجها في البطاقة ... يعني مافيش فايدة ....لكن
انا لما جيت ارخص كان المشتري اللي اشترى سيارتي القديمة لسة ما نقلش الملكية ... لقيتهم بيقولو انت عندك سيارة تانية ...كذا ...كذا ..اناا بقى كنت مستعد لهم وكان معايا صورة عقد بيع السارة القديمة .... وخدوه وارفقوه في الملف ومادفعتش زيادة ...
يعني انا لو بعت عربيتي بتوكيل هايبقى ايه الوضع و انا برخص الجديدة
ويا ترى الضريبة دي كام
لو بيعت بتوكيل هتدفع الضريبة الزيادة دي..
ما تقلقش
ضريبه الرفاهيه مش بيبصوا فيها في الملاكي اوي
بيبصوا في النقل و الميكروباصات و الاتوبيسات لان دا اللي يهمهم و معظم مالكي التاكسيات و النقل بيبقي عندهم اكتر من عربيه.
و طالما محدش سالك ما تقلقش مفيهاش حاجه.
مره كنت مع قريب ليا و بخلص له اجراءات في المرور لانه كان جايب عربيه جديده و عاوز ينقل اللوحات من القديمه علي الجديده قبل ما يبيع
ف الموظف هناك عارفني و بيقولي العربيتين باسمه كده حنضطر ناخد ضريبه رفاهيه (في حدود 100 جنيه) قولتله دا احنا بننقل النمر و حنبيع العربيه مش حنسيبها
فقالي اوك بس لو العربيه التانيه جه معاد ترخيصها و لسه معاكم حنضطر ناخد ضريبه الرفاهيه و العربيه اتباعت.
خالي بقي(لواء شرطه) كان بيعمل نفس الحركه و بينقل نمر و دفع ضريبه الرفاهيه
ما عرفش يقولهم البوقين اللي انا قلتهم هاهاهاهاهاهاهاها
حد متأكد من الضريبه دي بكام بالظبط؟؟؟
من 3 أيام كنت باثبت الموتور اللي سقطته للـ 128 على الرخصة
واكتشفت ان فيه خانة فعلاً عن امتلاك سيارة أخرى في نموذج اسمه نموذج 251
بس الموظفة مطلبتش مني أملا حاجة غير اسمي وعنواني وتليفوني
والحمد لله عدت على خير
غريبة انهم يسئلو او مايسئلوش لانه المفروض بتظهر على الحاسب الالى وهتد فع يعنى هتدفع
ان كنت لسه برخص يوم 21/7/2008 ومقلولتش حاجة ولا اشرت لكده فى النموذج
لقيته بيقولى عندك عربية تانية باسمك ولازم ادفع ضريبة ترفيه وكانت 60 جنيه عن السنة الوحدة وان كنت هارخص 3 سنين فرخصت سنة واحدة لحد الرجل اللى بعتله عربيتى القديمة ينقل الملكية ....وده اللى حصل ...بس خلاص
Gبيطلعو باى سبوبة و خلاص
حاجة تقرف