السلأم عليكم ورحمة الله وبركاته
لو فى حد عاوز يبيع الهيونداى فيفا بتاعته فأنا جاهز أشترى , شرط الحالة ويفضل أن تكون كاملة مانيوال ويفضل أن تكون 2009 أو 2010
مع خالص الشكر والتحية
عرض للطباعة
السلأم عليكم ورحمة الله وبركاته
لو فى حد عاوز يبيع الهيونداى فيفا بتاعته فأنا جاهز أشترى , شرط الحالة ويفضل أن تكون كاملة مانيوال ويفضل أن تكون 2009 أو 2010
مع خالص الشكر والتحية
أن شاء الله تلاقي العربية المناسبة ليك وتبقى من نجوم هيونداي قريب .
لماذا الفيفا بالتحديد ؟؟ هل هي افضل من الفيرنا العادية و هل قطع غيارها مش متوفرة و بيعها تقيل لانها مش مطلوبة بخلاف حالة حضرتك ؟؟
هو السؤال ده لأني بدور علي عربية و زميلي بيبيع عربيته و انا متردد وهي فيفا 2008 نص كماليات عداد 90000 كم مطلوب 45000
أرجو أن أكون قد أفدتك وأتمنى أن أجد ما أبحث عنه قريباً أن شاء الله وألأ هاضطر أشترى الرينو لوجان مكانها
هرد على حضرتك من خلال تجربتى .. انا كان معايا الفيفا موديل 2009 وكان اللى مش كاملة بردوا زى اللى مع صاحبك وأنا طبيعة عملى أنى كنت شغال مرشد سياحى وفى نفس الوقت مندوب لشركة سياحة كبيرة فى شرم وطابا , يعنى تقدر تقول كنت هالك العربية من شرق مصر لغربها ولذلك العربية مشينت بيها فى فترة تقرب من عام ونصف حوالى 64 ألف كيلو وبصراحة مازعلتنيش فى حاجة خالص وكانت زى الفل وقطع غيارها رخيصة ومتوفرة فى كل مكان ,ده غير أنها موفرة جداً فى البنزين و كنت دايماً بعمل صيانتها برة التوكيل. بس هى فيها ثلأث عيوب بسيطة أنا عن نفسى كنت متقبلهم ومتعايش معاهم
أول عيب : الصاج بتاعها ضعيف جداً عشان أقل حكة أو خبطة هتبان فيها وهاتسمع أوى وبالأخص لو فى الشنطة لأقدر الله لأنها ضعيفة جداً
ثانى عيب : لو أنت ماشى داخل المدينة زى فى القاهرة مثلا وسطك الزحمة فالتكيف بيبان تاثيره على الموتور وعشان كده أستهلاك البنزين بيزيد سنة بسيطة بس لو أنت ماشى على طريق سفر فمش هاتحس بالفرق ده .
العيب الثالث : لو أنت على طريق سفر ومعدى من جنبك تريلة كبيرة فهاتحس أن العربية بتترج شوية , عشان كده أنا كنت أول ما بشوف ترلة من بعيد فكنت ببعد عنها وأمشى على الشريط الابيض اللى فى جنب الطريق لحد ماتعدى .
بس والله هى عربية لذيذة وعجبانى انا شخصياً وللأسف بعتها بعد ما سبت الشغل وقعدت فى البيت خوفاً منى لحسن تتسرق ولأ عيل من العيال اللى بتلعب فى الشارع يخبطها بطوبة ويكسر فنوس ولأ حاجة , وبصراحة مش لأقى خالص عربية تكون رخيصة وعملية زيها
شوف أقولك على حاجة .. لو صاحبك عربيته كويسة وحالتها نضيفة وأنت عجبتك فتوكل على الله وهاتها ومش هاتندم أن شاء الله ولو مش عجباك أدينى رقمه وأنا أروح أشوفها وأظبط معاه بس أهم حاجة تكون حالتها نضيفة.