عيب سواق ولا عيب عربية؟

**eng.m7md.ali** · 29-08-2012 04:30 AM

المشاركة الأصلية كتبت بواسطة y a r i s

لا ماهو تلاقيه كبسلها بانزين وسحبلها هاند بريك فتبتدي العربية تفقد السيطرة العربية دي محتاجة ساحة كبيرررررررررررة وتقعد تلعب فيها حتت دين لعب لغايت مالكوتشات تتمسح
دي حتى لمن تيجي تجمع سرعة وهيا واقفه تلاقي الكوتش فحت في الارض كده. وساب بصماتوا. وعلامة للاجيال الي جيه علشان تعرف ان عربية كورفيت. عدت من هنا. :)

بس اشمعنا الكورفيت تعمل كدة
في عربيات كتير مبتعملش كدة
ده حتى في فيديو الراجل بيتنقل من حارة لحارة تانية على نفس السرعة راحت عامت منه بطريقة مستفزة

**Y a r i s** · 29-08-2012 04:30 AM

ههههههههههههه الراجل اتنرفز قوووي لمن عربية كورفيت خبطتووو اومال يعمل ايه لمن يكون ماشي ويدخلوا توك توك في عربيتو. ولا يكون واقف في اشارة وفجئة تلاقي موتسيكل دييييييييييب في شنطة عربيتو او العربية الي قداموا ريحة عليه جامد. هيعمل ايه. لا لا لا لا. ده لازم يجي مصر يومين. علشان يتعلم هدووء الاعصاب هههههههه

**Y a r i s** · 29-08-2012 04:38 AM

المشاركة الأصلية كتبت بواسطة eng f3lix

بس اشمعنا الكورفيت تعمل كدة
في عربيات كتير مبتعملش كدة
ده حتى في فيديو الراجل بيتنقل من حارة لحارة تانية على نفس السرعة راحت عامت منه بطريقة مستفزة

في الشكل الجديد بتاع الكورفيت والموديلات الحديثة. عالجو. مشكلت الاندفاع المفرط للعربية ونزلوا انظمه حديثة للتحكم بالقيادة مكنتش في الموديل القديم الي في الفيديو

بس الموديل ده القديم. فعلاً مشاكلوا كانت باينه جداً لذلك كنت تلاحظ ان اصحابها كانو يسوقوها براحة خالص بالذات الي بتيجي فتحة سقف .... وكل فين وفين لمن يكبسلها بانزين وخلي بالك العربيات دي منيول. ودريكسيونا بيعوووم جامد وملبن على الاخر فعلشان كده بتاخدو الحماسة وتلاقية وهو بينقل نقلاتوا بسرعة. لمسه وحده للدريكسيون تبص تلاقيها حدفت كده او كده والي جرب يسوق الامريكاني. هيعرف قد ايه العربيات بتعوم. بمجرد ماتكبسلها شوية بانزين وانتا بتلف الدريكسيون وده عيب في عربياتهم بس بيني وبينك متععععععععععععععه

فاكر فيلم الي اسمو توكيوا في حاجة عندهم اسمو الانزلاق او التدحرج على الاسفلت وفي المنحنيات لو تلاحظ ان العربية الامريكي كانت افشل عربية فيهم

**ahmedbasto** · 29-08-2012 04:21 PM

المشاركة الأصلية كتبت بواسطة eng f3lix

تحليل وجهة النظر دي يعتبر اقرب للحقيقة
البي ام دابليو تفرق كتير في النقطة دي لانهم موزعين الثقل بطريقة متساوية

ودة غير أن المواتير الكبيرة فى البى أم بتنزل من المصنع فى عربيات تقيلة يعنى ال v8 بينزل فى m5 القديمة وال m3 الجديدة انما الكورفيت غبية جدا عن مشاهدة اكتر من مرة فى السعودية العربية لو طالع من اشارة ودوست بنزين جامد بتشوف النجوم فى عز الظهر يعنى مش باور سليد مثلا لا دى بتلف على طول ودة لأن وزنها خفيف على موتورها ومفيهاش وسائل الثبات اللى موجودة فى البى أم والمرسيدس

**fineart607** · 29-08-2012 04:30 PM

اعتقد عيب مشترك بين سائق لايتحكم بانطلاق السيارة الغير مبرر قدرة حصانيه عاليه جدا لا تلائم السيارة

**MaNoLa** · 30-08-2012 06:25 AM

ممكن وزن العربيه خفيف على الماتور لأن من الواضح أن العربيه بتعوم بسرعة حتى و لو سرعتها خفيفة

بس أحلى حاجة عجبتنى أخر موقف لما زعق جامد و فى الأخر خالص نازل يصور العربيتين و هوا بيضحك عادى جدا , دا تمن تكلفة تصليح الأكصدام و الباب فى العربيتين ممكن يكون بسعر معرض عربيات فى مصر

دا الحمد لله على نعمة الجين 2

**حماده المصري** · 30-08-2012 06:47 AM

عموما العربيات دي اسمها الاميريكان مسلز العضلات الامريكيه

مصممه لل جري دراج ريس مش غرز وبتاع انا مشوفتش الكليب عموما

بس كل الي متاكد منه انها عومت منه في ملف في كبسه بنزين في يو تيرن

عموما الموستنج الكامارو الكورفين الفايبر التشالنجر كول ده معتمد على متور فقط وفي القياده ممكن تبقى مريحه شويه عن عربيات تانيه

لسه في منتندى اجنبي شايف موستنج شاب شاريها مكملش يومين قفل التراكشن كنترول عومت منه ولبس في شجره وراحت فيها العربيه كلها

زمان لما كنت في الامارات الموستنج كانت معروفه جدا هناك ورخيصه مره سوقت موستنج 95 فعلا العربيه دي وانت مثلا على 40 وبتدخل شارع يمين لو كبست شويه بنزين هتعوم وهتلف وشها

ودلوقتي بقت العربيات ال 6 سلندر فما فوق او عمموما العربيات الي سرعاتها عاليه
بقت دواسه الاكسليتير مصممه انها لو دوست على نص الدواسه او حتى تلات ارباعها متجريش الا لما تدوس الدواسه كلها عشان في الزحمه تعرف تمشي مع البشر عادي

وبرضو العربيات دي لما بتتحط في مقارنه مع الالماني بتتفوق في نقط وبتفشل في نقط كفايه متعه الامريكي وهو بيخمس متشوفهاش في عربيات تانيه بس قصاد كده لازم طبعا تفشل في نقط

وبي ام ومرسيدس مبيهزروش يعني بقت كل عربياتهم تقريبا توزيع الوزن 50/50 ولو قسمت العربيه 4 اربع هيتساوي في الوزن ولو قسمتها نصين بالطول برضو هيبقوا نفس الوزن واكيييد مليون في الميه انظمه الجر بتاعتهم مختلفه اكييد غيروا في الكرونا والكبالن والنقط دي بحاجات احدث جدا

وتيجي ناس في الاخر تتريا على المرسيدس والبي ام ويقولك بقوا مالهمش لازمه