الموضوع: مساعدة في 128 غلبانة ^_*

بترفع رجلك من عالبنزين تقوم تتمرجح يمين وشمال يبقي المكنة لحد مالحركة توصل للعجل فيه شيء سايب loose
ممكن قواعد الموتور اللي ماسكاه في مكانه او العجلتين اللي قدام نفس الحركة بمعني العجلة الواحدة الامامية ماسكة في المساعد بالسوستة في قاعدة المساعد في جسم العربية من اعلي والاسكترا لزوم التوجية والمقص شايل العجلة من نقطتين في السلاح -الكمرة الطولية- والنقطة الثالثة المساعد من اسفل وحتة حديدة قضيب توازن في كل ناحية مش متذكر يمين وشمال متصلين ببعض ولا كل واحدة لوحدها في ال128

اما موضوع الحدفة شمال الناحية اليمين امام وفرامل واخدة هواء فالشمال بتمسك -وتعمل نقطة ارتكاز يسري عن اليمين الي بتظل مندفعة بعض الشيء للامام تقوم العربية تحدف شمال عند الفرملة فهو خد الهواء اللي في دائرة زيت الفرامل لتعادل الضغط علي العجلتين في نفس الوقت

اللى ظبطلك زوايا ده حمار

عندك مشكله فى العفشه (او الشاسيه )واللى كان المفروض يكشف عليها ويقولك فين هو بتاع الزوايا
بس تقول ايه بقى
بص يا باشا مشكله عربيتك مش حتخرج ان شاء الله عن المزان او كاوتشان الميزان او مسامير تثبيت الميزان فى الشاسيه (الركب ) حتلاقى ركبه مفكوكه او فيها شرخ وعاوزه تتلحم
ولو كل ده سليم يبقى نروح للاسكاترا والبارات وبيضات الطرف والمقصات

بس انا شاكك فى الميزان او الركب عندك لان انت بتقول انها موديل سبعينات يعنى حتلاقيها بايشه ومليانه شروخ من عند الركب
ولازم تصلع العيب ده لانه عيب خطير ممكن يؤدى لحادثه لاقدر الله

على فكره لو صلحت المشكله دى الحدفه اللى مع الفرامل حتتظبط لان كده العربيه بتحدف مع الجنب اللى سايب او فيه المشكله
وعندى سؤال انت بتسمع طقه او خبطه او تزيق مع الفرامل او الطلعه بالعربيه ؟؟؟؟؟

المشاركة الأصلية كتبت بواسطة waelfarid
بترفع رجلك من عالبنزين تقوم تتمرجح يمين وشمال يبقي المكنة لحد مالحركة توصل للعجل فيه شيء سايب loose
ممكن قواعد الموتور اللي ماسكاه في مكانه او العجلتين اللي قدام نفس الحركة بمعني العجلة الواحدة الامامية ماسكة في المساعد بالسوستة في قاعدة المساعد في جسم العربية من اعلي والاسكترا لزوم التوجية والمقص شايل العجلة من نقطتين في السلاح -الكمرة الطولية- والنقطة الثالثة المساعد من اسفل وحتة حديدة قضيب توازن في كل ناحية مش متذكر يمين وشمال متصلين ببعض ولا كل واحدة لوحدها في ال128

اما موضوع الحدفة شمال الناحية اليمين امام وفرامل واخدة هواء فالشمال بتمسك -وتعمل نقطة ارتكاز يسري عن اليمين الي بتظل مندفعة بعض الشيء للامام تقوم العربية تحدف شمال عند الفرملة فهو خد الهواء اللي في دائرة زيت الفرامل لتعادل الضغط علي العجلتين في نفس الوقت
شكرا يامهندس وائل علي الرد ( علي راسي والله )
العفو يا زميلنا الجديد

بس واحدة واحدة عليا علشان انا تهت

مع بعض كده

العجلتين اللي قدام نفس الحركة بمعني العجلة الواحدة الامامية ماسكة في المساعد بالسوستة في قاعدة المساعد في جسم العربية من اعلي
تقصد يعني انها بتحك في المساعد لا مش زي ما حضرتك متخيل مقصدش العجلة اقصد صرتها اي الجزء الحديد الثابت غير الجزء اللي بيلف وتكون راكبه عليه العجلة اللي بتشوفه لما بتكون بتغير العجلة
اقرب لحضرتك الصورة اكتر
شفت التريسيكل فيه عجلتين قدام وواحدة ورا كل عجلة منهم من اللي قدام متشالة وبتلف علي بلية -رمان بلي- والبلي ده راكب علي محور-اكس- الاكس ده ماسك في ايه ماسك في الصندوق في حالة العربية الحتة اللي ماسكة فيها العجلة مش ماسكة مباشرة في جسم العربية فيه وسيط اعتبر نفسك جسم العربية وباصص للعجلة الامامية يمين اجلس علي كرسي ترابيزة او مكتب قدام الكمبيوتر --واسند كوعيك علي الترابيزة وشبك اصابع ايديك حتعمل مثلث وميل راسك للامام وبين ذقنك واصابعك المتشابكة حط ماسورة او مسطرة او مضرب تنس طاولة مثلا الساعدين بشكلهم المثلث والاصابع متشابكة ده اسمه المقص راكب في كمرة طولية اسفل العربية اللي هي الترابيزة والمسطرة بين ذقنك اللي هي قاعدة المساعد --اللي لما بتفتح كبوت العربية بتشوف حواليها 3 مسامير ماسكينها --واصابعك المتشابكة ده المساعد وراكبة علية السوستة بيطول ويقصر مع المطبات-تيليسكوبي- ايديك بصوابعك المتشابكة تمثل صرة العجلة وداخل لها في وسطها الاكس عمود نقل الحركة من الجير بوكس (صندوق التورس) علشان يلففها لو حركت سيادتك رسغيك يمينا ويسارا وهما لسة متشابكين الاصابع ده زي ما الاسكترا جهاز التوجيه بيعمله في العجلة لما تلف الدريكسيون يمينا ويسارا وجزء جهاز الفرامل للعجلة دي راكب علي ايديك في الجزء الثابت اللي فيه البلية اللي عليها الجزء المتحرك اللي عليهاللي فيه مكان مسامير تثبيت الجنط بالكاوتش
المحرك نفسه متثبت في حوض العربية من كذا حته حوالي 3 اماكن بيسموهم قواعد المكنة وشداد الموتور حاجة زي كدة كل حتة منهم في قلبها كاوتشة لامتصاص الاهتزازات ممكن تكون واحدة منها اتقطعت وعاوزة تتغير
لا اعتقد ذلك
لانها لو بتحك كنت شميت ريحة الكويتش ( زي ريحت البلاستك اللي بيسيح )
دي حاجة ودي حاجة
ودي حصلت معايا في العجلتين الخلفي لما كنت اركب الاستبن وركبت ( وردتين زيادة ) اللي هما بيخلو الكوتش يبقي بعيد عن المساعد (يخرج لبرة
وبعدها اتظبتت حلو قوي


والاسكترا لزوم التوجية والمقص شايل العجلة من نقطتين في السلاح -الكمرة الطولية- والنقطة الثالثة المساعد من اسفل وحتة حديدة قضيب توازن في كل ناحية
مش فاهم حاجة

ممكن توضح وانا هفهم او ايه المفروض يتعمل


مش متذكر يمين وشمال متصلين ببعض ولا كل واحدة لوحدها في ال128
يعني ايه (تروح يمين تروح شمال بتبقي مش مظبوطة)
يعني الاقيها اتبرجلت بس بعرف اتعامل الحمد لله بس زي مانت قلت بتتمرجح



اما موضوع الحدفة شمال الناحية اليمين امام وفرامل واخدة هواء فالشمال بتمسك -وتعمل نقطة ارتكاز يسري عن اليمين الي بتظل مندفعة بعض الشيء للامام تقوم العربية تحدف شمال عند الفرملة فهو خد الهواء اللي في دائرة زيت الفرامل لتعادل الضغط علي العجلتين في نفس الوقت
يعني اروح اقوله فضي الهوا اللي في التيل الشمال خلاص هو عملها

ممكن توضحها بالبلدي
لا هو صلحهالك لما قالك دوس وسيب الفرامل فاضل عندك كراسي المحرك ربما تكون تالفة

ربنا يزيدك علم كلنا بتعلم
شكرا علي الرد العفو

بص انت تدور على بتاع زوايا كويس اوى ويكون شاطر من اللى بيبقى عليهم زحمه دول
وهو يبصلك على العربيه مش يظبط زوايا انت روح قوله انا عندى مشكله مش عاوز اظبط زوايا وتقوله ان العربيه بتعوم معاك جامد وبتحدف مع الفرامل وفيه طقه مع الفرامل والطله
وهو حيقولك مشكلتك فين وتغير ايه او تصلح ايه وطبعا حتحتاج عفشجى او عفشجى وسمكرى

ولو متعرفش بتاع زوايا كويس يبقى تدور على بتاع عفشه كويس برضه حتى لو غالى شويه المهم يكشفلك عليها وتعرف العيب فين وعلى اساسه تحدد حتعمل ايه

الميزان ده هو الماسوره اللى ماسكه العجلتين ببعض وحتلاقيه تحت الريدراتير لو بصيت من تحت العربيه حتلاقيه ماشى تحت صدر العربيه بالعرض وممسوك بحديدتين من اليمين والشمال وجواهم كاوتشتين دو كاوتشات الميزان لو مقطوعين او مبوشين يعملو كده
ولو المكان اللى متثبت فيه الحديتين دول اللى هو اسمه الركب وده هو شاسيه العربيه لو فيه بارومه او فيه شروخ او المسمار مكسور حيعمل حجات كتيييير اولهم اللى انت بتقول عليه ده
وده من اشهر العيوب فى ال 128