عرض للطباعة
تعرضت لحادثة منذ يومين والحمد لله علي كل حال
دي صورة العربية ياريت تساعدوني اتحرك وابدا ازاي ؟
http://im24.gulfup.com/2012-08-28/1346170282791.jpg
http://im24.gulfup.com/2012-08-28/1346170282282.jpg
العربية الوقتي عند سمكري ولسه معملتش فيها حاجة .. بيقولي عايز يغير الرفرف والكبوت والباقي هيرده ؟ ايه رايكوا في كده ؟ وهل القوايم ممكن تترد ؟؟ وعايز برده يفك التابلوه وانا قلقان من فك التابلوه انه ميرجعش تاني زي الاول ؟؟ ياريت تساعدوني باي معلومات وجزاكم الله خيرا
باشا انا دمياط بص هو الحمد لله انها جت على قد كده والحمد لله انك بخير بص يا سيدى فى سمكرى مشهور قوى على طريق دمياط الجديده هو اسمه الخياط بس ايده تتلف فى حرير روحله وربنا يقدملك بما فيه الخير
ولو عاوز محل قطع غيار رينو انا اعرف راجل بن حلال واسعاره معقوله ولو عوزتنى معاك انا تحت أمرك كلمنى على الخاص وتحت امرك
قدر الله وماشاء فعل الحمد لله ان حضرتك بخير .
الحمد لله على كل حال و كويس انها جت على قد كده و حمدلله على سلامتك
الحمد لله انك كويس ديت اهم حاجة اهم من العربية و ان شاء الله ربنا يعوضك بالافضل ان شاء الله
لو مامن عليها خلليها تطلع total loss و خد قيمة التامين احسن
MMamdouh
أيوة كلام السمكرى صح ........ غير الرفارف والكبوت ورد السقف والقوايم
وقلبى معاااااااااك ........ وصدقنى هترجع أحسن من الأول وربنا يعوض عليك
ربنا معاك
انا رحتله فعلا والعربية عنده حاليا .. وللاسف الكاسيت اتسرق من عنده علي الرغم انه قالي ان المنطقة امان وهو اللي قالي سيب الكاسيت متفكوش :((( قدر الله وماشاء فغلاقتباس:
المشاركة الأصلية كتبت بواسطة ozydreams
ربنا يبارك فيكم جميعا وكتر خيركم علي كلامكم الطيب ... دعواتكم
متحرمش منك كتر خيرك مش عايز اتعبك ... ياريت بس لو تدلني علي المحل ده مكانه فين واخد فكرة عن الاسعار ... انا بحاول اجمع معلومات الوقتي قبل ما اشتري واللي اعرفته ان الصاج بينزل منه تايواني بس تايواني درجات .. يعني فيه كبوت ب 450 وكبوت ب 650 ... هل عندك معلومات عن الموضوع ده ؟؟ ربنا يجازيك خير ويبارك فيكاقتباس:
المشاركة الأصلية كتبت بواسطة ozydreams
هو االصراحة المنطقة اللى هو فيها مش امان فلو فى اى حاجه فى العربية خدها عينها معاك وربنا يقدملك بما فيه الخير وانا تحت امرك فى اى حاجه وان شاء الله ترجع احسن من الجديدهاقتباس:
المشاركة الأصلية كتبت بواسطة pharmacology
بص ياباشا انت تروح عند جامع المظلوم وتسأل بس على الراجل بتاع قطع غيار الرينو والف مين هيدلك هو شقة فى مساكن المظلوم دور ارضى وتقريبا يا العمارة التانيه يالتالته من قدام الجامع ل وانت رايح على كفالة اليتيم نفس الصف ده والراجل ده محترم اوى وقطع غياره انضف من التوكيل ده من كلام ناس كتير شكرتلى فيهاقتباس:
المشاركة الأصلية كتبت بواسطة pharmacology
ربنا يبارك فيك وان شاء الله هروحله واعرف ايه اللي موجود عنده واسعاره ايه .. جزاك الله خيرااقتباس:
المشاركة الأصلية كتبت بواسطة ozydreams
للاسف يا استاذ ozydreams السمكري اللي علي طريق دمياط الجديدة ده كان اكبر مقلب وحسبي الله ونعم الوكيل فيه كفاية اني بدعي عليه ليل ونهار .. للاسف الشغل اللي عمله فيه اخطاء كتير وفيه اخطاء صعب انها تتصلح تاني ... عندك مثلا وش العربية السمكري مطبعش الاكصدام علي وش العربية وبالتالي كان فيه فرق واضح بين الكبوت والاكصدام .. في السقف لما فك القايم اللي في السقف وعمله لحام مرجعوش تاني مكانه وبالتالي لمبة الصالون مركبتش في مكانها يادوب شابكه في السقف واي ضغط عليها بتقع من مكانها .. الجزء اللي تحت المساحات مطبعش عليه الاجزاء الفيبر اللي بتتحط فوق ماتور المساحات وخزان الميه بتاع رشاشات المساحات واكتشفت الموضوع ده بعد ما العربية ادهنت واضطريت اجيب سمكري جديد يعمل الحاجات دي وللاسف الجزء اللي تحت المساحات دي اتجرح وهحتاج اعمله مرة تانية عن اليوهيجي .. ده بالاضافة للكاسيت الاصلي اللي اتسرق من عنده وكمان كنت جايبله لوح ازاز امامي جديد عشان يطبع عليه كسره في اخر يوم قبل ما استلم العربية .. للاسف السمكري ده الخساير اللي عنده كانت كبيرة جدا وسبحان الله انا مزعلتش علي الحادثة قد ما زعلت من تعاملي مع السمكري ده ومش هقدر اقول غير حسبي الله ونعم الوكيل فيه ...
الحمد لله علي سلامتك قدر الله ما شاء فعل
الحمد لله قدر الله وماشاء فعل أهم حاجة انك بخير و ان شاء الله ربنا يعوضك بالأحسن
قدر الله ما شاء فعل والف حمدلله على سلامتك
خد عربيتك من عند الراجل ده و ممكن تجرب ورشة نايل موتورز كريم منير أضمن و بتاعنا