صوت فى النوبيرا بيروح مع تشغيل التكييف أرجو المساعده

نوبيرا 2 اتوماتيك كورى 99
عندى صوت بيطلع بس مش عارف أحدد خشونه أو زى تكتكه كده ساعات أول ما اشغل العربيه ويروح لما أمشى وساعات لما أبقى من مشوار وقف يجى
وديتها لواحد ميكانيكى خبره شاف السيور وكان الصوت شغال على خفيف قاللى شغل التكييف شغلته فالصوت منع قاللى وقف التكييف الصوت جه راح مسك ميه وكبها على على بليه من السيور مش عارف ايه هى الصوت منع قالى متقلقش خالص قاللى ده شويه تراب , روحت لميكانيكى تانى قاللى خشونه فى بليه التكييف أو الدينامو معرفش يحدد .
أنا عندى العربيه مفهاش أى صوت طول ما أنا ماشى أول ما اقف أو أطلع بيها والصوت بيمنع أول ما اشغل التكييف وأنا واقف وعلى الفكره الصوت ده بقاله سنه بس كان على خفيف
عايز بقى مساعدتكم علشان أنا مش عارف أعمل إيه !!!!

أرجوووووووووووووووووووووو ووووكم المساعده

إنت مصعب الامور على نفسك ليه
طب ما تشوف حالة البلي بتاعهم عند أي ميكانيكي....بلاش في مرة يقفش ويبهدلك الدنيا

متقلقش ده بيبقى السير رخى شوية يعنى ضعف شوية او الشداد ضعيف شوية لو لية رجلاش بيشدوه شوية لو هيدرولك يبقى لازم تغير البلية والشداد هم الاتنين بيبقوا مع بعض

فى اقرب وقت هاشوف البليه والشداد

فى حد عنده حلوووووووووووول تانيه ؟؟؟؟

يا جماعه كشفت العربيه وطلع حاله البلى كلها سليمه والصوت من كومبريسور التكييف وقاللى الميكانيكى مفيش مشكله وعلشان الصوت يروح هتغير الكمبريسور .. إيه رأيكم أغير ولا استحمل الصوت الخفيف مع بداية تشغيل العربيه بس !!!!

فى حد تانى قاللى الصوت بالتحديد جاى من كلتش الكمبرسور واول ما هتغيره هيروح لأن أول ما بتشغل التكييف صوت بيروح .. طب هو سعر الكلتش كام ؟؟؟

ماتغيرش كومبريسور الا لو باظ ومبقاش يسقع

فك سير التكيف لو الصوت راح يبقي الكلاتش فعلا بايظ وحاول تروح لحد بيفهم يغيرلك الكلاتش فقط

طب تغيير الكلتش هيكلفنى كام ؟؟؟؟؟

معرفش التكلفة اد ايه بس لازم يكون حد عنده كباسات خردة كتير علشان يرضي يغيرك الكلتش فقط