الموضوع: تقيمى الشخصى للسياره الأفيو مشوار للساحل

سلام عليكم الأول
أنا معايا أفيو 2009 جايبها جمرك في أواخر /6/ 2008
كان لسه الأفيو 2009 مش نزل مصر
علي فكره العربية ممتازه جدا
وبسافر بيها كتير مصر وإسكندرية
العربية بعد ال 120 ثابته لحد ال 140بعد ال 140 إنسي موضوع الثبات في كل المقاييس
العربية موفره جدا في البنزين بالنسبة لفئتها في 1500
سحبها حلو مش وحش
أنا شايف ياجماعة حاجة مع إحترامي الشديد للجميع
في شيفرولية أفيو كوري 100%
وفي منها تقفيل مصري
كل اللي إشتكي من العيوب اللي فاتت أكيد هتلاقيكم جايبنها تقفيل مصري
مش إستيراد
عامة دي كلها مشاكل خفيفه معتقدش إنها تنزل من قدرات العربية
وبعدين اللي بيقول إن العربية بعد 150 مافيهاش ثبات
ليه تجري علي 150 اصلا
الطرق هنا مابقتش بتستحمل جري
والعربية صاجها خفيف أصلا يعني لقدر الله لو خبطه بالسلامة
العربية فوق الممتازة بالنسبة للسعر وبالنسبة كمان للمقارنة بفئتها

المشاركة الأصلية كتبت بواسطة ronil

اسمحلى اعقب عليك فى شئ واحد

وهو ثبات العربيه العربيه بتبدى تهتز بعد الميه وخمسين كيلو لكن قبل كده هى ماشاء الله كويسه قوى ما تعديش الميه وخمسين وهى تبقى تمام وبالنسبه للبنزين بجد هى اقتصاديه جدا مع انها 1500سى سى انا سافرت بيها كتير قوووووووووووى وبصراحه هى عربيه حمالة اسيه وشكلها شيك قوى وواسعه جدا ومريحه فى قعدتها انا معايا افيو 2007 وماشاء الله ما قالتش يا عين

الكلام ده مظبوط وعن تجربة وكمان مش اهتزاز قوي لاني لما كانت معايا العربية زيررة انا قفلت بيها 200ك علي طريق الغردقة

حضراتكو بتتكلمو على تويوتا افانسس ولى مرسيدس c180
بس اكيد مش افيو

السلام عليكم
العربيه عملت معايا 420k من غير تكييف و كنت مفولها علي الأخر انا عربيتي افيو موديل 2009 كوري