كيا سول/ريو تانى

**Tmhami** · 29-08-2012 12:05 PM

كنت بفكر أنى أجيب كيا سول بجد جميله جدا بس لما شوفت الريو عجبتنى برضوا و قولت أوفر فرق الفلوس و كمان سعر أعاده البيه أحسن فى الريو
كمان كنت كلمت المهندس عمرو (ِAMRTOTI) بصراحه طمنى أوى و بجد أنا بشكره جدا على المعلومات لى قالهالى
و توكلت على الله و حجزت ريو 2013 وكيل والمفرووض أنى أستلمها بعد أسبوعين
و بعد قرأت المشاكل الى حصلت مع الأخوه اللأعضاء هنا مع الريو بصراحه خفت خصوصا لما قرأت المشاكل ألى حصلت ل romagti
بدأت أفكر تانى أنى أجيب كيا سول , عارف أن هما فئات مختلفه و كمان فى فرق فى السعر بس المهم عندى أنى أجيب عربيه تريحنى

أكتر حاجتين خايف منهم بالنسبه ل السول هما سعر أعاده البيع و مصاريف الصيانه و قطع الغيار
فياريت لو حد عنده معلومات عن الحاجات ديه يقولى عليها
كمان لو فيه تقييم مختصر عن السول من تجارب الأعضاء هنا
أو ترشحولى عربيه تانيه أجيبها أو أجيب الريو و خلاص

**romagti** · 29-08-2012 12:57 PM

السلام عليكم يا استاذ Tmhami

بص بصراحة انا مش عايز ك تشتريها يا اما تطلب تجرب العربية الاول وا اهمهم صوت العفشة لانى جربت هناك واحدة زيرو وبردة فى صوت تخبيط فى العفشة دة غير انها ناشفة جدا

والله انا كانت معايا ميراج كوبية بجنوط 17 و عفشة كونى كانت ناشفة لكن الريو زيها بالزبط ناشفة دة حتى وانا ماشى على 90 على الدائرى فى بعض المنخفضات والمطالع المفاجئة كل اللى بيبقى قاعد جوة العربية بيتعب من عدم الجلوس بالراحة زى اى عربية عادية

وللك الاختيار و استخير ربنا اولا واخيرا .

**AMRTOTI** · 29-08-2012 02:55 PM

لا شكر على واجب يا استاذ
tmhami
انا تحت امرك فى اى حاجة وفى اى وقت
وزى ما بيقولك الاستاذ romagti
حاول تجرب العربية وتشوفها كويس اعتقد ده هيفرق معاك اوى ولو ارتحتلها اشتريها اصل اى حاجة ممكن تحصل فى اى عربية ده نصيب والمهم انك تاخد بالاسباب
على فكرة انا كنت فى نفس الحيرة بتاعك بين السول والريو بس خلى بالك السول الشكل الجديد بتاعها نازل السنة الى جاية
لو لسة بتفكر فى الريو هات الخليجى مش المصرى
وانت معاك رقم تليفونى كلمنى ونتقابل وتجرب عربيتى انا معنديش مشكلة ولو عجبتك هى او غيرها اتوكل على الله لانك ممكن تقعد سنين فى الحيرة دى
وربنا يوفقك للى فيه الخير والصلاح ليك انشاء الله

**ibizaman** · 29-08-2012 03:09 PM

كنت فى نفس الحيره بالظبط وجبت اكسنت rb هاتشباك هاى لاين وكيل

متاابع

**Tmhami** · 29-08-2012 04:14 PM

ألف شكر لأهتمامكم

romagti
غالبا مش حيرضوا أعمل تيست دريف قريب و أنا المفروض حأستلم كمان أسبوعين و شكلى كده حاخد فلوسى و كنسل الحجز

AMRTOTI
تقريبا كده الريو عامله زى البطيخه وأنتا و حظك, ربنا يباركلك فى عربيتك و يحفظهالك
المشكله كمان أن فى واحد أعرفه موزع معتمد لكيا بيقولى بلاش الريو خالص

ibizaman
طب أيه رأيك فى الRP حاسس فعان أن العربيه نشفه من وراه؟

بجد أنا زهقت و بقيت بفكر فالأختيارات ديه لو حكنسل حجز الريو
lancer shark 125 LE
Nissan Sunny 100 + 5 LE over price
Accent RP

**2CODE** · 30-08-2012 12:39 AM

انا عندي الريو تمام وهالكها لعلمك مفيش مشوار صغير الا وبروح بيها وممتازه بصراحة معايا من شهرين كده تقريباً

وتوكل على الله في اختيارك للعربية وخدها عن اقتناع واهم شئ وسائل الامان انا اخترت الريو هاي لاين علشان فيها 2 ايرباج - abs - ebd ولله الحمد العربية بدون ادنى مشكلة

**ibizaman** · 30-08-2012 11:28 PM

بص يا فندم انا عازرك جداا لحيرتك بس ال rb الى معايه مش ناشفه والله ابدااا وصالونها فى زوقى اجمل من الريو الريو ضهره حلو لكن وشها لا حاااالص ولو قولنا الشارع هو الى يحكم شوف كام ريو لكام ار بى العربيه الحمدلله والله بكل صدق سحب ونعومه وتكييف وفرامل ممتااازين والشكل ازواق بس يكفى ان مفيش حد الحمد لله بيشتكى منها فى حاجه غير بعض الاعضاء فى موضوع الوطو لو محمل حد ومتهيقلى نص العربيات فى مصر نفس الموقف غير بقى الكروس اوفر والفور باى فور وربنا يوفقك

**soltanfriend** · 31-08-2012 06:00 AM

وهي السول خارج المقارنة ليه دلوقتي
انا شايف بصراحه انها فئة اعلي اصلا وما ينفعش تفضل عليها ريو رلا ار بي
انت ممكن تقارنها بالالنترا ماشي انما بأقل ما ينفعش خالص
وعلي فكره وعن تجربه السول ركوبتها متميزة عن اي عربيه سيدان في نفس الفئة السعرية

**S O P H O S** · 31-08-2012 07:31 AM

المشاركة الأصلية كتبت بواسطة soltanfriend

وهي السول خارج المقارنة ليه دلوقتي
انا شايف بصراحه انها فئة اعلي اصلا وما ينفعش تفضل عليها ريو رلا ار بي
انت ممكن تقارنها بالالنترا ماشي انما بأقل ما ينفعش خالص
وعلي فكره وعن تجربه السول ركوبتها متميزة عن اي عربيه سيدان في نفس الفئة السعرية

+111111111111