عايز اقفل البوابه بتاعت المكيف

عايز اقفل البوابه بتاعت المكيف الي بتجيب الهواء من بره ديه لان المكيف في الحر دة مش بيبئا مسقع اوي قلاب الهواء عندي فاصل طبعا وكل ماروح لكهربائي ليقولي مش عارف بيقولي مش فاضي بقالي علي الحال دة 6 اشهر مثلا
وماكانها فين انا لو عرفت مكاناه ينفع يتقفل يدوي بالايد
كدة وخلاص؟؟ لاني سمعت ان في ماتور كهرباء هو الي بيتحكم في الفتح والقفل
او اعرف بيتوصل ازاي واوصله انا معظم حاجات مهندس فادي hellboy عملتها كلها ونجحت كلها معاي الحمد لله من غير اي اضرار


انا عايز المكيف يجيب الهواء من جواء العربيه مش من بره لان بره في صهد جامد اوبل معروفه بالصهد دة اكيد
ارجو الافادة وشكرا

متابع ...ولأن المشكله دى فى موديلات تانى كتيييييير منها سبيرنزا بانواعها .....

-شكرا لزوقك..
-البوابه بتاعه الريسيكل بتشتغل كهربا
-لو عطلانه عندك هتفتح الكبوت هتلاقي في صدر العربيه جوان كاوتش ماشي بالعرض بيشير اليه السهم الكبير اللي في الصوره
http://www.nileup.com/uploads/13462446621.jpg
شده من اي طرف هيطلع معاك ماتخافش
وضح قدامك دلوقتي زي باب كده في الفيبر له مقبضين بيشير لاحدهم السهم الصغير رارفعه هتلاقي فلتر التكييف ,تمام..
-طلع الفلتر لبره هتلاقي تحته البلاور اللي بيدخل الهوا للكابينه ,فوقه هتلاقي البوابه لو عطلانه شدها لفوق علشان تقفل الهوا من بره ...ربنا يوفقك ,تحياتي

تمام ان بعرف افك الجزء دة كويس واقدر افك الفتلر كمان
بع دكدة بلاقي المروحه بتاعت المكيف اعمل ايه بعد كدة لاني للاسف تهت منك هطلعها ازاي هي مش الفرود ليها مسامير ؟؟ ولا بتطلع ازاي .
معلش هتعبك معاي انا اسف جدا

اة تمام يافادي باشا لقيتها وكله زي مانت قولت بالظبط بس كل اما اجي اعرف الباب يقوم نازل مني مش عارف اشده لبره خالص ايدي بتلطش في الجزء الي فيه المروحه كل ماجي ارفع البوابه

لا مش هتطلع المروحه
البوابه تحت المروحه
شدها بايدك او بمفك لفوق وازنقها

تمام قفلتها وكله تمام بس في سؤال
انا كدة قفلت الهواء من بره هي كدة بتجيب من جوا ؟؟ طاب متجيب من اين من جوا بالظبط ايه الاماكن
انابئا اما كنت بقفل البوابه لقيت حاجه غريبه اوي لقيت اعتقد انها cutout متوصله بيها فيشه كهرباء وفي خرطوم هواء جاي من المانفولد وهي مفصوله ومرميه علي الجنب ايه ديه بئا

بص لو قفلتها بايدك مش هتنزل تانى
دى عبارة عن كهرباء و هوا
بص فى خرطوم طلع منها ركب فة السيرفو دة هتلقية مخلوع ركبة هتشتغل من جوة العربية بالزرار

هو واصل بس الفيشه راكبها وكله الخراطيم متوصله بس السلوك مقطوعه مش عارف هي واخده من اين بتغذي القيشه من اين يعني ؟؟

بص انا عندى الحوار ده
انت فك درج التابله اللى جوه ع اليمين وهتفك جنب الكونسول اللى تحتها بمسمارين تقريبا
هتلاقى العلبه اللى فيها التلاجه بتاعت التكيف ابقى اكد عليها بالمره لا تكون بتنفس وفوقيها هتلاقى البوابه مرتبطه برداغ هوا شد الدراع بايدك هتلاقى البوابتين قفلوا واربطه بسلكه وقفل كل حاجه تانى زى ما كانت

الخرطوم المفكوك ده من المانفول واللى واصل من السيرفو هم المسؤلين عن قفل البوابه لأن البوابه عندك بتقفل بضغط الهوا عشان لمى تبطل العربيه تفتح ومتعملش بكتريا داخل دورة التكيف حاول تروح عند حد بتاع اوبل يوصلك الخراطيم صح انا ضد موضوع قفل البوابه يدوى وانت لمى بتقفلةمن بره وده رداً على سؤالك العربيه مبتجبش هوا من حتى بتعود تقلب الهوا اللى داخل العربيه وده خطر فى السفر الاوكسجين هيقل وهتلاقى نفسك بتنام وانت سايق والله المستعان

كلامك صح 100 % انا دلوقتي قفلتها يدوي عشان اشوف المكيف هيفرق معايا في الحر دة ولا لا هو كدة كدة الميكف عندي كله جديد يعتبر
لو فرق معاي هصلح قلاب الهواء ويبئا شغل نظيف بئا
موصوع تقليل الاكسجين دة اكيد صح بس انا مش بسافر بالعربيه خالص كل 6 شهور مرة مثلا معظم المشي حوا البلد في الزجمه وكدة طبعا موضوع مهم جدا والع شكرا ياحمد باشا

اقتباس:

---

المشاركة الأصلية كتبت بواسطة dr-gom3a

كلامك صح 100 % انا دلوقتي قفلتها يدوي عشان اشوف المكيف هيفرق معايا في الحر دة ولا لا هو كدة كدة الميكف عندي كله جديد يعتبر
لو فرق معاي هصلح قلاب الهواء ويبئا شغل نظيف بئا
موصوع تقليل الاكسجين دة اكيد صح بس انا مش بسافر بالعربيه خالص كل 6 شهور مرة مثلا معظم المشي حوا البلد في الزجمه وكدة طبعا موضوع مهم جدا والع شكرا ياحمد باشا

---

الشكر لله ومش سفر بس مجرد لو قفلت الزجاج اكتر من ٣٠ دقيقه ده كافى وغير صحى وطبعاً ده حد ادنى للوقوف فى اى اشاره .:brn:... يعنى العربيات الجديده وكتير من القديم الفيكترا سى وحتى الفيكترا الcdx فيها نظام اسمو Auto وده بيفتح لوحدو البوابه ويدخل هوا من بره كل ١٥ دقيقه وان شاء الله خير

ان شاء الله
بس المكيف هيفرق معاي في الحر دة امايجيب هواء من جوا بس

اقتباس:

---

المشاركة الأصلية كتبت بواسطة gomgom3

ان شاء الله
بس المكيف هيفرق معاي في الحر دة امايجيب هواء من جوا بس

---

طبعاً هيفرق بس انت بتفتحها دقيقه وتقفل تانى وفى السفر لو بليل او فى البلد بليل لو فتحت البوابه مش هتحس بمشكله لأن درجة الحراره بتبقى منخفضه