العبوة الكبيرة الـ 400 مللى كنت شاريها بـ 22 جنيه من كام شهر
عرض للطباعة
العبوة الكبيرة الـ 400 مللى كنت شاريها بـ 22 جنيه من كام شهر
تمام كده السعر ده من كام شهر ؟؟؟؟؟؟؟؟؟؟؟؟؟؟؟؟؟؟؟؟؟؟؟؟
بالنسبة لي استخدامات لا تحصي
في السيارة بارش على فوطة موبره (زي بتاع الوش او الحمام مش قماش) واسيبه شاعة وبالمع بيه العربية بيخليها مراية (الكلام ده من كام سنة والبوية زي ما هي)
يوم شتا... بارشه عالازاز والكبوت والمعه (واهو منه تزفير للفوطه) مش بيخللي الميه تقف عالازاز اطلاقا
يوم شتا... بارشه عالاعتاب والفجاوي والدلايات والجنوط ومامسحوش... مش بيخللي الطين يلزق واذا حصل بيتمسح بسهوله شديدة
المفصلات والمفاتيح والفيش كما وضح الزملاء
تزييت المراوح والمواتير الكهربائية زي اللي فالعربية او البيت
بارشه على مسمار العجله اول ما افكه واسيبه وبعدين اما اجي اركب انشف كويس جدا بمنديل.... بيمنع المسامير انها تقفش
بارش رشه بسيطة جدا على قلاووظ البوجيه قبل التركيب بيمنع انها تقفش
بارشه على كاوتشات الباب او الكبوت وانشفه كويس بعدها.... بيمنع تماما انها تلتصق
اي مسمار في اي مكان قبل اما اركبه باديله رشه وعمره ما بيصدي
جلب العفشه والمساعد بيمنع الصوصوة تماما
مفصلات الكربيراتير كلها سواء بوابة او سيلينويد
سلك الدبرياج ومفصلات الدواسة
على خلاطات المياة في البيت بعد تنضيفها وتجفيفها تماما وده بيمنع انها تتجير من الاملاح اللي فالميه وكذلك عند تركيب قلب الخلاطات على الاجزاء المتحركة... ده بيطيل عمره بشكل لا يصدق ويمنع التآكل
لسان كالون الباب سواء البيت او العربية بيخللي الباب يتزق بصباع حتى لو بوابة عمارة
مش فاضل الا اني استعمله كمزيل عرق
ههههههههههه بس هو لا يصلح للاستخدامات الكهربائية
هايل ....... وهو فعلا ساحر . باقى الإستخدامات فى انتظار الردود .
موضوع رائع و معلومات مفيدة
تحياتى للجميع
اخبار باقى المشاركات ايه .