الموضوع: ما هو افضل منظف رشاشات؟

المشاركة الأصلية كتبت بواسطة mailo

أنا بفضل استعمل الطريقة اللي مكتوبة على العلبة بالضبط عشان كل منازف وليه طريقة استخدام
موضوع الحرق كده كده عادي بس أنا شايف إني لما أسيب التنك يفضى خالص هاطلع كل الوساخة اللي فيه على الرشاشات وكده كده المنظف مش مفتري قوي لما يتفضي على التنك كله فـتقدر تفول في نص التنك عادي ونسبته مش هتبقى مضرة وإلا كانوا قالوا تحذيرات واضحة وصريحة على العبوة

موضوع بقى إني ارج العربية كده كده الكثافة بتاعت المنظف والبنزين مفيهاش فرق تقريبا وحتى لو فيه مع أول شارع بمطباته هتكون العربية كلها اتشخلعت والتنك اتغربل

طيب يا ريت لو حضرتك تشتري منظف stp مثلا و اقرأ الموجود ع العلبة او اي منظف هيكون مكتوب الكمية بالجالون تقريبا 40 جالون حولهم باللتر و حضرتك تشوف كام لتر و بالتالي هتلاقي ان تلت ارباع التنك قليل كمان ع العبوة
بخصوص الضرر قبل ما هقولك تجربة زميل
فكر فيها شوية اذا كانت المادة عندها القدرة ع تفتيت البلاوي اللي ع الرشاشات
فما بالك لو استخدمته بكثرة و تأثيره ع الخراطيم مش مواسير ؟؟
بخصوص التجربة زميلي قولتله متستخدمش المنظف كتيير مسمعش كلامي و قالي همشي ع الكلام المكتوب و هو انه يعملوا كل 2000 ميل يعني حوالي 3000-4000 ك و بعد كام شهر لقيت اللي بيقولي انا غيرت الخراطيم و السبب طبعا معروف

مش دايما الواحد بيمشي ع المكتوب بالحرف فيه حاجة اسمها تجربة و التجربة خير دليل
ع سبيل المثال في كتالوج العربية سير الكاتينة مكتوب يتغير ع 100 الف مع العلم انه مش جنزير
مقتنعتش بالكلام ده و جيت حاجة و ستين الف و غيرت السير كان خلاص اوشك انه يتقطع فعلا
بلية الكاتينة بتتغير مع كل تغييرة سير كاتينة لما تكون خشنة لكن الكلام ده مش موجود في الكتالوج
و عشان متقولش ديه عربيتك او حالتك انت كل اللي معايا نفس الموضوع في سير الكاتينة
يعني لو كنت مشيت ورا الكتالوج كان زمان الموتور لا قدر الله جايب كاتينة و هي لسه جديدة

بخصوص الرج كل واحد و طريقته ده اللي بعمله قبل ما اطلع مهياش النقطة اللي تستلزم انك تعترض عليها و صاحب الموضوع له الحرية :)

و لو حضرتك مش مقتنع باي كلام من اللي قولته ممكن تشوف اي مهندسيين صيانة و تسألهم بس ساعتها بقي هيكون عليك واحد منظف انجيشكن تعويض ههههههههههه

المشاركة الأصلية كتبت بواسطة mailo

ياباشا عشان كده أنا بأقول يفول للآخر مش 3/4 بس كده نسبة التركيز هتقل
وقبلها قلت يمشي على الكلام اللي مكتوب على العلبة يعني يمشي بالتعليمات



أنا مش عايزه يستخدمه بكثرة خالص أنا بقوله ماتحطهاش على بنزين قليل بس كده
وكمان قلت فول عادي في نص التنك وكده المادة تركيزها هيخف شوية كمان



النسبة لموضوع الكتينه متهيأليكان 50000 يعني أقَل من 90000 kilo
بس أنا شفت كذا لانوس السير بتاعها قطع في السبعينات وده الأصلي فما بالك باللي بنشتريه من هنا وأكيد فيه فرق جودة وفرق الكتالوج ده عشان احنا بنقف بالعربية أكتر مابنمشي تخيل أنا كنت بمشي 16 kilo في 3 ساعات وأحيانا أكتر
وأنا شلْت السير على 50 وكان ممكن يقعد كمان
فهوا الموضوع طبيعة استهلاك
زي صاحبك اللي بيحطه كل 4000 ده كتير قوي قوي قوي



أنا معترضتش ولا حاجة أنا بس صعبان عليَّ تتعب نفسك والمطب اللي قبل البنزينة هيقوم بالواجب :d



بص هو الموضوع مش قصة اعتراض وخلاص وبعدين احن بنتكلم في حاجة صعب اثباتها معانا اللا من خلال تجارب مش خاضعة لنفس الظروف ومش مؤكدة
أنا بس كنت بوضح وجهة نظري فالموضوع ده عشان فيه ناس بتقول حُط بنزين قليل واحرقوا بسرعة وأنا شايف إنه يتحط فالمستوى العادي ولا أكنه موجود بس كده



إنت تؤمر بس من أي نوع اللي بيتحط على نص التنك ولا اللي بيتحط مع التفويلة كلها ؟

:d

وصلت يا باشا وجهة النظر
لأ ع التانك و هو فاضي ههههههه خلاص يا باشا احنا نشوف حد يجيبلنا احنا الاتنين المنظف بس مش مسئول لو اتضربنا انا اول واحد هجري هههههه