السلام عليكم - عاوز مساعدة في حجز نيسان صني 2013

**Engine2013** · 29-08-2012 05:20 PM

السلام عليكم
اسمحوا لي أولا ان اشكركم على هذا المجهود و بالأمانة انا اهتميت بالسيارات بسببكوا
و لكن لي استفسار بخصوص السيارة نيسان 2013 انا دوخت على حجزها و مش لاقي ، السبع في المنصورة واقف الحجز و كل ما اتصل بوكيل يماطل معايا
ممكن حد يفيدني في الموضوع دا
لأني فعلا قربت أكره السيارة و أشوف غيرها رغم اعجابي بشكلها و مواصفاتها جدا
و شكرا

**zambarota** · 29-08-2012 05:32 PM

السلام عليكم

الحجز والاستلام ده نصيب ...ممكن تحجز وتستنى فتره كبيره وممكن تحجز وتستلم بعد فتره قصيره

يعنى حتى الناس الى كانت حاجزه مع السبع او اتوايجبت مكنش فيه ميعاد محدد للاستلام

ممكن تنزل القاهره وتشوف السبع او اتوايجيبت

وربنا يسهلك الحال

**saint2011** · 29-08-2012 05:33 PM

فعلا السيارة موقوف الحجوزات عليها لدى الموزعين المعتمدين بناءا على تعليمات نيسان مصر لحين تسليم الحجوزات القديمة مش هتلاقيها غير فى المعارض الأخرى ذى سمير ريان او القرش او الأحمدى بس باوفر بريس 3000 الى 5000 جنيه لو حضرتك مستعجل مش مستعجل ممكن تتصل بأتو إيجيبت 16666 وتعرف الحجز هيفتح أمتى بالضبط و تاريخ الأستلام المتوقع وتقبل تحياتى

**Engine2013** · 29-08-2012 05:41 PM

ألف شكر على الإهتمام
بس انا كنت خايف تكون اشتغالة من الوكيل " السبع في المنصورة يعني "
بصراحة مش متاح أي أوفر برايس معايا " جايبة آخرها "
و المشكلة اني بعت ال 28 الي كانت معايا و انتوا عارفين مرارة المواصلات
بس ياترى بخبرتكوا المواضيع دي بتطول و لا في القريب ممكن تتوفر زي بقيت السيارات
و هل ياترى ممكن حد من المنتدى يكون له علاقة بالمصنع يوصل صوتنا دا و شكوانا لأني كلمة خدمة العملا و لم يفيدوني بشيء
شكرا

**saint2011** · 29-08-2012 05:48 PM

المشاركة الأصلية كتبت بواسطة Engine2013

ألف شكر على الإهتمام
بس انا كنت خايف تكون اشتغالة من الوكيل " السبع في المنصورة يعني "
بصراحة مش متاح أي أوفر برايس معايا " جايبة آخرها "
و المشكلة اني بعت ال 28 الي كانت معايا و انتوا عارفين مرارة المواصلات
بس ياترى بخبرتكوا المواضيع دي بتطول و لا في القريب ممكن تتوفر زي بقيت السيارات
و هل ياترى ممكن حد من المنتدى يكون له علاقة بالمصنع يوصل صوتنا دا و شكوانا لأني كلمة خدمة العملا و لم يفيدوني بشيء
شكرا

شوف حضرتك انت ونصيبك لو حضرتك فعلا عاجباك العربية يبقى لازم تنتظر شويه لأن مفيش أسرار لو تابعت الموضوعات على المنتدى ولو فى جديد هتعرف على طول أحجز وتوكل على الله ولا تضيع الوقت وتقبل تحياتى