مشكلة فى عداد السرعة للاسكورت
طبعا انا صدعتكم قبل كده كتير بالعربية الاسكورت اللى انا لسة جايبها اسف سامحونى
ربنا كرمنى الحمد لله و رحت عند حمدى فورد اللى فى مدينة نصر و بصراحة فاهم قوى فى العربية
هى 1600 zetec و لسة ماشى من عنده امبارح بصراحة حسيت بفرق فى كل حاجة الثبات و التسارع و لسة هاجرب استهلاك البنزين (كانت بتعمل 165 فى الصفيحة و لسة هاشوف الاستهلاك دلوقتى اخباره ايه بس عموما انا ارتحت معاه جدا و شكرا لكل اللى ساعدنى فى المنتدى
بس عندى مشكلة سخونة و قالى نضف الرادياتير الاول عشان ما نغيرش حاجة و يطلع العيب فى حتة تانية
عندى بقى مشكلة تانية فى عداد السرعة ما بيرميش السرعة صح من ساعة ما جبتها يعنى العداد كان بيرمى عندى 80 او 90 بالكتير و حاسس انى طاير و العربيات كلها بتعدى ورايا فحسيت ان فيه حاجة مش مظبوطة كلمت واحد صاحبى و طلعنا ع الدائرى بالليل (اسبيرانزا 516 2009) و شغلنا التليفون و قلت له قيس معايا السرعة قعد يقولى 40 كم و هى عندى معدية ال 20 بشرطة ؟؟؟؟؟
60 و رامية عندى 35 ؟؟؟؟؟؟
لحد ما وصلت عندى ع العداد 120 و لقيته بيبعد بيبعد بيبعد هديت و سالته انت وقفت ليه قاللى ما احبش اعدى ال 140 ؟؟؟؟؟؟؟؟؟؟عشان ما حدش ضامن حاجة دول 4 فرد هوا
طبعا كلامه صح بس مش هى دى المشكلة
المشكلة انه 140كم و انا المسافة بتزيد يعنى مش اقل من 150 او 160 و برضه العداد قارى 120؟؟؟؟؟؟؟ اروح لمين و اسال مين ؟ ده كهرباء و لا عدادات ؟؟ برضه الواحد لازم يبقى عارف هو ماشى على كام
مش كده و لا ايه ؟؟؟؟
