الموضوع: مشورتكم فى عربية اسكورت قدامى للشراء

ايه يا رجالة .... ده اول خدمة اقصدكم فيها !!؟؟؟

بالمناسبة ... ان شاء الله السعر هيبقى 25 الف .... كده كويس ولا ايه

ياريت حد يفيدنى ويرد عليا قريب

المشاركة الأصلية كتبت بواسطة Mahmoud Nagieb

السلام عليكم يا رجالة الفورد

انا بصراحة لاجئلكم علشان اخد رأيكم ومشورتكم فى العربية الاسكورت عموما ... وفى واحدة معروضة قدامى للبيع ان شاء الله

مبدئيا بس ياريت حضراتكم تقولولى عيوب العربية الاسكورت ال 1300 ... موديل 1995 (غالبا)
وياريت تقولولى هل فعلا هتعب فى قطع غياراها وكده ... ولا ليها ميكانيكيتها هتعامل معاهم وخلاص

ثانيا العربية اللى معروضة قدامى .... هيا عربية صاحب والدى .... وانا بصراحة هشتريها علشان هيا بتاعته مش علشان هيا فورد اسكورت

العربية ما شاء الله فابريكا بره وجوه ولا خبطة ولا رشة ولا اى حاجة .... هيا 1300 سى سى ... صيانة توكيل من الزيرو ...مبيعديش بيها سرعة 90 كيلو ... عاملة 130 الف ...

هيا بصراحة العربية جميلة ... وانا عنيا عليها من سنتين ... لحد لما هو اتصل بيا وقاللى انه هيبيعها فقولتله ان شاء الله واخدها

ياريت تفيدونى يا جماعة فى خلاصة العربية ده .... علشان من صغرى راكب كورى و اول مرة اغير

منتظر اجابتكم ... وشكرا

السلام عليكم ورحمة الله وبركاته
اعتذر عن تأخير الرد برغم اني قرأت موضوعك من امبارح.
شوف ياسيدي الفورد الأسكورت ال 1300 عربية حلوة وجميلة كثبات ووزن على الطريق وانا معايا اسكورت 1300 برضه وماشاء الله حالتها ممتازة انما يعيبها:
1- العربية وزنها تقيل جدا على موتور 1300 cc وبالتالي القدرة الحصانية ليها 59 حصان بس يعني لو انت غاوي شد وجري العربية دي مش هتبسطك
2- ممكن سحبها يكون تقيل شوية في بداية التسارع لكنه مقبول لكن لو شغلت التكييف سحبها مش هيعجبك.
3- بالنسبة لقطع غيارها فهي موجودة ومرطرطة فيه منها الأصلي والألماني والأسباني والتركي والأستيراد ومش هتلاقي مشكلة في قطع الغيار.
4-يفضل جدا انك تتعامل مع ميكانيكي متخصص فورد ودول هنبقى نديلك اسمائهم وعناوينهم وتليفوناتهم لما تشتريها ان شاء الله.
5- برضه يعيبها انها واطية على الأرض لكن لو انت متعود على كده في الكوري يبقى هتعرف تتعامل معاها في المطبات.

شكرا يا باشا على الافادة ... بجد طمنتنى الى حد ما

انا موضوع السحب ده .... انا هسوقها ان شاء الله وهشوف ايه النظام بالنسبالى

ويارب يوفقنى للى فيه الخير

وشكرا مرة تانية

تنبيه صغير بس العربيات الاسكورت الي موجودة معانا موديلات من 97 فخلى بالك من موضوع 95 انت غالبا بتتكلم عن الموديل الي قبل الي مع الناس هنا و ديه مش منتشرة خالص