أخر تحديث لأسعار قطع غيار byd f3 بتاريخ 2012-08-25 (من التوكيل )

**elmanahry** · 13-09-2012 10:55 PM

المشاركة الأصلية كتبت بواسطة jackson_75

أستاذ منهارى أزى حضرتك , انا أتعرفت على شخصك الكريم فى منتدى أخر خاص بالسيارات بردوا لأداعى لذكر اسمه هنا وحضرتك بقالك مدة طويلة مش ظاهر هناك بأى مشاركات , فأنا سعيد والله أن حضرتك مشارك بنفس الأسم عشان نتعرف عليك بسهولة .. أنا كان ليا طلب عند حضرتك وخصوصا أنى بثق فى أرائك الممزوجة بخبرة وحنكة الزمان وأنا كنت عاوزنصيحتك بخصوص شراء سيارة تساعدنى فى أسفارى وأنتقالاتى مابين القاهرة وجنوب سيناء وكنت محتار مابين
هوندا سيتى مانيوال 2008 مستعمل 1300 سي سي
وما بين رينو لوجان زيرووو
ومابين ال byd f3 2012زيرووو
وعلى فكرة أنا دائماً يتنقل ومعايا أولادى فيهمنى جداً عامل الأمان وإذا كان لدى سيادتك أختيار أفضل من ذلك فأكون شاكر جداً لحضرتك ..وأحب أن أشكر فى النهاية الاستاذ صاحب الموضوع على تعبه وحرصه على أفادة الناس وجزاه الله كل الخير .

اخى الحبيب اشكرك على ثقتك فى وثانيا اعنذر عن تاخرى فى الرد لظروفى الصحية
اخى عادة لا احب ان اكون صاحب الاختيار لاحد ولكن من خلال طرح سيادتك انك تعيش بعيدا عن القاهرة وعندك اسرة ولذلك اختيار ال byd f3 يكون الاصوب لان سيادتك سوف تجد لها قطع غيار لها فى اى مكان فى الجمهورية الموتور ميتسوبيشى لانسر بومة والعفشة كورولا وربنا يوفقك فى الاختيار وشكرا جزيلا

**kokyjoon** · 05-10-2012 12:19 PM

سلام عليكم
دى حاجة جميلة جدا يا أستاذ باسم إن قطع غيار العربية تبقى متوفرة
يارت حضرتك تقولى فين شارع مجلس الأمة بالظبط لأنى وإنت عاف لست من القاهرة

**bassem.naguib** · 05-10-2012 12:50 PM

المشاركة الأصلية كتبت بواسطة kokyjoon

سلام عليكم
دى حاجة جميلة جدا يا أستاذ باسم إن قطع غيار العربية تبقى متوفرة
يارت حضرتك تقولى فين شارع مجلس الأمة بالظبط لأنى وإنت عاف لست من القاهرة

محمد باشا سمير .. أمير أعالي البحار .. منور يا غالي .. ومتعرفش أنا مبسوط أد أيه بعودة مشاركتك في القسم مرة تانية لتثريه بخبراتك في العربية .. يا ريت متغيبش علينا كتير وأتمنى تواجدك بصفة مستمرة .

بالنسبة لشارع مجلس الأمة فهو الشارع اللي أوله ميدان لاظوغلي ونهايته شارع بورسعيد وفيه العديد من المحلات التي تبيع قطع الغيار لجميع الماركات وأخيراً ابتدوا يشتغلوا في قطع غيار البي واي دي وأكسسواراتها .

وعلى فكرة قطع الغيار والكماليات مش موجودة في المكان ده فقط .. إنما كمان موجودة في الشارع اللي عند قصر عابدين .. وكذلك شارع دمشق .

انتشار العربية بشكل كبير كتاكسي وأنتشارها كملاكي بشكل ملحوظ في الفترة الأخيرة شجع تجار قطع الغيار على الشغل فيها .

**bassem.naguib** · 06-10-2012 08:40 PM

أديني بس فرصة أسألك على اللي حضرتك عاوزة نظراً لظروف خاصة .. وإن شاء الله أجيبلك المفيد .

**bassem.naguib** · 08-10-2012 12:23 AM

المشاركة الأصلية كتبت بواسطة kokyjoon

ربنا يبارك فيك يا أستاز باسم وميرسى على زوقك
أنا روحت شارع دمشق وسألت عند كوين على الأكرة وفانوس الأسطوب بتاع الزجاج الخلفى ملقتش عنده حاجة على الرغم من انه كان بيقول لأى حد يتصل بيه أن عنده كل حاجة العربية

سألت لحضرتك النهارة على اللي كنت عاوزة .. بس للأسف نسيت خااااااااااالص موضوع فانوس الأستوب الخلفي ده تماماً .. فمعذرة على النسيان .

المهم للأسف برضه النهاردة الأحد فمفيش ناس كتيرة كانت فاتحة .. بس سألت في محلين وكان معايا م/ أيمن memos والأسعار بتاعة الأكرة النيكل لوحدها 55 جنية .. والأكرة النيكل ومعاها تجويف نيكل خلف المقبض 90 جنية .. وبالنسبة للـ wind shield الطقم اللي من غير نيكل عامل أسعار تتراوح ما بين 75 جنية (اللي من غير نيكل) و120 جنية للي بالنيكل .

وأعتقد أن الأسعار دي ممكن تلاقي أحسن منها كمان في محلات أخرى .. وكذلك أعتقد أن الأسعار بتتفاوت على حسب الجودة وإمكانية الفصال .. فمحبتش أطول عليهم وخصوصاً أني مجرد بسأل ومش حشتري .

**bassem.naguib** · 20-10-2012 01:14 AM

عند بتوع الأكسسوارات اللي في الشارع اللي جنب قصر عابدين (عمال أعصر دماغي في أسم الشارع بس تايه مني .. السن ليه حكمه برضه ههههههه) .. وممكن برضه تروح لبتوع الأكسسوارات اللي في شارع مجلس الأمة .

-

-

-

الموضوع: أخر تحديث لأسعار قطع غيار byd f3 بتاريخ 2012-08-25 (من التوكيل )

LinkBack

أدوات الموضوع

عرض

-

-

-

-

-

المواضيع المتشابهه

اماكن واسعار قطع غيار رينو لوجان (محدث بتاريخ 20/1/2013)

اسعار قطاع غيار سيات كوردوبا بتاريخ 1/9/2012

أخر تحديث لأسعار قطع غيار byd f3 بتاريخ 2011-05-21 (من التوكيل )

أسعار قطع غيار لانسر شارك بتاريخ 3 يناير 2012

تحديث لأسعار هيوند اي الانترا الخليجي 13-4-2009

الكلمات الدلالية لهذا الموضوع

المفضلات

المفضلات

ضوابط المشاركة