كنت بعمل صيانة 20000 كم في فرع اسكندرية و طلبت قائمة بأسعار قطع الغيار و في رأيي أسعار قطع الغيار من أهم أسباب نجاح العربية
http://www.nileup.com/uploads/13462576591.jpg
كنت بعمل صيانة 20000 كم في فرع اسكندرية و طلبت قائمة بأسعار قطع الغيار و في رأيي أسعار قطع الغيار من أهم أسباب نجاح العربية
http://www.nileup.com/uploads/13462576591.jpg
الاسعار دى اغلى من السنة اللى فاتت واظن برة التوكيل بقى ارخص من كدة
ده صحيح و ده من اسباب نجاح العربيةاقتباس:
المشاركة الأصلية كتبت بواسطة lonedoctor
بس برضه ارتفاع الاسعار مش جامد قوى .... اختلاف بسيط فى بعض القطع
شكرا محمد باشا جاد الكريم على مجهودك الكريم
عندى علامة استفهام كبيرة فى ذهنى ان شركة ال byd هم من احسن المنتجين لبطارايات السيارات والموبايلات لماذا لم اسمع ان شركة الامل لاتستورد بطارية السيارة ال byd ال70 امبير وبجوارها حتة فاترينة لبطاريات الموبايلات او تطرح شركة الامل بطارايات الموبايل كتوكيل لشركة byd فى مصر
بالمناسبة اول انتاج للسيارات الكهربائية من مصنع فرانكفورت تم طرحة والسيارة اسمها denzo شركة مرسيدس اعطتها شكل السيارة المرسيدس وشركة byd اعطتها شكل مميز لشركة byd رجوت الاستاذ باسم ان يكتب عنها استكمالا لعطر الذكر ابو ياسمين واحياءا لموضوعه ولكنه مشغول فى ال فيسبوك
اقتباس:
المشاركة الأصلية كتبت بواسطة elmanahry
المداخلة دي ليها شقين .. الشق الأول يتعلق ببطارية العربية .. حضرتك مش واخد بالك أن العربية بتتجمع في مصر .. وبالتالي لازم يكون المكون المحلي في السيارة بنسبة معينة وطبعاً بما أن مصر بتصنع بطاريات كلورايد .. فتستخدم في مكونات العربية ليكون إضافة لنسبة المكون المحلي للسيارة بجانب مكونات أخرى .. وتقريباً النسبة بتكون 70% (والله وأعلم) .. أما إذا كان حضرتك تقصد استيراد بطاريات ماركة byd (سواء للسيارة أو للموبايل) وبيعها في التوكيل .. فأعتقد (والله وأعلم برضه) دي تستلزم توكيل أخر بجانب توكيل السيارة وإجراءات وورقيات .. وقد يكون سعر البطارية مرتفع بالمقارنة بمثيلاتها الأخرى .. وفيه برضه بطارية ممتازة أثبتت وجودها بقوة في السوق المصري كما ذكر د. شريف مثل "أيه سي ديليكو" وهي بطارية تصنع في السعودية .. فأيه اللي حيخليني أغامر وأشتري بطارية مش منتشرة في السوق حتى لو كانت أرخص في السعر .
أما الشق الثاني فهو يحوي عتاب رقيق ومهذب من كبيرنا وكبير القسم بانشغالي بالفيس بوك .. هو في الحقيقة مش الفيس بس .. إنما كمان إنشغالي في قسم أحوال الشارع المصري (أهدى قسم في المنتدى ... الضرب والإصابات هناك أيه على عينك يا تاجر ههههههه) .. بالإضافة للأسباب الأخرى اللي حضرتك عارفها .. وده مخليني والله مفيش دماغ خاااااااااالص لترتيب موضوعات زي الأول .. سميها قريفة بقى أو قلة مزاج زي ما تسميها أو عدم تحفيز من إشراف القسم (مع كامل احترامي ليه) لأني وضعت فيديو في موضوع سابق خاص بالسيارة "أف ثري بلس" ولم يتم تحديث الموضوع حتى الآن بالرغم من أن المشاركة تدخل في صلب الموضوع .. فنفسي قفلت حتى كسلت أنزل الفيديو الصغير في موضوع مستقل .. لأن الموضوع ده بالذات (ومش عاوز اتدخل في سياسة المنتدى ووجهة نظرهم) من وجهة نظري كان يستحق التثبيت ولكنه لم يثبت بالرغم من تثبيته في مواقع أخرى .
وتحياتي ليكي يا كبير .. وأتمنى أشوف مشاركات ليك أكتر من كدة لأن مشاركاتك بتكون إضافة ومصدر سعادة على الأقل بالنسبة ليا :yeah:
كلامك كله عين الصواب ولو موقع نايل موتورز يعرف حجمك ومحتواك الثقافى والمعلوماتى ماكان اغلق موضوعك الذى يعتبرخبر جديد ومتجدد وانا تكلمت عن موقعك على الفيس بوك لالفت نظر الاخرين لزخم المعلومات والصور والطرافة التى تكتب بها ولا يهمك ياباسم ياحبيبى اللى مايعرفك يجهلك وعتاب على الموقع لعدم تثبيت موضوعك عن ال f plus بل وغلقه
شكرا يااستاذ باسم واقبل اعتذارى نيابة عن كل من يريد ان يقرا لك ويستمتع بمعلوماتك
بصراحة مش لاقي رد مناسب يليق بسعادتك :sweatdrop: غير أني شاكر جداً جداً لإطراءك الجميل يا كبير .. وأكيد لما تكون الشهادة من شخص أكثر قيمة وأعلى مقاماً يعتبر وسام غالي أضعه على صدري .
بالرجوع لموضوع أسعار قطع الغيار .. قابلت م/ أيمن النهاردة وكان قايلي ان زجاج الشباك اللي جنب السواق جاله سرطان .. وقالي أنه غيره في التوكيل بمبلغ 105ج بعد الضرائب والمصنعية .. مش عارف ده يعتبر سعر غالي ولا مناسب .
قطع غيار العربية لاقيتها منطورة في شارع مجلس الأمة بداية من الصاج (كبوت ، رفرف) ونهاية بالكماليات والأكسسوارات الأخرى .. وبقت تنافس الفيرنا واللانوس في انتشار قطع غيارها .. وده راجع لأعداد العربية الكتيرة كتاكسي وملاكي في القاهرة ساعد على الانتشار الكبير لقطع الغيار خارج التوكيل .
لو سمحت ماهى التكلفة الفعلية لصيانة ال 20000 لانى مقدم عليها غدا رجاء الرد للاهمية وشكرا
أستاذ منهارى أزى حضرتك , انا أتعرفت على شخصك الكريم فى منتدى أخر خاص بالسيارات بردوا لأداعى لذكر اسمه هنا وحضرتك بقالك مدة طويلة مش ظاهر هناك بأى مشاركات , فأنا سعيد والله أن حضرتك مشارك بنفس الأسم عشان نتعرف عليك بسهولة .. أنا كان ليا طلب عند حضرتك وخصوصا أنى بثق فى أرائك الممزوجة بخبرة وحنكة الزمان وأنا كنت عاوزنصيحتك بخصوص شراء سيارة تساعدنى فى أسفارى وأنتقالاتى مابين القاهرة وجنوب سيناء وكنت محتار مابين
هوندا سيتى مانيوال 2008 مستعمل 1300 سي سي
وما بين رينو لوجان زيرووو
ومابين ال byd f3 2012زيرووو
وعلى فكرة أنا دائماً يتنقل ومعايا أولادى فيهمنى جداً عامل الأمان وإذا كان لدى سيادتك أختيار أفضل من ذلك فأكون شاكر جداً لحضرتك ..وأحب أن أشكر فى النهاية الاستاذ صاحب الموضوع على تعبه وحرصه على أفادة الناس وجزاه الله كل الخير .