السلام عليكم يارجاله و كل سنه و انتو طيبين و يارب تكونوا كلكو بخير

انا معايه كرولا 2009 mmt من الزيرو و العربيه دلوقتي عامله 95 الف كيلو و عمري مامديت ايدي فيها لغاية دلوقتي ولا عملت فيها اي صيانه لغاية دلوقتي غير تغير الزيت و تيل الفرامل و تنظيف فلتر هوا و فلتر تكيف لاني الصراحه مبعترفش بصيانة التوكيل اولا بحس انوا كله نصب و ثانيا لاني قاعد في دمياط الجديده فالتوكيل بعيد عني جدا المهم العربيه الحمدلله زي الفل معايه و كانها لسه زيرو بالظبط بس في مشكله بسيطه كده ان ساعات لما بكون على الاول و على السلاتسيه العربيه بترعش رعشه خفيفه كده لمدة ثانيتين ثلاته و بتحصل لما بكون كاسر الدريكسيون على الاخر و طالع زي مطلع او كده فشكيت انوا ممكن تكون بوابة الهوا عيزه تنظف بس مردتيش اعملها عشان البوابه الكتروني فلو في حد نضفها ياريت يقولنا نضفها ازاي
او العربيه المفروض يتعملها صيانة ايه دلوقتي او يتغيرلها ايه

و تاني مشكله تيل الفرامل بيخلص بسرعه جدا يعني بجيب التيل الاصلي ب 900 جنيه يدوب مبيكملش 20 الف كيلو و بلاقيه صفر فلو حد جرب التيل الي ب 150 ياريت يقولي انطباعه عنه ايه و بياكل في الطنابير ولا لاء

و ثالت حاجه عندي لمبة العالي القدام شمال اتحرقت فعيز اغيرها مش عارف اجيبلها الاصليه و لا اشوف لمبات التونجسرام بس دي تقريبا عايزه كتاوت فعيز اعرف الكمبيوتر ممكن يقبلها ولا لاء لان اخويا كان معاه جيتا و كان بيغيرلها لمبات الشبوره و الكمبيوتر مكانش راضي يقراها
او لوحد يعرف الزينون الاصلي الفابريكه بتاع الكرولا ال 2010 بيتيباع ولا لاء وبكام
 و متاسف جدا لو كنت طولت عليكم بس الواحد دايما متعشم خير في رجالة تويوتا