أجمل جيرمن شيبرد للبيع

**icon** · 29-08-2012 11:13 PM

السلام عليكم ورحمة الله

للأسف كلبي (رامبو) للبيـــــــــــع بسبب اني هبيع بيتي و آخد شقة برا

انا مربيه من وهو عنده 45 يوم .. ودلوقتي هو عنده 7 شهور .. كلب ابن ناس ومتربي علي الغالي والله

لحوم وارز وخضار وهياكل ودراي فود ولبن وجهينة ميكس وأطباق استانلس غير قابلة للانقلاب .. ما علينا

المواصفات ..

ذكر .. جيرمن شيبرد .. 7 شهور .. لونج هير .. ألوان حمرا دم .. خشب عريض .. ودان واقفة كويس جدا .. كفوف عريضة جدا .. مخنصر أربع رجول .. ديل للأرض

التدريبات ..

هو متدرب طاعة لغة انجليش بس .. لكن لسة ما بدأتش معاه تدريبات الشراسة

التطعيمات والترخيص ..

هو متطعم ثماني في سن (50 يوم) وهو صغير ومتطعم سعار في سن (6شهور) وطبعا معاه البطاقة الصحية بتاعته فيها بياناته كلها .. وطبعا مترخص ومعاه الحديدة المدورة دي بتاعت الترخيص .. والحمد لله صحته بمب ولا يعاني من اي أمراض سواء في الجهاز الهضمي أو اي أمراض جلدية .. وبياكل كويس جدا وبيحب اللعب أوي

المرفقات ..

طبعا اللي هيشتريه هياخد معاه الحاجات بتاعته كمان .. زي مثلا الكتافة + طقم طوق وشداد جلد طبيعي (شيك اوي) + سلسلة معدنية + 3 أطباق استانلس للأكل والمياه والحليب + طقم النظافة بتاعه عبارة عن جوانتي للاستحمام + فرشاة جانبين لتصفيف الشعر بعد الاستحمام + شوية لعب بتاعت الكلاب ايام ما كان جرو

مش بقولكم ابن ناس ومتربي علي الغالي !

بالنسبة للسعر .. انا الحقيقة مش عارف .. ومش تاجر .. يعني مش عايز اكسب فيه .. وفي نفس الوقت مش عايز اخسر فيه .. فرجاء من أعضاء المنتدي المحترمين تسعير الكلب بناء علي الصور والمواصفات بما يرضي الله

مرفق صور للكلب

للتواصل 01004837997

خالص تحياتي للجميـــــــع

**icon** · 30-08-2012 06:38 PM

للرفع والتذكير

**kliken** · 31-08-2012 01:22 AM

بالتوفيق فى البيع هو يعمل تقريبا فى حدود ألف جنيه

**minicooper20** · 31-08-2012 10:05 PM

بص خليه معاك افضل
ربنا يباركلك فيه لانك هتسمع فيه اسعار تزعلك

**icon** · 31-08-2012 11:33 PM

المشاركة الأصلية كتبت بواسطة minicooper20

بص خليه معاك افضل
ربنا يباركلك فيه لانك هتسمع فيه اسعار تزعلك

هههههههههههه .. انت كدة جبت من الاخر .. شكلك حاسس بيا اوي .. انت راجل محترم والله

شكرا جزيلا

**Amr Axel** · 01-09-2012 12:33 AM

بالتوفيق في البيع

**pegpus** · 01-09-2012 05:23 AM

**pegpus** · 01-09-2012 05:24 AM

بالتوفيق في البيع

**icon** · 01-09-2012 07:15 PM

المشاركة الأصلية كتبت بواسطة pegpus

حضرتك ده مش بيور فين الكسحه والاقدام الخلفيه طويله ونحيل بعض الشيئ
[url=http://www.christian-dogma.com/vb/showthread.php?t=60254]

ومين قال انه بيور .. الكلب مش بيور .. ولو بيور كنت هطلب فيه سعر غالي

ولمعلوماتك .. الكسحة مش هي الدليل علي أنه بيور .. فيه كلاب بيور من غير كسحة work line

أما كلاب الكسحة فاسمها show line

انا مش فاهم الناس اللي بتدخل ترزع مشاركات ليس لها اي هدف سوي الخراب .. داخل تقول الكلب مش بيور مع اني مقولتش في المواصفات انه بيور خااااااااااااالص

وتتكلم علي الكسحة .. مع اني مذكرتش في المواصفات خاااااااااااااااااااالص انه بكسحة

انا مش عارف ايه الهدف من المشاركة دي !!!

-

الموضوع: أجمل جيرمن شيبرد للبيع

LinkBack

أدوات الموضوع

عرض

-

-

-

-

-

المواضيع المتشابهه

نتاية جيرمن شيبرد حايضة للبيع

محتاج كلب جيرمن شيبرد

كلب جيرمن شيبرد للبيع

مطلوب كلب جيرمن شيبرد

للبيع كلب انثه جيرمن شيبرد من كليه الشرطه

الكلمات الدلالية لهذا الموضوع

المفضلات

المفضلات

ضوابط المشاركة