عرض للطباعة
ازيكو يا رجاله.....انا ساكن فى امبابه و قريب من الدائرى و جنبى طلعه القوميه العربيه ....عاوز اروح طريق مصر اسكندريه الصحراوى من هناك و ماعرفش اعمل ايه لانى جديد فى السواقه و طلعت كام مره على الدائرى و روحت المرج و لكن ماعرفش اكتر من كدا.....فى ناس قالتلى تاخد شارع الهرم لاخره و هاتلاقى اول طريق مصر اسكندريه بس دا مشوار ابن لذينا.....و لكن فى ناس تانيه قالتلى ممكن على الدائرى.....و انا مش عارف و الله ايه الحل....فارجو الشرح و بالتفصيل الممل لو سمحتو.....و شكرا يا رجاله
هو انت رايح اسكندريه ولا عايز ايه من الصحراوى ...؟
بص انت تطلع الدائرى عكس اتجاه المرج و تمشى لحد المحور تنزل اول نزله يمين و تمشى حوالى 10 كيلو هتوصل لنزلة الصحراوى يمين ...
لو مكمل على اسكندريه يبقى طوالى ... لو رايح اول الصحراوى يبقى تلف اليوترن (هى بعيده شويه عن النزله و تعتبر قبل البوابات بحاجه بسيطه) و ترجع على اول الصحراوى
هتخرج من امبابه على الكورنيش وهتمشى اكنك رايح الوراق تنزل من كوبرى الساحل وتمشى اتجاه الوراق وتكمل زى مانته لحد ماتلاقى الدائرى فى وشك هتلاقى طلعه يمين مش هتطلعه لانها هتوديك اتجاه المؤسسه والمرج
هتمشى لحد اول لفه شمال اول ماتلف اكنك راجع على عندك تانى هتلاقى طلعه للدائرى هتطلعها وتمشى شويه هتلاقى يافطه مكتوب عليها المحور - تنزل فيها وزى مانتا لو عاوز بوابات اسكندريه
الوصفه بتاعة محمد سليم الافضل :)
يا إما لو مش عايز تطلع الدائرى هتروح من عند ميدان سفنكس وتكمل سور نادى الزمالك وتاخد طلعة المحور من هناك وتفضل مكمل علي طول 13 كيلو وهتلاقى الارشاد بيقولك طريق الاسكندريه الصحراوى يمين واكتوبر ومدينة زويل علي الشمال :)
و ربنا يستر طريقك