لكل من هو خبره فى العربيات افيدووووووووونى بسرعه

**osama_samo** · 30-08-2012 02:50 AM

يا جماعه انا عاوز اجيب عربيه ان شاء الله بس الفلوس اللى معايا مش كتير يعنى فى حدود 22000 كده ونفسى اجيب حاجه شبابى يعنى وتكون جرايه ثابته مش كل شويه تبوظ واروح للمكانيكى لان دى اول عربيه ليا ان شاء الله انا شوفت الفيستا 97 وعجبتنى جدا بس فى نااااااااااس كتير خوفتنى منها لو دى حلوه قولولى ولو فى حاجات احسن ترشحوهالى بالمواصفات اللى قولتكلو عليها يبقى بجد كتر خيركوا
مستنى ردكوا وتعاونكوا يا رجاله

**el.doc** · 30-08-2012 04:10 AM

ممكن سكودا فليشيا حلوه برضه وشبابى

**osama_samo** · 30-08-2012 12:38 PM

الف شكر يا باشا على رد حضرتك هى حلوه الاسكودا بس فى ناس بتقول ان فيها مشكله
سخونه كلام من ده ايه راى حضرتك فى الكلام ده ؟

**aboomar22** · 30-08-2012 01:06 PM

ممكن تشوف سيات ابيزا 90-93 مثلا

**s_sherif** · 30-08-2012 05:38 PM

انا ركبت الفورد عربية كويسة واعتمادية بس لو حالتها كانت كويسة علشان لو مش كويسة هاتتعبك جدا

**osama_samo** · 30-08-2012 05:56 PM

شكرا لردكم يا جماعه جداااا هى الابيزا حلوه ولا فيها عيوب ,
اها يا باشا انا عجبانى الفورد اوى بس الخوف من انها تطلع حالتها منيله ده مقلقنى اوى منها

**aboomar22** · 31-08-2012 01:07 AM

بص عموما اى عربية حلوة طالما حالتها حلوة ومقرفة لو حالتها تعبانة يعنى اسكودا نظيفة احسن من ابيزا تعبانة والعكس يعنى اختار مثلا 3 موديلات وركز على الحالة مع العلم ابيزا لو حالتها كويسة ودى نادرة هتعجبك قوى

**elpasha1** · 31-08-2012 11:27 PM

اعتقد ان حضرتك مقتنع بالفورد لكن مفبش حد مشجعك عليها وبتحاول تجمع لها اراء
وجهه نظري ان لو العربية عجباك وحالتها حيده توكل علي الله ولا تنس الاستخارة
تقبل مروري

**emam_maxconc** · 19-09-2012 02:40 AM

اوعي الفورد
الفورد فيستا فيها امكانيات تحسن من عربيات 2010 لكن خد بالك من شوية حاجات
اول حاجه الفورد في مصر سوقه مش اوي يعني ممكن تقعد قتره كبيره لحد ما واحد يشتريها (ده لو حبيت تبيع او اتزنقت فجاه)
تاني حاجه الصنايعيه مش بيفهموا فيها وممكن يبوظوها ولو فيه مشكله هتتطر تروح مشوار للحرفيين لناس محدده عشان يصلحها ده طبعا غير قطع الغيار نااااااااااااااااااااار
علي فكره انا معايا فورد اسكورت مو 99

**emam_maxconc** · 19-09-2012 02:45 AM

نصيحه خليك في العربيات الاتيه سوقها ماشي وكل الصنايعيه بيتفهم فيها (خد بالك ان اي سياره مستعمله لازم يحصلها اعطال وده طبيعي بس المهم انها ماتعذبكش وتكرهك في اليوم اللي اشتريت فيه عربيه)
1-مازدا 323 السعر (17000-30000) علي حسب الحاله
2-سوزوكي سويف السعر (22000-30000) علي حسب الحاله
3-الفيات بانواعه (127& 128 & 132 & 131 & 125& تيمبرا & اونو ) السعر لكل نوع سعر بس حوالي (10000-30000)