الموضوع: تويوتا ياريس مستعمل 2009 ولأ رينو لوجان زيرووووو 2013

طب معلش ماحدش قالى تعمل كام الياريس فى السوق لو عددها 18 ألف كيلو فابريكة برة وجوة وموديل 2009 كاملة مانيوال

تقريبا بالحاله دي من 69 الى 73 الف

اكيــــــــــــــــــد الياريس طبعا بدون تفكير و العربية دى تعمل من 65 - 70 الف حسب الحالة ^_^

المشاركة الأصلية كتبت بواسطة m_sallam

اكيــــــــــــــــــد الياريس طبعا بدون تفكير و العربية دى تعمل من 65 - 70 الف حسب الحالة ^_^

دا على كدا وعلى السعر اللى حضرتك كاتبه يبقى الناس دي بتتكلم فى أسعار فلكية بعيدة عن الواقع , يعنى فى النت طالبين فيها 81 ألف فى حين أنها لما كانت بتتباع زيرو أيهما كانت كلها على بعضها ب 90 ألف وأمبارح كنت فى سوق الجمعة وشوفت واحدة ياريس صاحبها هو اللى بيبعها فابريكة برةوجوة بس مليانة خرابيش من برة والفانوس الخلفى مكسور والتابلوه شاكله جربان مش هاين عليه حتى يشترى زجاجة ملمع عشان تبقى حلوة فى عين الناس وكاوتشها مشقق وماشية 43 ألف كيلو ... عاوز فيها كام بقى ؟!!!!!!!
طالب 75 ألف ومش عاوز ينزل جنيه واحد , الصبر ياررررررررررررررررب

مقارنة عربية بعربية ممكن الياريس تكسب .. فرق التقفيل بينهم واضح ، فرق الموتور مش ملحوظ .. فرق التكييف لصالح الياريس .. فرق العفشة الطرية المريحة لصالح الياريس ( ولو إن اللوجان برضه ناعمة ) .. إعادة البيع للياريس برضه ...

لكن الياريس في رأيي مش عربية سفر .. الياريس عربية داخل المدينة ممتازة ، لكن للسفر تاخد 6 من 10 .. لإن الثبات فعلا قليل على الـ 140 ، و الفرامل برضه مش بتسعف زي مانت متخيل بسبب الوزن الخفيف ...
بالتالي في حدود السعر ده أفضل حاجة ليك في رأيي مستعمل نيسان صني 2008 و على فكره هي هي نفس السعر و عربية سفر و فيها كل المميزات ( بس هي مش موفرة في البنزين زي الياريس- و برضه مش طرية أوي زي الياريس ) لكن إجمالا هتحس إن فلوسك في مكانها ... و ممكن تشوف البومة مستعمل 2007 برضه فرق السعر مش كبير في الرينج ده .. و في رأيي كده لمتطلباتك أفضل من اللوجان و الياريس كمان ..