بطارية النيسان صني

**youssef_sallam** · 29-06-2008 08:41 PM

انا كنت عايز اسال عن قدرة البطارية الكلورايد اللي بتيجي مع موديل 2008 صني
يعنى 44 - 50 - 70
و شكرا يا شباب

**omer** · 01-07-2008 02:08 AM

44 ضعيفة جدا

**youssef_sallam** · 01-07-2008 08:55 AM

اصل البطارية الأصلية باظت و روحت غيرتها فى توكيل كلورايد و بدلوها و دفعت 140 فرق إستهلاك , بس لما مشيت لقيت البطارية الجديدة 44 و نسيت اشوف القديمة كانت كام ,, 44 فعلا ضعيفة بس مش عارف الأصلية 44 ولا اكتر ,,,؟؟؟

**amrsabet** · 02-07-2008 01:32 AM

البطارية الكلورايد اللى فى النيسان 44 امبير لان البطارية الاصلى اللى فى النيسان صنى اليابانى كانت باناسونيك 44 امبير برده

**monsif** · 04-07-2008 04:25 PM

البطاريه بقالها معايا 3 سنين اهى و شغاله كويس

**youssef_sallam** · 04-07-2008 06:53 PM

المشاركة الأصلية كتبت بواسطة monsif

البطاريه بقالها معايا 3 سنين اهى و شغاله كويس

كام يا باشا 44 ولا اية و نوعها اية ؟
شكرا

**omer** · 05-07-2008 04:46 PM

بطارية سيئة وضعيفة وكل ماواحد يشوفها يستغرب على 44امبير هى توكتك

**sab3aawy** · 08-07-2008 09:43 PM

معلش يا جماعة انا بس عايز اسأل سؤال، وهو ليس سؤال استنكارى لكن سؤال استفسارى لأن انا عايز اكون رأى نهائى عن البطارية

كلمة "ضعيفة" اتكررت فى 3-4 مشاركات، فعلى اى اساس انتم حكمتم انها ضعيفة، هل لمجرد انها 44 أمبير؟ ام ان ضعفها ظهر فى حالة معينة من حالات التشغيل؟ يعنى مثلا هل حد منكم لما بيشغل التكييف بالليل بيحس ان نور العربية دخفس مثلا، او ان تشغيل المارش عدة مرات متتالية بيعمل مشكلة؟

ياريت تدلوا بدلوكم فى هذا الموضوع لأن اجاباتكم هتنور لى الطريق علشان اقطع فى موضوع البطارية برأى نهائى

**youssef_sallam** · 08-07-2008 10:54 PM

الجهبز بتاعنا السبعاوي

بقى انت مستنى راينا ,,,, عيب قوي ده إحنا اللى بنستي رأيك يا باشا
انا عن نفسى قولت ضعيفة علي اساس :-
1 - عربيتى القديمة اكسنت 1300 موديل 2000 و كانت 55 امبير
2 - صاحب محل بطاريات جمب البيت قاللى كدة و ضرب مثل إن ال 127 بيركب فيها 44
3 - إنها ضربت ( باظت) بعد 5 شهور إستعمال ممكن يكون عيب تصنيع او قولت يمكن البطارية ضعيفة علية
و الله أعلم

**sab3aawy** · 09-07-2008 12:31 PM

هقول لك انا ليه بسأل السؤال ده:

بالفعل ال127 كان بيركب فيها 55 أمبير، لكنها مصممة بشكل يحتاج لهذا الحمل، يعنى تكنولوجيا المحرك قديمة وحمله ثقيل على المارش وبياخد وقت على ما يلقط ، الخ، الى جانب ان الدينامو سعته قليلة وبالتالى بيحتاج البطارية تسد عليه فى الرعات البطيئة

لكن مع التطور فى التصميم،فحمل المحرك مش عالى على المارش وبالتالى المارش، وهو اقصى حمل للبطارية مش بيستنزفها، الى جانب ان الدينامو سعته مرتفعة (0 امبير فى الصنى) وبالتالى فهو بيشيل احمال العربية(تكييف، انوار، كاسيت، مروح تبريد الخ) فى كل السرعات، ولذلك فان حتى النسخة اليابانى من العربية كانت ببطارية باناسونيك 44 امبير برضه، يعنى هى العربية مصممة اساسا للعمل ببطارية سعتها 44 أمبير، كل الناس اللى انا سألتهم هل بتعانى من اى مشاكل مع العربية سببها البطارية والجميع نفوا وجود مشاكل بسبب البطارية، اللهم ان بطارية تبوظ بسبب عيب تصنيع وفى هذة الحل فالعيب فى البطارية نفسها وليس فى كونها Undersize

تركيب بطارية اكبر لن يضر لكنه فى نفس الوقت مصاريف على الفاضى، يعن انا لو هغير البطارية لأى سبب ومش ناوى اركب اضافات كهربائية للعربية(نظام صوت مثلا)هجيب بطارية جافة 44 أمبير برضه