ياريت حد يشوفلى حل فى السخونة

**mada_2005** · 30-08-2012 05:04 AM

اول حاجة المكنة كانت خفيفة والفايظ شغال الله ينور والزيت بيطير
المهم عملت نص عمرة خرط الوش وغيرت جوانات وكل حاجة بقت تمام
المهم وانا بلين على الواقف العربية كانت بتسخن جامد الميكانيكى قلى ده عادى وهتريح معاك
بعد كدة مشيت وعاملت مشاوير حوالى 300 كيلو بس باردو معاية نفس مشكلة السخونة ولازم اشغل المروحة يدوى متواصل

اخر ما زهقت قلت ابص على التاكيهات الخراط قالى مظبوطة تمام
بصيت على الكهربة لقتها تمام
بعد كدة روحت لواحد بتاع ريداتيرات وسلكت ونضفت وحطيت مية خضرة وغيرت ترموستات وكل حاجة 10/10 باردو نفس المشكلة ودرجة الحرارة بتوصل للغيان لو سبتها وطبعا مش بديها الفرصة انها تزين عن اللزوم فى السخونة ببطل العربية عشان لسة مش مديها الامان عشان متسخنش زيادة عن اللزوم

بصراحة انا مشعارف اعمل ايه تانى ياريت حد يساعدنى ويقلى على حل عشان انا طمعان فى خبرا اهل نايل موتورز

**mkmaly** · 30-08-2012 01:14 PM

طب هى كانت بتسخن قبل العمره ؟ لو اه يبقى محتاج ميكانيكى فاهم يشوفلك ايه الحل لكن لو لا يبقى فى حاجه غلط اتعملة فى العمره يا اما قطعة غيار فيها مشكله او مش اصليه وهى عموما بتبقى مشكلة جونات

**mada_2005** · 30-08-2012 08:16 PM

لا كانت عادية مبتسخنش والمية كل 4 ايام ببصلها فى الحر ده
دلوقتى بالمشوار لازم ازود مية وانا رايح بس

**mkmaly** · 02-09-2012 10:48 AM

طب يا باشا بدام الميه بتخس يبقى ببتبخر من الشكمان يعنى المشكله من بعد العمره حاول تبص على خراطيم دورة التبريد و الرداتير بخر ولا لا ولو لقيت الدنيا كلها متظبطه بيكون العيب من جوانات وش السلندر

**chiko** · 04-09-2012 08:18 PM

حضرتك بتقول خرط الوش و عملت جوانات عشان الزيت بخرج من خرطوم الفايظ ..!!!!

ايه علاقه الوش و الجوانات باللي حضرتك عملته .. الماتور عندك خفيف ..يعني محتاج شنبر علي الاقل ..

لو انت غيرت شنبر و مشكلة السخونه ده موجوده ... عيز بس اعرف شوية حاجات ..

الماتور في الدواره تقيل و اللي بيدور بسرعه و كمان هل في صوت في المكنه او فرقعه لو تزود ؟؟ و السحب ايه اخباره ..

**mada_2005** · 17-09-2012 07:28 AM

المشاركة الأصلية كتبت بواسطة chiko

حضرتك بتقول خرط الوش و عملت جوانات عشان الزيت بخرج من خرطوم الفايظ ..!!!!

ايه علاقه الوش و الجوانات باللي حضرتك عملته .. الماتور عندك خفيف ..يعني محتاج شنبر علي الاقل ..

لو انت غيرت شنبر و مشكلة السخونه ده موجوده ... عيز بس اعرف شوية حاجات ..

الماتور في الدواره تقيل و اللي بيدور بسرعه و كمان هل في صوت في المكنه او فرقعه لو تزود ؟؟ و السحب ايه اخباره ..

انا فعلا غيرت طقم الشنبر
والموتور بيدور من اول لفة مارش
فى فعلا فرقعة بحسها من الكاربورتير وانا بزود على الغيار الرابع اكتر حاجة
والسحب لما بتكون العربية باردة تمام جدا

**mada_2005** · 17-09-2012 07:29 AM

الحل الوحيد عندى عشان امشى لازم اشغل المروحة يدوى باستمرار اول مامشى بالعربية لحد اما ابطل

**dr.hazem** · 17-09-2012 08:39 AM

طيب والمروحه مش بتشتغل لوحدها ليه؟؟؟
يمكن مفصول حساس حرارتها
الثيرموستات اللي بيشغلها معقوله شغال؟؟؟

لان كونك بتشغلها يدوي يبقى هيا مش بتشتغل لوحدها....

**chiko** · 17-09-2012 07:40 PM

خالي ميكانيكي فاهم يعيد علي التقسيمه .. و حط ميلون خط تحت فاهم ده .. عشان فيه ناس علي قدهااا كتير ... لو كانت سليمه .. يبقي الشنبر اللي مركبه محمل .. و لو محمل خفيف يبقي هتلين مع الوقت عادي .. .و ان شااء الله ميكونش في تحميل عالي .. عشان كده هيعلم في الشميز ..