تقييم لوجان اوتو 2013 بعد 5000 كم

**كوباية شاى** · 30-08-2012 03:13 PM

السلام عليكم

حبيت اشارك معاكم تقييمى للوجان الاوتوماتيك بعد شهرين استخدام و 5000 كيلومتر

المميزات ( اللى تغير للاحسن ) :

1- نتشة الفتيس او الاحساس بالنقلات اختفى تماما و انا قاصد كلمة تماما يعنى مش 90% لا .. تمامااا

2- التسارع بقى قوى جدا على عكس اول ما مشيت بيها كنت حاسس سحبها ضعيف دلوقتى ممتازة

3- استهلاك البنزين زى ما هو لا بيزيد ولا بينقص و بيعمل بالضبط 10 لتر و نص داخل المدينة مع التكييف باستمرار .. مقدرش اقول الاستهلاك فى السفر لانى بمشى على 170 و 180 فبيبقى الاستهلاك عالى بزيادة

4- التكييف ممتاز برغم مواسير السخن اللى معدية فى التابلوة دى.

العيوب الرئيسية ( المشاكل اللى تم اكتشافها ) :

1- صوت الموتور عاااالى بزيادة بعد 130 كم\س ..عالى بغباء مش هزار لما توصل 170 او 180 .. لدرجة انى بعلى الكاسيت جامد علشان اسمعة .. نفسى الاقى حل فى الموضوع دة .

2- الثبات فى الضياع بعد 140 .. لو حبيت تفرمل جامد اتشاهد على روحك و كلبش فى الدريكسيون و استرجع كل خبراتك المتراكمة فى القيادة لتفادى حادث مروع.

3- سخونة بشعة داخل السيارة .. لو ماشى بالعربية و بعدين ركنت باليل و بعد شوية ركبت تانى هتحس ان العربية سخنة من جوة ( اسخن من الجو بشوية حلوين ) و طبعا رجلى اليمين بتوجعنى من الصهد المسلط عليها و انا سايق. بالاضافة الى ان تاثير الشمس على العربية دى بالذات بشع مش عارف لية .. يعنى لو راكن فى الشمس و جنبك سيراتو و جيت تركب الاتنين .. تاثير الشمس على سخونة السيراتو و اداء التكييف فى الاول اقل بكتيييييييييييييييييير من اللوجان !!

بس كدة هى دى الحاجات اللى اكتشفتها و اللى اتغيرت مع الوقت و فاكرها دلوقتى

لو حد عندة اى اسئلة انا تحت امرة

شكرا

**بوب ميجو** · 30-08-2012 04:24 PM

الف مبروك لحضرتك انت قولت انها موديل 2013 اوتو فهل فيها اضافات البلوتوث واليو اس بى ولا لا لانى عرفت ان بعض منها نازل بالاضافات والبعض مفهوش وشكرا

**eng.m7md.ali** · 30-08-2012 06:41 PM

الف مبروك ربنا يباركلك فيها
العربية دي فيها abs + ebd زي ماقالو ولا زي اللوجان القديمة؟
كمان موضوع الصهد ده حله بالعازل الحراري وموضوع السخونية حله بالفاميه وموضوع صوت الموتور حله بزيادة العزل

**ahmed_m_ashraf** · 03-09-2012 01:37 AM

المشاركة الأصلية كتبت بواسطة eng f3lix

الف مبروك ربنا يباركلك فيها
العربية دي فيها abs + ebd زي ماقالو ولا زي اللوجان القديمة؟
كمان موضوع الصهد ده حله بالعازل الحراري وموضوع السخونية حله بالفاميه وموضوع صوت الموتور حله بزيادة العزل

مفيش الكلام ده .. همه مين إللي قالو؟!!

**Youssef.Awad** · 03-09-2012 03:09 AM

شكرا ع التقرير الموجز ده يافندم..

**blackhorse123** · 03-09-2012 05:10 AM

اللوجان هتفضل طول عمرها واحد زيها زى الفيرنا بالظبط مش بيطورا فيها

فعلا العربيه اخرها تمشى عليها على 140 والفرامل للاسف ضعيفه والسخونه زى ماهى بالاضافه ان العربيه فى الملفااااااااااااات ربنا يكون فى عونها على العموم ربنا يستر على الجميع

بس انا اعتقد ان صوت الماتور كويس مش عالى كده قوى يمكن بتفرق علشان اتوماتك الله اعلم

**Mzeid** · 03-09-2012 06:32 AM

المشاركة الأصلية كتبت بواسطة blackhorse123

اللوجان هتفضل طول عمرها واحد زيها زى الفيرنا بالظبط مش بيطورا فيها

فعلا العربيه اخرها تمشى عليها على 140 والفرامل للاسف ضعيفه والسخونه زى ماهى بالاضافه ان العربيه فى الملفااااااااااااات ربنا يكون فى عونها على العموم ربنا يستر على الجميع

بس انا اعتقد ان صوت الماتور كويس مش عالى كده قوى يمكن بتفرق علشان اتوماتك الله اعلم

الفرامل عندي كويسة جدا
و العربية في المنحنيات مش كويسة بسبب انها عالية

و بالنسبة للتطور فالشكل الجديد ان شاء الله نازل في معرض باريس يوم 27

**كوباية شاى** · 05-09-2012 04:00 PM

العربية مفيهاش abs ebd

الفرامل ادائها اقل من المتوسط

صوت الموتور فى الاوتوماتيك بشع بعد 4000 ار بى ام و غير محتمل على 5000

موتور 2 كامة 110 حصان فعلا

ايرباج واحدة بس