اخيييييييرا لقيت حل لمشكله التكيف في ال 146
خيييييييييييرا لقيت حل لمشكله التكيف في ال 146 ..........
بعد ما كنت قربت افقد الامل وقولت خلاص هي العربيه كده ملهاش حل وابيعها واجيب حاجه احدث واخلص واللي قالك لا ابعد عنها احسن متشتريهاش دي بتسخن وكله فقد الامل خلاص
الحمد لله جاتلي فكره كنت قريتها في نايل موتورز في قسم تاني (تقريبا رينو) وهو ان اللوجان تكيفها مش قد كده اوي (زي اي اوروبي) مع ان العربيه زيرو ولما راح لواحد فصل السخن الدنيا بقت تمام
طب امبارح كنت عند بتاع التكيف عشان الكومبريسور فصل المهم الفيشه كانت واقعه وصلها واشتغل قولتلو طب ايه رايك نفصل السخن بس نعمله بنضافه وروقان بال مش مستعجل (عشان في منهم بيكروت ويقولك فصلته وخلاص) الراجل خلص اللي في ايده وبدأ اولا المفروض تفك البطاريه والقاعده عشان توصل لماسوره السخن بس هو فك فلتر الهوا وشال العمه ووصل من الجنب الشمال للماتور ينفع برضه المهم بيفك خرطوم السخن اللي بيبقى داخل للكويل بعد كده بينفخ فيه عشان يطلع الميه اللي كانت جوه (الميه السخه) ويوصل الخرطوم الساقع بالسخن ويقفلهم في بعض (يقفل الدايره) وبعد كده يحط طبه مكان السخن اللي فصله عشان مدخلش هوا لجوه العربيه (السخونه والصهد اللي بيطلعو من التابلوه ومكان الرجلين من جوه الكابينه)
طبعا بعد كده بيفك الكويل (اللي تحت رجل اليمين بتاع السواق) ويأكد ان هوايه السخن مقفوله وان هوايه الساقع مفتوحه للاخر والافضل يثبتها على الوضع ده باي مسمار شك
بعد كده تدور ويكلي القربه ويفك خرطوم القربه عشان ياخد هوا ويظبط ويقفل
النتيجه النهار ده بسم الله ماشاء الله ماشي الساعه 11 الضهر من شويه في الزحمه وفي الطريق والتكيف على سرعه 2 ومتلججججججج لدرجه اني بعدت الهوايات عني من السقوعيه ومش مصدق خااااااالص وماشاء الله درجه الحراره ثابته على 90 تقريبا سواء ماشي او واقف في زحمة
من كتر فرحتي ومايحسد المال الا اصحابه قمت نافخ العربيه في منزل كده وانا داخل على صلاح سالم هووووووب الحراره عليت قمت راكن لقيت الخرطوم اللي وصلهم ببعض امبارح فكو والميه كلها نزلت ومفيش ولا نقطه ميه في العربيه واتسوحت شويتين حلوتين في عز الشمس واتلسعت عشان اوصل الخرطوم بس الحمد لله لما ارجع حاروح لخالد امبابه يظبط الخرطوم عدل ويغير الكوليه بتاعه والله المستعان
قولو ماشاء الله بقى عشان انا اتلسعت من عيني النهارده :) ويارب تعدي على خير :)
