الموضوع: حل بسيط لتبطيل العربية، مشاركة للتجربة

إمبارح العربية كانت مبرجلة، وكل شوية تبطل. وبعدين بطلت وحلفت ماتدورش.

وديتها الميكانيكي، كشفنا على كل حاجة وملقيناش اي حاجة.

في الآخر حطيناها على كمبيوتر لقيناه مسجل مشكلة في immobilizer

رغم إن محدش حاول يستخدم مفتاح غلط للعربية.

الراجل بتاع كشف الأعطال، قال إن ده بيحصل باحتمال واحد في الألف إن كمبيوتر العربية يهنج ويسجل أخطاء من دماغه تخلي العربية تبرجل أو مترضاش تدور.

عملنا سكان شامل على كل حاجة بالكمبيوتر وملقيناش اي مشاكل الحمد لله.

بمجرد ما مسحنا الخطأ من كمبيوتر العربية، العربية دارت وشغالة زي الفل وطبيعي.

الخلاصة:

كحل أخير، لو العربية مبرجلة أو بطلت ومش عايزة تدور، فك كابل البطارية دقيقتين وركبه تاني عشان يمسح ميموري الأخطاء.

مفيش مانع تجرب تعمل كده لو العربية عطلت منك في مكان بعيد وجربت كل حاجة عشان تدورها، يمكن يكون الحل في حاجة تافهة زي كده.

مشاركة التجربة عشان الإفادة.

جزاك الله كل خير