المشاركة الأصلية كتبت بواسطة ebrahim_mh
يا جماعة انا ليا رأى فى النيسان الجديدة واتمنى الرد والاهتمام
الاول انا بتكلم على عربية مفروض تعيش معاك فترة طويه والناس فاهمه يعنى بعد فترة التوكيل هتعمل ايه
لو بتتكلم ان بعد فترة طويلة بعد التوكيل العيوب بتبان فى عربيات نيسان .. اقدر اقولك لو بتحافظ على صياناتك والعربية سواء جوة التوكيل او بره .. مواتير وعربيات نيسان حتشيلك وحتعمر معاك جدا
ولو قصدك انك ممكن تتسوح بعد فترة الضمان فى التعامل مع التوكيل فى اسعار المصنعيات وقطع الغيار .. لا اطمن لان هى هى نفس الاسعار وانت فى فترة الضمان مع عدا انك خرجت من الضمان فى حالة تبديل تغير اى قطعة غيار فى الضمان مجانا .. فده ساعتها لا يحق لك
1-تقفيل الاكصدام مش كويس ليه واخد الشبكه معاه يعنى لو اتخبطت العربية من قدام بالسلامة
الشبكة والاكصدام واكيد الفوانيس حتى لو لحمت الاكصدام هيبان طبعا لانه كبير على الفاضى
الشكل القديم كان الشبكة كلها مع الكابوت .. والناس كانت بتتخنق وبتخاف لما بتتخبط فى الشبكة لانها مع الكاوبوت ولو حصل حاجة صعبة لقدر الله كله جاى مع بعضه الكابوت مع الشبكة
دلوقتى الشبكة لوحدها مع الاكصدام .. والاكصدام كله تمنه 500 جنيه فى التوكيل .. واكيد قدام لما العربية تتنتشر سعر التايوانى منه حيكون ببلاش .. وسعر الشبكة اكيد حيكون معقول
فا من رائى انا شايف ان ده افضل من الوضع القديم .. ولو انا غلطان حد يصححلى .. لاننا بنفكر بعض باى ملعومة ممكن تكون غايبة عننا
2-تقفيل الصالون مش كويس من كثرة الفراغات بين البلاستيك مثلا عند الديركسيون فراغات وسعة و رهيبه
انا معاك فى ده .. بس مش لدرجة رهيبة !
3- قطغ غيار كتير صينى زى مواسير التكييف وبلاستيكات كتير فى الكابوت لو بازظت او اتقصرت مش هتلاقيها تانى زى قفل الكابوت وغطاء اربت المسحات
الكلام ده بالنسبالى مش مهم ابدا .. لان اى حاجة حتى لو اتقفلت فى مصنع نيسان وتحت جودة ورقابة نيسان فى الصومال .. فمش مشكلة بالنسبالى ابدا .. ولا يشكل مشكلة عليه ولا على نيسان
لان نيسان قبل ما حضرتك تغامر والحاجة اللى معاك مش تتحمل وتبوظ .. اكيد الشركة مش عايز تخسر فلوسها وسمعتها فى السوق .. وخصوصا انها شركة عريقة .. ودايما بتنافس فى السوق العالمى
اما قطع الغيار اللى حضرتك بتقول عليها مش حتلاقيها .. ما تقلقش .. حتلاقيها زى الرز .. طالما العربية حتتقفل هنا .. ومحلات قطع الغيار حتشتغل عليها فىا لحرفين ودمشق والتوفيقية .. بس الصبر عليها شوية
4- فرش الباب تعبان جدآ من حيث خامات ونوعيه البلاستيك وطبعا اكرة الباب عمرها قصير
اعتقد ان الامور ديه مهمه لاى حد
فرش الباب .. هو عاجب بعض الناس من الناحية العملية عشان سهل تنظيفه .. لان بصراحة انا مش بفضل البلاستيك فى الباب حتى لو خامته قوية
اما اوكرة الباب متقلقش قوية .. عمرى ما سمعت عن اوكرة باب اتكسرت من عميل
انا راى ان النيسان القديم احسن بكتير
ارجو الاهتمام والمشاركة