استشارة فى سيفيا ٢٠٠١ اوتوماتيك
محتاج مساعدة لو سمحتم دى اول عربية كيا اركبها و محتار بجد معاها العربية انا لسه جايبها من حوالى ٣ ايام و تعبانى جدا العربية سحبها مش اللى هوا اوى و كمان بتسقف بعد اما تعدى سرعة ال٣٠ كم تسقيفه خفيفة كده مهما كانت رجلى على البنزين خفيفة او تقيله و بتاكل بنزين كتيييير اوى بمعدل مش طبيعى خالص يعنى ٥٠ كم فى ١٢ لتر و مش عارف اعمل ايه و مش عارف اوديها لمين ميكانيكى كويس مع العلم ان الميكانيكى خلانى اغير طمبورة كرنك و جبت الأصلية و كتينه و بليه و ظبط لى التكيهيهات مع ان اللى انا اعرفه ان التكهيهات مش بتظبط فى العربيات دى فلو سمحتم لو حد عنده ميكانيكى كويس بيفهم ناحية الدقى ياريت يقولى عليه او يقولى على حل المشكلة دى لأنى تعبت فعلا و بفكر انى ابيعها مع العلم ان الميكانيكى عايز يلبسنى فى رشاشات .