الدخنة السودا معناها ايه؟
مشكلتى باختصار او انا مش عارف هل هيه مشكلة كبيرة ولا عادية:
العربية سكودا فليشيا موديل 1997 عداد عالم 197000 كيلو وماشية معايا زى الفل والحمد لله وبحط لها زيت شل الاصفر الموضوع باختصار لما النهاردة رجعت من الشغل والعربية كانت مركونة تحت البيت قلت ادورها وبعدين دارت ودوست بنزين جامد وببص على الشكمان لقيت دخنة سودا كتير ولما اسيب رجلى من على دواسة البنزين ميبانش حاجة فضلت دايس بعدها على البنزين لقيت دخنة سودا خارجة من الشكمان بطلت العربية واستنيت شوية وقلت اشوف الزيت مقاسه اخباره ايه لقيته على الماكس بس لاحظت ان على الاقفيز بتاع فايظ الزيت زى بخار زيت مش عارف ده معنى ايه معلش بقي طولت عليكم حد عنده تفسير هل الموتور كده بيودع ولا ايه انا من فترة كده كنت لت فى مسمار الهوا بتاع الكربراتير هل ممكن يكون ليه علاقة ولو زيت بيخل غرفة الاحتراق وهو سبب الدخنة السودا دى مش المفروض الزيت ينقص معلش طولت ياريت حد عنده خبرة ويفيدنى مش عايز اروح للميكانيكي الا ما اكون عرفت السبب علشان ابقي رايح وانا فاهم وشكرا ليكم