تصميم سيارة عسكرية بواسطة احد اعضاء موقع نايل موتورز وتقديمه للجهات المختصة

**HAITHAM1985** · 30-08-2012 01:13 PM

بسم الله الرحمن الرحيم

اللهم صل على محمد وعلى آله وصحبه أجمعين

السلام عليكم ورحمة الله وبركاته

قد يكون الموضوع غريبا بعض الشىء ولكنه له صله قوية بصناعة السيارات

التفاصيل كثيرة جدا وسأتكلم عنها بالتأكيد إذا لاقى التصميم القبول

هناك فوارق هندسية فى تصميم السيارة العسكرية عن تلك المدنية

ولكنى كنت أريد دعمكم ورأيكم إخوتى وأصدقائى فى المنتدى العزيز

الصــــــــور كفيلة لتكون البداية

على فكرة ده تصميم مش رسم وخلاااااااص ده تصميم بمقياس 1:1

وناوى إن شاء الله أقدمه لوزارة الإنتاج الحربى ولو مش مشيت الأمور هعرضه على شركة ألمانية إسمها رينميتال كان بينى وبينها مراسالات سابقة

منتظر أرائكـــــــــــــــم

**sanhory** · 30-08-2012 01:18 PM

تصميم ممتاز بصراحة

ولكن ما الفكرة في اخراج نظام العادم من اعلى السيارة؟

**Ahmed Selim** · 30-08-2012 01:20 PM

هايل يا باشا.............الله ينور

المشاركة الأصلية كتبت بواسطة sanhory

تصميم ممتاز بصراحة

ولكن ما الفكرة في اخراج نظام العادم من اعلى السيارة؟

أكيد علشان يكون فيه أمكانية للعربية أنها تمشى فى أماكن فيها مياه بأرتفاع عالي.....

صح و لا أنا غلطان ؟

**sanhory** · 30-08-2012 01:32 PM

المشاركة الأصلية كتبت بواسطة ahmed a.maksoud

هايل يا باشا.............الله ينور

أكيد علشان يكون فيه أمكانية للعربية أنها تمشى فى أماكن فيها مياه بأرتفاع عالي.....

صح و لا أنا غلطان ؟

عشان العربية تمشي في مياه عميقة محتاجة فتحة دخول الهواء للمحرك هي اللي تكون عالية و فوق السيارة مش العادم , العدم كده كده حيخرج حتى لو في الميه

**HAITHAM1985** · 30-08-2012 01:40 PM

المشاركة الأصلية كتبت بواسطة sanhory

تصميم ممتاز بصراحة

ولكن ما الفكرة في اخراج نظام العادم من اعلى السيارة؟

الأسباب :

>>>> علشان خروج العادم يبقى أسهل فى حالة المرور فى الموانع المائية

>>>> علشان وحدة الشكمان لا تعوق السير فوق الصخور والطرق الوعرة لأنها ستكون عرضة للتلف والكسر

>>>> عسكريا ........ علشان ماسورة العادم دى بتبقى حرارتها عالية فبيتم إستغلال هذه الحرارة فى عمل سحابة دخان كثيفة حول السيارة عن طريق حقن كميات صغيرة من الوقود بشكل متقطع فى ماسورة الشكمان لتتكون سحابة ترافق السيارة وتقوم بتغطية السيارة وكذلك منع إستهدافها بصواريخ التهديف الليزرى لأن الدخان بيقوم بكسر أشعة الليزر

**Ahmed Selim** · 30-08-2012 01:41 PM

المشاركة الأصلية كتبت بواسطة sanhory

عشان العربية تمشي في مياه عميقة محتاجة فتحة دخول الهواء للمحرك هي اللي تكون عالية و فوق السيارة مش العادم , العدم كده كده حيخرج حتى لو في الميه

أعتقد الأتنين يا باشا.............فاكر أنى قريت قبل كده أن فيه خطر لو المياه دخلت ماسورة العادم.

و عموماً التصميم لو دققت فيه هتلاقى ماسورة عادم مش هواء.

**Elawany13** · 30-08-2012 01:53 PM

الله ينور ... التصميم شكله حلو جدا
اشطرت على ألمانيا لما ينفذوها يدوك واحدة بدل الفليشا
وهنحتاجك فى معارك التكاتيك والميكروباصات والتروسيكلات

أنا مش خبير فى شكل السيارات العسكرية
بس أنا حاسس ان الشكل مألوف ... فيها شبه من الهامر العسكرية والفهد المصرية