تصميم سيارة عسكرية بواسطة احد اعضاء موقع نايل موتورز وتقديمه للجهات المختصة

بسم الله الرحمن الرحيم

اللهم صل على محمد وعلى آله وصحبه أجمعين

السلام عليكم ورحمة الله وبركاته

قد يكون الموضوع غريبا بعض الشىء ولكنه له صله قوية بصناعة السيارات

التفاصيل كثيرة جدا وسأتكلم عنها بالتأكيد إذا لاقى التصميم القبول

هناك فوارق هندسية فى تصميم السيارة العسكرية عن تلك المدنية

ولكنى كنت أريد دعمكم ورأيكم إخوتى وأصدقائى فى المنتدى العزيز

الصــــــــور كفيلة لتكون البداية

http://img02.arabsh.com/uploads/imag...4d4865f502.jpg

http://img02.arabsh.com/uploads/imag...4d4865f50d.jpg

http://img02.arabsh.com/uploads/imag...4d4865f50c.jpg

http://img02.arabsh.com/uploads/imag...4d4865f405.jpg

http://img02.arabsh.com/uploads/imag...4d4865f404.jpg

http://img02.arabsh.com/uploads/imag...4d4865fb06.jpg

على فكرة ده تصميم مش رسم وخلاااااااص ده تصميم بمقياس 1:1

وناوى إن شاء الله أقدمه لوزارة الإنتاج الحربى ولو مش مشيت الأمور هعرضه على شركة ألمانية إسمها رينميتال كان بينى وبينها مراسالات سابقة

منتظر أرائكـــــــــــــــم

تصميم ممتاز بصراحة

ولكن ما الفكرة في اخراج نظام العادم من اعلى السيارة؟

هايل يا باشا.............الله ينور

اقتباس:

---

المشاركة الأصلية كتبت بواسطة sanhory

تصميم ممتاز بصراحة

ولكن ما الفكرة في اخراج نظام العادم من اعلى السيارة؟

---

أكيد علشان يكون فيه أمكانية للعربية أنها تمشى فى أماكن فيها مياه بأرتفاع عالي.....

صح و لا أنا غلطان ؟

جامد جدااا ما شاء الله .... كمل و لكل مجتهد نصيب

اقتباس:

---

المشاركة الأصلية كتبت بواسطة ahmed a.maksoud

هايل يا باشا.............الله ينور




أكيد علشان يكون فيه أمكانية للعربية أنها تمشى فى أماكن فيها مياه بأرتفاع عالي.....

صح و لا أنا غلطان ؟

---

عشان العربية تمشي في مياه عميقة محتاجة فتحة دخول الهواء للمحرك هي اللي تكون عالية و فوق السيارة مش العادم , العدم كده كده حيخرج حتى لو في الميه

اقتباس:

---

المشاركة الأصلية كتبت بواسطة sanhory

تصميم ممتاز بصراحة

ولكن ما الفكرة في اخراج نظام العادم من اعلى السيارة؟

---

الأسباب :

>>>> علشان خروج العادم يبقى أسهل فى حالة المرور فى الموانع المائية

>>>> علشان وحدة الشكمان لا تعوق السير فوق الصخور والطرق الوعرة لأنها ستكون عرضة للتلف والكسر

>>>> عسكريا ........ علشان ماسورة العادم دى بتبقى حرارتها عالية فبيتم إستغلال هذه الحرارة فى عمل سحابة دخان كثيفة حول السيارة عن طريق حقن كميات صغيرة من الوقود بشكل متقطع فى ماسورة الشكمان لتتكون سحابة ترافق السيارة وتقوم بتغطية السيارة وكذلك منع إستهدافها بصواريخ التهديف الليزرى لأن الدخان بيقوم بكسر أشعة الليزر

اقتباس:

---

المشاركة الأصلية كتبت بواسطة sanhory

عشان العربية تمشي في مياه عميقة محتاجة فتحة دخول الهواء للمحرك هي اللي تكون عالية و فوق السيارة مش العادم , العدم كده كده حيخرج حتى لو في الميه

---

أعتقد الأتنين يا باشا.............فاكر أنى قريت قبل كده أن فيه خطر لو المياه دخلت ماسورة العادم.

و عموماً التصميم لو دققت فيه هتلاقى ماسورة عادم مش هواء.

ما شاء الله هايل .

الله ينور ... التصميم شكله حلو جدا
اشطرت على ألمانيا لما ينفذوها يدوك واحدة بدل الفليشا
وهنحتاجك فى معارك التكاتيك والميكروباصات والتروسيكلات

أنا مش خبير فى شكل السيارات العسكرية
بس أنا حاسس ان الشكل مألوف ... فيها شبه من الهامر العسكرية والفهد المصرية

التصميم ممتاز
لكن ليا عليه تحفظين
1- ارتفاع السيارة عن الارض يعتبر صغير بالنسبة لسيارة عسكريه
2- نظام اخراج العادم مكشوف وبالتالي هيمثل نقطة ضعف مباشرة للسيارة

ما شاء الله ..

اقتباس:

---

المشاركة الأصلية كتبت بواسطة sha2e

التصميم ممتاز
لكن ليا عليه تحفظين
1- ارتفاع السيارة عن الارض يعتبر صغير بالنسبة لسيارة عسكريه
2- نظام اخراج العادم مكشوف وبالتالي هيمثل نقطة ضعف مباشرة للسيارة

---

بارك الله فيك

إرتفاع السيارة من أكثر النقاط إقترابا من الأرض هو 61 سم أظنه مش قليل !!!

لية نظام العادم هيمثل نقطة ضعف مباشرة للسيارة ؟؟؟

هايل كمل و بالتوفيق باذن الله

اقتباس:

---

المشاركة الأصلية كتبت بواسطة haitham1985

الأسباب :

>>>> علشان خروج العادم يبقى أسهل فى حالة المرور فى الموانع المائية

>>>> علشان وحدة الشكمان لا تعوق السير فوق الصخور والطرق الوعرة لأنها ستكون عرضة للتلف والكسر

>>>> عسكريا ........ علشان ماسورة العادم دى بتبقى حرارتها عالية فبيتم إستغلال هذه الحرارة فى عمل سحابة دخان كثيفة حول السيارة عن طريق حقن كميات صغيرة من الوقود بشكل متقطع فى ماسورة الشكمان لتتكون سحابة ترافق السيارة وتقوم بتغطية السيارة وكذلك منع إستهدافها بصواريخ التهديف الليزرى لأن الدخان بيقوم بكسر أشعة الليزر

---

ايوه كده الله ينور عليك
كده وضحت الفكرة
بس ماشاء الله و اضح انك مش سايب حاجة للصدفة او عامل حاجة بشكل عشوائي كله مدروس بجد الله ينور

الصورة الثالثه فيها الارتفاع ممتاز
لكن الصورة الثانية والرابعه واضح فيها جزء -اعتقد الكرونه - قريب من الارض
بالنظر اعتقد المسافه بين اسفل نقطه فيه وبين الارض أقل من 50 سم وده هيمنع الاستفاده من الارتفاع الكلي للسيارة
اعتقد هيكون تعديل النقطه دي سهل

بخصوص العادم دي سياره عسكريه او مصفحه وبالتالى لازم تكون اجزائها على قدر من الحمايه ضد الهجمات
ووجود مواسير اخراج العادم بشكل واضح هتكون عرضه للاصابه بشكل مباشر "نقطة ضعف"
واعتقد ان دي حاجه سهله برضوا ممكن تجاوزها باجراء تعديل بسيط لاخفاء وحماية مواسير اخراج العادم

خالص تحياتى

اكيد الكابينة من جوا فيها دورة هواء مقفوله عشان لو في هجوم بغازات مسيلة مثلا ميتأثرش اللي جواها
بس ما شاء الله شايف فيها تعب كتير

هايله
بالتوفيق ان شاء الله

بصراحة مجهود جامد
بس الشكمان ده شوفلوا اى صرفة وبعدين ازاى يبقى جنب مدفع واحد قاعد عليه ده هيضايق اللى قاعد وهيعوق دوران المدفع
وافرض العربية دايرة وواقفة وواحد قاعد برة على المدفع واتجاه الهوا عكسي ..ده انت كده تخلص على العساكر بتوعنا

انا ماليش في العسكريات فمش هاعرف اعلق و ان كان واضح على الرسم الاتقان



بس مش عارف ليه حاسس ان شكلها مألوف !

اقتباس:

---

المشاركة الأصلية كتبت بواسطة sanhory

ايوه كده الله ينور عليك
كده وضحت الفكرة
بس ماشاء الله و اضح انك مش سايب حاجة للصدفة او عامل حاجة بشكل عشوائي كله مدروس بجد الله ينور

---

لازم أعمل حاجة مظبوطة علشان أبقى على قدر المسؤلية إذا ماتم إعتماد التصميم للتصنيع أو حتى الدراسة

شكرا على الإطراء

اقتباس:

---

المشاركة الأصلية كتبت بواسطة sha2e

الصورة الثالثه فيها الارتفاع ممتاز
لكن الصورة الثانية والرابعه واضح فيها جزء -اعتقد الكرونه - قريب من الارض
بالنظر اعتقد المسافه بين اسفل نقطه فيه وبين الارض أقل من 50 سم وده هيمنع الاستفاده من الارتفاع الكلي للسيارة
اعتقد هيكون تعديل النقطه دي سهل

بخصوص العادم دي سياره عسكريه او مصفحه وبالتالى لازم تكون اجزائها على قدر من الحمايه ضد الهجمات
ووجود مواسير اخراج العادم بشكل واضح هتكون عرضه للاصابه بشكل مباشر "نقطة ضعف"
واعتقد ان دي حاجه سهله برضوا ممكن تجاوزها باجراء تعديل بسيط لاخفاء وحماية مواسير اخراج العادم

خالص تحياتى

---

تمااااااااااااااااااااااا ام .......... هدرس إقتراحك وبإذن الله تكون النتيجة مرضية

اقتباس:

---

المشاركة الأصلية كتبت بواسطة osama.m

اكيد الكابينة من جوا فيها دورة هواء مقفوله عشان لو في هجوم بغازات مسيلة مثلا ميتأثرش اللي جواها
بس ما شاء الله شايف فيها تعب كتير

---

أكيييييد طبعا ........ دا اللى بيبقى موجود حاجة ألعن من دورة تهوية >>>>>>> بيبقى فيه جهاز لمكافحة الضربات النووية والكيميائية والبيولوجية وده أصبح تجهيز قياسى فى المركبات العسكرية فى العالم كله

اقتباس:

---

المشاركة الأصلية كتبت بواسطة haitham1985

على فكرة ده تصميم مش رسم وخلاااااااص ده تصميم بمقياس 1:1

---

1:1؟؟؟؟؟؟ اكيد قصدك نسبة تانية

فى حاجة مهمة أوى ....... فيه أخ كريم بعتلى رسالة على الخاص بيقولى إن التصميم مسروق أو الموضوع منقول من منتدى ساحات الطيران العربى

يا جماعة أنا العضو المسمى ليكريك اللى عامل التصميم على الموقع العسكرى

وديه الدلائل

دى صورة print screen
لبيانات الدخول

http://................../uploads/im...4d4966fa03.jpg

دى صورة print screen
لبرنامج solidworks اللى أنا عملت علية التصميم

http://................../uploads/im...4d4966fa02.jpg
أنا مش أهبل للدرجادى

وده print screen لبدن العربية محفور عليه إسمى

http://img02.arabsh.com/uploads/imag...4d4967fa03.jpg

ما شاء الله تصميم هايل بس مش كدة ممكن التصميم يتسرق

رائــــع فعلاً مجهود عالى ........ تحياتى

دى صورة print screen
لبيانات الدخول



http://img02.arabsh.com/uploads/imag...4d4960f10c.jpg

دى صورة print screen
لبرنامج solidworks اللى أنا عملت علية التصميم


http://img02.arabsh.com/uploads/imag...4d4960f005.jpg

مجهود كويس منك.....و انت اكيد مش سارقه.....بس التصميم متأثر اوي بعربية مدرعة من جنوب افريقيا اسمها Marauder ....انا والله مش قصدي اقول انك مقتبسها انا بس بوضح ان في تأثر بتصميمها..ودا شىء عادي في كل الدنيا
http://stbjp.msn.com/i/73/0A68DA55F8...2B5C6DD8D3.jpg

[url=http://forum.santabanta.com/showthread.htm?242688-Marauder-10-things-you-didn%92t-know]Marauder - 10 things you didn

تحفة طبعا
توكل على الله التصميم رائع جداااااااااااا
ربنا يعزك يا رب

رائعه جدا كمل المشوار .. و لو احتجت ترجمه حاجه للمراسله .. انا بعرف الماني كويس و لي اصدقاء في المانيا ممكن يساعدوك في الترجمه

الله ينور .

جميلة جدا ..ما شاء الله عليك

http://www5.picturepush.com/photo/a/...x/untitled.jpg

استغفر الله العظيم

رائع
بس هل التصميم ده للشكل فقط ؟
وهل دي عربه ولا مدرعه ؟ ولو مدرعه عملت حساب التسليح ؟؟
مبدأيا انا مش بحبطك طبعا
بس ربنا يوفقك
استمر يا وحش

تصميم جميل
بس يارب حد يعبرك
و نشتغل بجد بقى

الله ينور عليك