مطلوب شريك

**eng.abdallah** · 30-08-2012 11:43 PM

بسم اللة الرحمن الرحيم
السلام عليكم ورحمة الله وبركاتة
انا اسمى عبدالله سعد
انا حبيت اطرح مشكلتى فى هذا المنتدى القوى يمكن الاقى حل لمشكلتى قولت اعرض مشكلتى عليكم لانى بجد بحب المنتدى دة اوى
الاول هعرفكم على نفسى
انا اسمى عبدالله سعد عبداللطيف
من المنصورة
طالب بكلية حاسبات ومعلومات المنصورة
انا بشتغل فى كماليات السيارات وقطع غيار الهونداى من سنة واكتر بس كان معايا شريك مادى اوى ومن الاخر انا اللى كنت بروح واجى ولفيت تقريبا جميع محافظات الجمهورية لدرجة انى كنت بشتغل بأيدى بشيل وبحط وبوزع بعربيتى
وليا علاقات جامدة جدا الحمدلله رب العالمين

انا من يوم ماسبت شريكى من شهر فكرة فى انى اعمل مشرووع فى المنصورة وحاجة انا اكون فاهم فيها كويس اوى وملقتش غير الاكسسوارت وكماليات السيارات لانها تعتبر اكبر تجارة رابحة فى مصر مع العلم انى قادر استورد من الصين
وقادر انى اخد توكيلالت شركات كبيرة فى كماليات السيارات
هدخل علطول على فكرة المشروع

فكرة المشروع هى مركز خدمات متكامل للسيارات
لان الناس دلوقتى بتزهق من انها بتروح 50 مكان عشان تعمل حاجات فى عربيتها
فانا فكرت فى انى اجمعلهم معظم الخدمات دى فى مكان واحد
الخدمات هتكون اية (غسيل سيارات بالبخار +اقوى كار كير فى المنصورة كلها ان شاء الله +غيار زيت وكمان جميع انواع الزيوت هتكون عندنا +كاتشوك كامل نيتروجين وهوا وخلافة +تظبيط عربيات اكسدمات وتنفيخ وخلافة وانا وللة الحمد بتعامل مع صنايعية جامدين اوى فى المجالات دى وانا وللة الحمد اعرف اعمل كل الشغل دة بنفسى نيجى لقسم الاكسسوارات جميع الاكسسورات اطقم صوت وزينون واقوى الفرش التركى وكمان عندى اللى يركبهولك +معطرات واستيكرات وخلافة وكمان هشتغل فى قطع غيار السيارات اللى ماشية اكتر حاجة فى السوق زى الهونداى (فيرنا +النترا وخلافة وكمان سيارات البييد الصينى طبعا انا بركز على قطغ الغيار دى بزات لانها هى السيارات الرايجة فى مصروكمان هيبقى عندى تأجير سيارات لحساب الغير وكمان بيع وشراء لحساب الغير )
كل المطلوب عاوز شريك فى راس المال
ومش مهم خبرة ولا حاجة لانى عندى الخبرة والعمالة واقدر اوفر المكان كمان
كل اللى انا عاوزة شريك يعرف ربنا ويخافة ويكون فى ضهرى ومش عاوز منة لا يشتغل ولا يعمل اى حاجة اما لو عاوز يجى يقف فى المحل يجى على دماغى ويمسك كل حاجة لو عاوز وعندة الخبرة الكافية
انا عندى دراسة الجدوى الكاملة للمشروع من الالف للياء
دراسة جدوى كاملة وتقديرية100%
انا كل اللى عاوزة توفير ما يقارب من 50:60 الف
وطبعا انا هدفع قدهم بالظبط
وكمان الشريك يبقى معايا خطوة بخطوة
اهم حاجة عندى يكون بيخاف ربنا عشان ربنا يكرمنا مع بعض
واسف انى طول عليكم

**ameerahmad** · 31-08-2012 03:05 AM

ممكن نتقابل؟
ابعتلي رقمك على الخاص

**SASA3** · 31-08-2012 03:12 AM

طب المكان فى المنصورة عندك ولا ممكن فى مناطق تانية

و انت بتقول ان لييك فى قطع الغيار علشان اعتقد ان قطع الغيار تختلف عن الكماليات و الاكسسوارات

و اعتقد المبلغ محتاج يتراجع يعنى مكن النتروين و و كمبروسرات هواء بالمياه لوحدها اعتقد كانت مكنه كمبروسر مياع بهواء ب10.000

و متابع معاك برضه ان شاء الله

**eng.abdallah** · 31-08-2012 03:42 PM

المشاركة الأصلية كتبت بواسطة ameerahmad

ممكن نتقابل؟
ابعتلي رقمك على الخاص

انا بعتلك الرقم بتاعى على الخاص ياريت لو جاد فى الموضوع تكلمنى وانا برضة هعدلك رقمى هنا 01098145514

**eng.abdallah** · 31-08-2012 03:48 PM

المشاركة الأصلية كتبت بواسطة sasa3

طب المكان فى المنصورة عندك ولا ممكن فى مناطق تانية

و انت بتقول ان لييك فى قطع الغيار علشان اعتقد ان قطع الغيار تختلف عن الكماليات و الاكسسوارات

و اعتقد المبلغ محتاج يتراجع يعنى مكن النتروين و و كمبروسرات هواء بالمياه لوحدها اعتقد كانت مكنه كمبروسر مياع بهواء ب10.000

و متابع معاك برضه ان شاء الله

انا بعتمد على المنصورة عشان مفيش فيها مراكز زى دى
او بمعنى اصح اكتر المغاسل تعبانة وبيعتمدو على المظهر الخارجى وبس
بالنسبة لقطع الغيار والله انا عارف انها تفرق كتير عن الكماليات بس هبدأبالكمليات والاكسسوارات لان اغلب الناس دلوقتى بتروح على المضمون واللى اسمة فى العالى اين كان نوع القطع
فأنا هبدأ بالكمليات وبعد كدة اما يبقى عندى زبون كويس ابدأ اعرف الزباين بنوعية قطع الغيار اللى انا هجبها
بخصوص المعدات فأنا عندى دراسة كاملة بأخر اسعارها وعارف كويس اوى منين هجبها

**محمد بدر** · 31-08-2012 04:18 PM

يا عبدالله وفقك الله وسدد خطاك وربنا يكرمك بشريك يراعى الله
كنت اتمنى ان اساعدك واقدم لك اى خدمات مساعدة بدون أى مقابل
ولاكن للأسف بعد المسافة بين المحافظتين هو المانع الوحيد
وممكن أى شخص يسأل ويقول وما استفادتى أولا" تقديم الخدمة ليس فرض ان تكون مادية ولاكن ممكن معنوية او أى مساعدة بمجهود ما
وسبب ذلك ان أى شخص فى مكانك هذا كطالب يعنى سنك صغير وعقلك وطموحك كبير لازم ولابد ان تمتد ايادى المخلصين له بالمساعده والله مش عايز ادخل فى كلام انشاء
بس من الأخر انا معجب جدا بمشروعك ولو احتجت أى حاجة من السويس اعتبر ليك أخ كبير وتحت امرك فى أى شئ ويارب اقدر اقدم لك أى مساعده

**محمد بدر** · 31-08-2012 05:53 PM

المشاركة الأصلية كتبت بواسطة eng.abdallah

شكرا ليك يا اخ mmbadroo بجد لواحتجت اى حاجة منك اكيد هقولك بجد انتا رفعت من معنوياتى كتير لانى بدأت ايأس انى اعمل المشروع دة اصلا وعلى فكرة انا عندى 22 سنة وقصرت فى التعليم شوية بسبب انى بحبب الشغل اوى والمفروض انى اكون خلصت تعليم بس للاسف شغلى فى التجارة خلانى ادبلر سنتين لانى من الاخر شايف ان نص اللى بيتخرجو ويمكن اكتر من كدة مابيشتغلوش بدراستهم عشان كدة اتجهت للشغل والمكسب وبجد بحب الشغل اوى على فكرة انا من عيلة ميسورة جدا جدا وبشتغل من تانية ثانوى يعنى بقالى خمس سنين اشتغلت فى حاجات كتيرة اوى فى كفتريات ومطاعم وكمان فى قطع الغيار واستيراد ملابس من الصين وبعها بالجملة هنا
ورفضت انى اشتغل مع والدى عشان نفسى اعمل كيان ليا انا ميكنش حد لة الفضل عليا حتى لو كان الحد دة ابويا وشكرا بجد على كلامك الحلو دة واكيد ربنا هيكرمنى ويوقفلى ولاد الحلال زى ما بيقولو

والله كلامك ده كله ان متوقعوا ولاكن نصيحة من اخ أكبر لازم بإذن الله تنهى هذه المرحلة التعليمية على خير وبدون تأثر على حياتك العملية وده سهل جدا ان شاء الله - وبعدين لو فى اى استيراد من ميناء السويس ممكن اسعدك